Timoteo 1 4:16 - Nyangbo New Testament

¹⁶ Lu awɔ̃ nɛ̀ wɔ ɛkpã nɛ̀ bɔdɔ̃ kakasɛ shu piapii. Kpɛ kemi nɛ bɔlɛ mɛ, ɔmɔsɛ ɔbhɛtɛ ana, obo bu wɔ ishu nɛ bagɛ ɔkasɛ bɔdɔ̃.

Timoteo 1 4:16 Referans Kwoze

Tito 1:9

Kɛlɛ sɛ anyana kibuiɛ gɛ lɛ ɛlɛ ɔzãkɔ pɛ balɔkɔ akpɛ yɛahɔɛ mɛ ovunɔ gagalĩ asɛ gɛ bakasɛ yɛana, sɛ tɛ alà akpɛ bagɔgɔɛ nɔ emi nɛ̀ bɔdɔ̃ kakasɛ piapi tɛ etilũ bagɛ balɔ kititì nɛishuɔ atɔ̃.

Tito 2:7

Nɛ kɛka nyia ka mɛɛ, bhɛtɛ ibui ɔkasɛ alɛ ɔganà wɔɛbui gbangbã bhɛbhɛtɛ mɛ. Nɛ wɔ bɔdɔ̃ kakasɛ mɛɛ, kasɛ kana gɛ bazã nɛkpã, nɛ̀ bamɛ gagalĩ.

Timoteo 2 4:2

Ɖɔ Owusoso Akaa nɛibuiɛ, balɛ sɛ onupɛ banɔ apɛ asɛ tɛ belũ kibuiɛ alo tɛ betielũ ɛlɛ tsyɛo, woese anɔ, tseɖe nɛ̀ anɔ tɛ̀ ɔkpɛ banɔ emi-nɛ kitu esi lulũ nɛ̀ bɔdɔ̃ kakasɛ piapii mɛ.

Efesoanɛ 4:14

Kɛlɛ bɔza kazã asɛ bunuvɔɛ ana, pɛ kɛlɛ́ɛ mɛɔdɔ̃ kakasɛ ka nyia ka ɛdi bazi fù ɔlɔ falanɔ ɔvɛnɔ ɛkɛlɛ ɔmana ɛkɛlɛ̀ nɛ̀ banɔdzyrame bɔshɛ nɛ̀ banɔ wɔɛwɔɛ edzoɔ gɛ batɔɖɔ eluɔ shu.

Hebrianɛ 13:9

Nɔtɛkɔ ɔsɛ bɔdɔ̃ kakasɛ ka nyia ka ɛdi zɛgbana ɔnɔ. Kɛpɛ ɔkɔ ɔlɔ etúɔ asɛ tɛ lamɔ ohumi ɔgana tibhui bhuibu mɛ, pɔ anɛ bɔŋaŋã ɔsha gɛ ɛlɛ beshu pɛ lɛ tɛ plɛnɔ banunɔ gɛ baŋã ɔdɔ̃.

Hebrianɛ 12:15

Nɔnyana ishu piapii sɛ tɛ noti tsodzi nɛ Owusoso Akaa tibhui bhuibuɔ shu. Nɛ kidzo ɛlɛ nabhaa anɔ nanà atɛzã asɛ tɛwɔa kɛtɛtɛ́ gɛ tishè pɛ tɛlɔkɔ ɛlɛ abɔɛ zĩ udɔ̃ gelee nɔ ana.

Timoteo 2 3:14

Pɔ wɔ xɔnɔɔ, zã ɛlɛ abha ɔzɔbhɛtɛ kɛgɛ ɔkpasɛ, pɛ olũ kɛlɛ esiɛ, ɔmɔsɛ onyi banɔ alɛ gɛ balɛ ɔkɔ wɔ kpasɛ alɛ odenɔ,

Timoteo 1 4:6

Onupɛ obu ebui alɛ ɔkasɛ badzyaa, obodzi axɔ̃ɛdɛ gbangbã ɔkɔ Kristo Yesu, gɛ banyɔnɔ nɛ kibui gbã tɛyɛyɛkɛŋã mɛ nɛ̀ bɔdɔ̃ kakasɛ gbangbã gɛ bɔlɛ ede wɔlɛ mɛ.

Timoteo 1 1:3

Asɛ kana gɛ ɛkpalà wɔ nɛ kibeɛ gɛ ɛvɛ Makedonia nɔ, zã Efesoɔ tɛ̀ ɔkpɛ ɔsha ɔkɔ banɔ nɔ teli, sɛ batɛ zakasɛ asɛnɛ bɔdɔ̃

Romanɛ 16:17

Mɛelɛ alɛ mɔ, ihu buluhũ kɔ ɔnɔ sɛ tɛ nolú awɔ̃ nɛ̀ bagɛ bamana kishi zizĩ nɛ banɔ ishi, pɛ babhɛtɛ ebui gɛ etsu awuhũ, pɛ lagã ɔtɔ nɛ ebuiɛ gɛ bɔkasɛ pɛ nɔkpasɛ shu. Nɔtɛkpɛ alɛ ɔha.

Timoteo 2 2:10

Klisoɔ ɛkpɛ kemi ka nyia ka ɛdi ɔkɔ bagɛ bebuɔ, sɛ tɛ balɛ tsyɛ amɔ tibubuɔ gɛ kpasɛ Yesu Kristoɔ mɛ, nɛ tɛdadalɛ tihɔɔ.

Korintoanɛ 1 9:27

Kɛmaɛlɛ mɛ ana, ɛkpɛ mɛ ishupiɛ bɔtɔ pɛ ɛbhɛtɛ ishu asɛ anɔ dzidzì ana, sɛ tɛ̀ onupɛ ɛɖɔ kibui gbangbã ɔkɔ banɔ nɔ̀ bekeɛ, betibè bumɛ eyinɔ ɔsɛ ɛgɛ na ɔsɛ tɛ̀ ɛyɛkɛ kikutuɔ.

Banɔkpɛkpɛ Axɔ̃ɛ 6:4

tɛ kɛkɔ bɔmɔ kibè ɔkɔ Owusoso Akaa tikukulu nɛ̀ yɛibuiɛ tɛɖɔɖɔ.”

Yakobo 5:20

nɔbaka ɔsɛ, anunɔ gɛ etsyina ebui kpa bhɛbhɛtɛelete nɛ yɛesitatá edzo nabhaa, ebui nɛ utsí ahɔɛ mɛ, kɛlɛ balɔkɔ yɛebui kpa bhɛbhɛtɛ gelee nɔ etsyee.

Tito 2:15

Ebui alɛ kɛlɛ sɛ tɛ ɔkasɛ. Kpɛ balɛ emi tɛ̀ ɔlɔkɔ ɔshakpɛkpɛ petee otseɖenɔ nɛ alɛ. Tɛkɔ ananà amɔ wɔ esi.

Koloseanɛ 4:17

Nɔotseɖe Akipo ɔsɛ, “Ɖi ɛlɛ ɔkɔ ɔsɛ ɔwɔa kɛxɔ̃ɛ gɛ ɔyɛkɛ odenɔ Apaleteɛ ɔkɔ obeke.”

Korintoanɛ 1 9:22

Onupɛ ɛkpasɛ bagɛ ebotso nishiɛ, ɛzã asɛ balɛ sɛ tɛ ibu alɛ. Idzi kɛdɔ̃ ka nyia ka ɛdi kɔ anɔ ka nyia ka sɛ tɛ gana kidzo ka nyia ka abha tɛ mɛibu balɛ banɔ teli.

Romanɛ 11:14

nɛ awɔ̃lulu sɛ ɛbalà nyɛmɛ mɛ kɛmadiɛ ginu Yudanɛ sɛ tɛ mɛlɔkɔ awuhũ dzadzã tɛ mɛibu balɛ anɔ teli.

Romanɛ 2:7

Bagɛ gana balɛ emi kpɛkpɛ mɛ pɛ baabhɛtɛ ebui gbangbã, pɛ bazapɛɛ inye gbangbã nɛ̀ bobo akɔ Owusoso Akaa, pɛ bazapɛ asɛ tɛ bazã nɛ̀ ɛkpã ɖaa nɔ, abakɔ alɛ ɛkpã tihɔɔ.

Banɔkpɛkpɛ Axɔ̃ɛ 26:22

Pɔ Owusoso Akaa aplɛnɔ mɛ, oboyinɔ obo kiwui ɛlɛ abha, kliso ɛlɔɛtití nɛ ɛkɛlɛ pɛ ɛdalɛ ebui mɛ ɔkɔ bunɔ bhlui bhlui nɛ̀ behohoeɛ petee shɔshɔɛ. Ɛtɛɛɖɔ kibui nanà falanɔ kɛgɛ ebuiɖɔluanɛ nɛ̀ Mose aɖɔ elúɔ asɛ kɛbàba ɛlɛ mɛ shu,

Filimon 1:19

Mɛ Paulo mɛ fɔnɔ kibui ɛlɛ nɛ̀ mɛahɔɛ. Ɛba dzini kɛlɛ buia-ɛgɛ pɛ sɛ tɛ mɛɖɔ sɛ wɔ tsyɛ ɔdɔ kɛbbhɛ nɛ mɛishu.

Tesalonikanɛ 1 2:16

babhɛtɛ ɛlɛ ana tɛ badã kidzo akɔ bɔlɔ tɛ bɔtɛ ɖɔ kibuiɛ ɔkɔ bagɛ betinu Yudanɛ sɛ tɛ bayɛkɛ balɛ elu nɛkpã. Nɛidzo ɛlɛ nabhaa, bakaa bhɔ balɛ ebui kpa bhɛbhɛtɛ atɔɖɔ sɛ tɛ lewu kabha. Owusoso Akaa ɔmɔpɔɛ nɔ tɛba balɛ abha otsi alɛ.

Korintoanɛ 1 1:21

Nɛ Owusoso Akaa bubuti nulũ soɔ, kanɔ alɛ mɛ gana kalɛ bubutiɛ mɛ betinyi yɛ, bɔwɔaga kibuiɛ gɛ baɖɔ tɛ bebù bagɛ ayɛkɛ aŋã elu nɛkpã ku Owusoso Akaa nɔ awɔ ɔdɛ.

Timoteo 1 4:15

Zã ebui alɛ tɛbhɛbhɛtɛ abha, lɔkɔ wɔ ishuɔ petee kpɛ alɛ tɛbhɛbhɛtɛ mɛ, sɛ tɛ anɔ nyia anɔ amɔ wɔ otugbà vɛvɛɛ.