Timoteo 1 4:6 - Nyangbo New Testament

⁶ Onupɛ obu ebui alɛ ɔkasɛ badzyaa, obodzi axɔ̃ɛdɛ gbangbã ɔkɔ Kristo Yesu, gɛ banyɔnɔ nɛ kibui gbã tɛyɛyɛkɛŋã mɛ nɛ̀ bɔdɔ̃ kakasɛ gbangbã gɛ bɔlɛ ede wɔlɛ mɛ.

Timoteo 1 4:6 Referans Kwoze

Koloseanɛ 3:16

Nɔkɔ Kristo ibuiɛ zã wɔnɔ mɛ nɛ kedzi yɛyɛkɛ mɛ nɛ kibeɛ gɛ nɔkasɛ ɔdɔ̃ pɛ nohu buluhũ ɔkɔ agɔlɔ nɛ bubutì petee mɛ, nɛ kibeɛ gɛ nɔɔkalà ɛdzɛ zhazhã eplukpa pɛ nɔzhã ɛfɔfuĩa mɛ ɛdzɛɛ nɛ̀ ahɔɛhuhu nɛ wɔnɔ etúɔ mɛ ɔkɔ Owusoso Akaa.

Tito 2:1

Kɛlɛ sɛ ɔkasɛ kɛgɛ shɔnɔ pɛ kinu bɔdɔ̃ kakasɛ gbangbã.

Koloseanɛ 4:7

Tikikus ebètseɖɔ wɔnɔ ebuiɛ petee mɛ gɛ ɛgã. Enu adzya gbangbã, axɔ̃ɛwɔa gɛ ayɛkɛ aŋã pɛ aɖɔ kibui gbã pɛ ewlui enu axɔ̃ɛdɛ ɔplɛnɔ ɔlɔ nɛ Apaleteɛ mɛ.

Yuda 1:5

Nɔonyi ebui alɛ nyɔ̃ɔ, pɔ ɛpɛ sɛ bakà wɔnɔ sɛ̀ Apaleteɛ ebu yɛanɔ nɔ̀ odenɔ Egipte, pɔ kidegbaa ebeyì bagɛ agɛ yɛkɛ aŋãa.

Yohanes 2 1:9

Anunɔ gɛ atɛ fala eputɔ pɛ agɛ akasɛ ɔdɔ̃ nɛ Kristo yɛɔdɔ̃ kakasɛ nabhaa, Owusoso Akaa ama yɛmɛ, pɔ anunɔ gɛ etsiɖì ɛlɛ abha pɛ akasɛ Kristo ɔdɔ̃ɔ, yɛahɔɛ Akaa nɛ̀ Eyiɛ pete alɛ.

Petro 1 2:2

Asɛ beyì vɔvɔ gɛ bamɔ ana, nɔobisi ɔfɔfuĩa mɛ kɛmɔlĩ gbangbã, sɛ tɛ nɛ bɔlɛ mɛɛ nɔobo shè oku wɔnɔ tibubuɔ mɛ,

Timoteo 2 4:3

Ɔmɔsɛ kibèɛ baba gɛ, banɔ azapɛ asɛ tɛ belũ batɔ̃ akɔ bɔdɔ̃ kakasɛ piapii nɔ. Pɔ tɛ beku ishu awɔ̃ soɔ, babalɔkɔ badɔ̃ kakasɛ kpekpè akana balɛ ishu tɛ betseɖe alɛ kɛgɛ batɔ̃ gɛ awɔɛsɛ̃ alɛ apɛɛ asɛ tɛ belũɔ.

Timoteo 2 3:10

Wɔ, onyi ibui odenɔ mɛɔdɔ̃ kakasɛ petee shu, mɛ ɛkpã gɛ idzinɔ, kɛgɛ ɛtɔɖɔ, mɛ tɛyɛyɛkɛŋã, mɛ kitú esi lulu, mɛ tɛdɛdɛmɛ nɔ, mɛ kemì tɛkpɛkpɛ,

Timoteo 2 1:6

Nɛ kibui ɛlɛ shu soɔ, ɛbaka wɔ sɛ tɛ̀ ɔkpɛ kifù nɛ kɛxɔ̃ɛ gɛinu Owusoso Akaa ɛdɔ̃ kɔkɔ gɛkpasɛ wɔ mɛ, ɔgana mɛahɔɛ tɔtɔɖɔ nɛ wɔabha mɛ.

Timoteo 1 6:3

Onupɛ anɔ teli akasɛ asɛnɛ ɔdɔ̃ pɛ agɛ dɛmɛ atɔɖɔ Apalete Yesu Kristo yɛebuiɛ nɛ̀ Owusoso Akaa ɔdɔ̃ kakasɛ nabhaa,

Timoteo 1 4:16

Lu awɔ̃ nɛ̀ wɔ ɛkpã nɛ̀ bɔdɔ̃ kakasɛ shu piapii. Kpɛ kemi nɛ bɔlɛ mɛ, ɔmɔsɛ ɔbhɛtɛ ana, obo bu wɔ ishu nɛ bagɛ ɔkasɛ bɔdɔ̃.

Timoteo 1 1:10

lɔlɛ ɔkɔ ɔmamɛ dɛdɛ elete, nɛ̀ bagɛ abhɛtɛ atsɔ̃buiɛ, lɔlɛ ɔkɔ bagɛ agã banɔ dzizì edziɛ, basɛnɛ elete nɛ̀ bagɛ betielũ atɔ̃ akɔ ɔsha-nɛ̀ kɛka nyia ka ɛdi gɛ kɛgã ɔtɔ nɛ bɔdɔ̃ kakasɛ gbangbã shuɔ

Tesalonikanɛ 1 3:2

Bɔsɛsɛ Timoteo, gɛenu bɔlɔ adzya nɛ̀ Owusoso Akaa axɔ̃ɛwɔa ɔkɔ Kristo yɛibuiɛ tɛkakanà, sɛ tɛ akpɛ wɔnɔ ohumi nɛ̀ tɛ̀ akpɛ wɔnɔ kemi nɛ wɔnɔ tɛyɛyɛkɛŋã mɛ,

Koloseanɛ 2:19

Ayala idzoɔ gɛ kpasɛ yɛ nɛ agɛ yɛenu Kɛtakpuɔ nɛishi, anunɔ gɛ yɛ mɛ ishudzya petee nyana agɔlɔ ovunɔ pɛ lɛkpɛ tsà nɛ̀ tɛzɛ̃ɛ, pɛ lishe asɛ kana gɛ Owusoso Akaa abhɛtɛ asɛ lisheɛ.

Filipianɛ 3:16

Nɔkɔ bɔzã nɛ̀ ɛkpã nɛ kɛgɛ bɔtɛ yɛkɛ ete shu.

Efesoanɛ 6:21

Tixiko, adzyaa gɛ ɛdɛmɛ nɔ pɛ enu axɔ̃ɛdɛ gbangbã nɛ Apaleteɛ mɛ, ebetseɖe ɔnɔ kɛka nyia ka, sɛ tɛ wɔnɔ tsyɛ otì kana gɛ ɛlɛɛ nɛ kɛnɔnɔ gɛ ɛbhɛtɛɛ.

Korintoanɛ 2 6:4

Pɔ asɛ Owusoso Akaa axɔ̃ɛdɛ ana, bɔlɔkɔ bɔlɔshu kɔ nɛ kidzo ka nyia ka abha, nɛ̀ kemi kpɛkpɛ gbagbla, bɔtɔ nɛ̀ ɔwɔ̃nyɔnɔ mɛ,

Korintoanɛ 2 3:6

Yɛakɔ bɔlà kɛxɔ̃ɛ gbangbã wɔawɔa nɛ̀ olugbũ nyanyã vɔvɔ ɔlɛ, anɛ ɔsha keplukpa ɔkɔ kide, pɔ Ɔfɔfuĩa nɔ, ɔmɔsɛ keplukpa xɔnɔ eyì banɔ, pɔ Ɔfɔfuĩa nɔ xɔnɔ lɔkɔ ɛkpã.

Korintoanɛ 1 4:17

Nɛ kibui ɛlɛ shuɔ ɛsɛsɛ Timoteo nɛ wɔnɔ ɔkɔ, mɛ eyianyɛ gɛ ɛdɛmɛ nɔ, anɔ gɛ abhɛtɛ kibui gɛlɛ ɛlɛ ɔzãkɔ nɛ Apaleteɛ mɛ. Yɛaba abaka wɔnɔ nɛ kɛzã gɛ ɛzã nɛkpã nɛ Kristo Yesu mɛ, gɛ kɛshɔnɔ kɛgɛ ɛkasɛ wɔnɔ nɛ ɔkɔ nyia ɔkɔ nɛ ɔhaa ka nyia ka mɛ.

Romanɛ 15:15

Ɛfɔnɔ ebui gelee kpɛ eplukpa alɛ mɛ nɛ̀ kitèkpɛkpɛ sɛ tɛ iwlui báka ɔnɔ, nɛ tibhui bhuibuɔ gɛ Owusoso Akaa ebhui mɛebuɔ shu,

Banɔkpɛkpɛ Axɔ̃ɛ 20:35

Nɛ kɛka nyia ka gɛ ɛbhɛtɛ mɛɛ, ɛkasɛ wɔnɔ ɔsɛ̀ kɛxɔ̃ɛ gagalĩ ɛlɛ nɛidi wɔawɔa mɛ kɛlɛ ɔsɛ bɔplɛnɔ bagɛ ohumi ɔma balɛ ahɔɛ, ɛɛbakà ebui alɛ gɛ Apalete Yesu aɖɔ asɛ, ‘Tiyuyulà kpasɛ kɛdɔ̃ kɔkɔ mɛ ɔdɛ kɛdɔ̃ yɛyɛkɛ mɛ.’ ”

Banɔkpɛkpɛ Axɔ̃ɛ 20:31

Kliso nɔzã nɛ̀ awɔ̃! Nɔbakà ɔsɛ̀ nɛ agɔ tatá mɛɛ, ɛgɛ yɔlɔ ɔsha kpɛkpɛ kɔ wɔnɔ nɛ̀ ɛwɔmɛ bibi mɛ elishi nɛ̀ kemuze.

Banɔkpɛkpɛ Axɔ̃ɛ 1:15

Nɛ ewui alɛ mɛɛ, Petro alɔɛtití nɛ bayɛyɛkɛŋã nɛishi (gɛ balɛ kɛzaa tɛkaklà mɛ bazã asɛ banɔ kɛkpã zɛzɛ̃ nɛ̀ afɛtaabha ana)

Korintoanɛ 2 11:23

Kristo yɛaxɔ̃ɛdɛ benuɔ dza? (Ɛɖɔ kaɖɔ asɛ kɛtakpu tsitsí elete ana.) pɔ igbogblo dɛ alɛ. Ɛwɔa axɔ̃ɛ gagalĩ ɔdɛ balɛ, ɛzã ɛɖa buvũ mɛ gelee ɔdɛ balɛ, behuisi mɛ ɖɔtɔɖɔtɔ dɛ balɛ, kɛlɛ ɛzakɔ butsi kibe nyia be.

Filipianɛ 2:20

Ananà bhama mɛahɔɛ ɔdɛ yɛ, gɛ alɔkɔ kibui nɛ wɔnɔ tɛpɛpɛ shu kɛgbãa.

Filipianɛ 2:22

Pɔ nɔonyi ɔsɛ Timoteo alɔkɔ yɛishu akɔ, ɔmɔsɛ asɛ eyi gɛ alɛ yɛakaa ɔbhaa, akpɛ kɛtakpu esi aplɛnɔ mɛ nɛ Owusoso Akaa ebuiɛ axɔ̃ɛ wɔawa mɛ.