Timoteo 1 3:15 - Nyangbo New Testament

¹⁵ onupɛ ɛbawɔ kideɛ, obotì kana gɛ kɛlɛ sɛ anɔ azã nɛ̀ ɛkpã nɛ Owusoso Akaa bɔpã mɛ, ɔhaa gɛenu Owusoso Akaa enunuɔ ɔyɛ, kɛgɛ inu bubhi asha, nɛ̀ buvũ esi kpɛkpɛ ɛklagbuɔ ɔkɔ kibui gbã.

Timoteo 1 3:15 Referans Kwoze

Petro 1 2:5

wɔnɔ tsyɛ, asɛ aklagbu gɛalɛ nɛkpã ana, balɔkɔ ɔnɔ abhɔ ɔfɔfuĩa mɛ buvũ tɛ̀ budzi bukusi ɔŋãkɔ gɛ dalɛ, gɛ bɔkɔ ɔfɔfuĩa mɛ̀ bɔdɔ̃ pɔpɔɛ gɛ Owusoso Akaa adɛmɛ tɔɖɔ bɔlɛ abha ɔganà Yesu Kristo abha.

Tesalonikanɛ 1 1:9

ɔmɔsɛ batɛɖɔ kɛlɛ nɛ balɛishu ahɔɛ mɛ nɛ kana gɛ nɔyɛkɛ bɔlɔ shu. Betseɖe bɔlɔ nɛ kana gɛ notsyina odenɔ ibudiɛ ɔkɔ pɛ nɔba ɔsɛ tɛ nɔkpɛ kɛtakpu esi ɔkɔ Owusoso Akaa gbangbã gɛ alɛ nɛ ɛkpãa pɛ enu enunuɔ,

Galatianɛ 2:9

Yakobo, Petro nɛ̀ Yohanes gɛenu kibuiɛ kɛlɛ bubhi kashàa, bakɔ mɛ nɛ̀ Barnaba ahɔɛ ɔkɔ kɛdzyà bhɛbhɛtɛ nɛ kibeɛ gɛ bamɔ tibhui bhuibuɔ gɛ bakɔ mɛ. Badɛmɛ atɔɖɔ ɛlɛ abha asɛ tɛ̀ bɔvɛ bagɛ etinu Yudanɛ ɔkɔ, tɛ balɛ tsyɛ avɛ Yudanɛ ɔkɔ.

Romanɛ 3:2

Ebuiɛ gɛ bamɔɔ, lekpè! Kɛgi putɔ ɔkɔ alɛ onu ɔsɛ, Yudanɛ ahɔɛ mɛ Owusoso Akaa alɔkɔ yɛebuiɛ akpɛ.

Romanɛ 9:26

Kɛlɛ, “Kɛbàba ɛlɛ mɛ ɔsɛ ɛkɛlɛ tututu gɛ baɖɔ etseɖe balɛ asɛ, ‘Gɛnɛ mɛanɔ nonu,’ bebekulu balɛ asɛ, ‘Owusoso Akaa enunuɔ yɛeyi alɛ.’ ”

Banɔkpɛkpɛ Axɔ̃ɛ 1:2

flogo tɛ bebe feke yɛ ewunu avɛnɔ kititíɛ, akɔ banunɔ gɛ ebú asɛ yɛanɔkpɛkpɛ akɔ ɔsha ɔgana Ɔfɔfuĩa gbangbã mɛ.

Kibui Bubú Kasɛ 7:2

Kɛlɛ ɛmɔ axɔ̃ɛdɛ bhlatɔ gɛ ede kiwiɛ otukɔ aba, gɛ evunɔ agɛ Owusoso Akaa enunuɔ alɔkɔ etũ inye nɔ. Akpɛ ozĩ gagalĩ ekulu baxɔ̃ɛdɛ talɛ gɛ bakɔ ohumi asɛ tɛ bezĩ esiakpa nɛ̀ aƒuɔ asɛ,

Hebrianɛ 12:22

Otsi alɛ nɔba Zion Butuɔ, gɛinu kitití Yerusalem, Owusoso Akaa enunuɔ yɛɔma gbagbla mɛ. Noboku baxɔ̃ɛdɛ ihotu, ihotuɔ nɛ̀ balɛ same mɔmɔ̃ ɛzaa mɛ.

Hebrianɛ 3:12

Mɛadzya alɛ mɔ, noɖi ɛlɛ ɔkɔ ɔsɛ, ebui kpa bhɛbhɛtɛ nɛ̀ etúɔ gɛ agɛ yɛkɛ aŋã pɛ letsyina nɛ Owusoso Akaa gɛ alɛ nɛ ɛkpã niedeɛ azã ɔnɔ ahɔɛ.

Timoteo 1 6:16

anɔ gɛ yɛete yɛetitsì, nɛ̀ anɔ gɛ akpasɛ kifu gɛ anɔ atɛ balà tsoplɛnɔ nɛishiɛ, anɔ gɛ ananà aka mɔ yɛeɖi alo pɛ abamɔ eɖi tsyɛ. Yɛ kɛlɛ ɔsɛ tɛ bakpɛ yɛinye nɛ̀ yɛohumi nɛitití ɔvɛnɔ tihɔɔ. Amen.

Timoteo 1 4:10

(ɔmɔsɛ kibui ɛlɛ shu bɔmɔ̃ bɔtɔ pɛ wlɔãkɛ ɔkɔ), sɛ bɔlɔkɔ bɔlɔ otugbà mɛ ɖiɖiɛ ɔkpɛ Owusoso Akaa enunuɔ ahɔɛ mɛ, anɔ gɛ yɛebu banunɔ petee nɛ butsi mɛ, asɛ bɔnɔ nɔ̀ gɛ bayɛkɛ aŋã ana.

Timoteo 1 3:16

Kɛgɛ dɛ ebui bibisi alɛ petee kɛlɛinu ɔsɛ, Owusoso Akaa mɛ ebuiɛ gɛ abhɛtɛ ibiɛ egbogblo. Owusoso Akaa ebu yɛishu akasɛ nɛ ishudzya mɛ Ɔfɔfuĩa nɔ bu ɛlɛ ɔkasɛ, baxɔ̃ɛdɛ amɔ ɛlɛ, baɖɔ ɛlɛ nɛ amadiɛ nɛishi, bayɛkɛ ɛlɛ abha ŋã nɛ kanɔ nɔ̀ mɛ̀, befeke ɛlɛ avɛnɔ kitití nɛ tɛdadalɛ mɛ.

Timoteo 1 3:2

Kɛma ɔsɛ tɛ̀ bazã amɔ bamɛ tsitsí ebui nɛ osofo nɔ shu, edzì anɔ gɛ agbana adzɛ tenikpo, anɔ gɛ elu kitú esi, pɛ aŋã yɛishu abha, anɔ gɛ atɛkpɛ yɛishu awũi, anɔ gɛ adɛmɛ beefu tɛyɛyɛkɛ ibui pɛ alà kasɛ ɔdɔ̃ tsyɛ,

Koloseanɛ 1:5

tɛyɛyɛkɛŋã nɛ̀ tɛdɛdɛmɛ nɔ gɛide kidzo mɛ ɖiɖi ebuiɛ gɛ babalɛ elu akɔ ɔnɔ nɛ kititiɛ mɛ, asɛ kana gɛ nɔotilũ nɛ kibuiɛ gɛ kinu kibui gbã mɛ, gɛinu kibui gbangbã

Efesoanɛ 4:21

Kɛlɛ ɛlɛ mɛ sɛ nɔolũ yɛɔdɔ̃, kɛlɛ bakasɛ ɔnɔ ɔdɔ̃ nɛ yɛ mɛ, nɛ kibui gɛlɛ ɛlɛ ɔzãkɔ nɛ Yesu mɛ.

Galatianɛ 3:1

Wɔnɔ Galatianɛ awɔaga! Afana gɛ atã ɔnɔ nɛ̀ ohui ana dza? Nɛ wɔnɔ amɛɛ, nɔmɔ piapii ɔsɛ bakpalà Yesu Kristo nɛ butsi osiɛ shu.

Korintoanɛ 2 6:16

Kibui nyanyã ɖuwoe gɛ kpasɛ Owusoso Akaavũɔ nɛ̀ ibudi ishi? Bɔlɛinu buvũɔ ɔkɔ Owusoso Akaa enunuɔ. Asɛ kana gɛ Owusoso Akaa aɖɔ asɛ, “Ɛbazã plɛnɔ balɛ kɛlɛ ɛbagã nɛ balɛishi, kɛlɛ ɛbadzi balɛ Owusoso Akaa, kɛlɛ bebèdzi mɛ banunɔ.”

Banɔkpɛkpɛ Axɔ̃ɛ 14:15

“Bɔlɔ adzya alɛ amɔ, kiɖe so pɛ nɔbhɛtɛ ana? Bɔlɔ tsyɛ banɔdzyrame bunu asɛ wɔnɔ ana. Bɔmana wɔnɔ kibui gbangbã tɛ butseɖe wɔnɔ tɛ̀ notsyina nɛ ebui alɛ gɛ lama kɛnana mɛ niede, tɛ nɔtɔnɔ Owusoso Akaa enunuɔ niede, anunɔ gɛ yɛabhɛtɛ kititi, kesiakpa, aƒu nɛ̀ kɛka nyia ka gɛkpasɛ alɛ mɛ.

Hebrianɛ 9:14

Kiɖuwoe gɛ bakɔ ɔsɛ, Kristo gɛ agã Ɔfɔfuĩa tihɔɔ nɔ mɛ pɛ alɔkɔ yɛishu akɔ, pɛ bamɛ tsitsí nanà ma yɛishu nɛ Owusoso Akaa na mɛɛ, atɛ alà akɔ asɛ yɛdzyosu nɔ eplu bɔlɔ etú mɛ ebui kpa gɛ lagbana ɔlɔ akpɛ butsí mɛɛ, sɛ tɛ bɔmɔ idzo dɛ axɔ̃ɛ ɔkɔ Owusoso Akaa gɛenu enunuɔ mɔɔ dza!

Timoteo 2 2:20

Nɛ bɔpã hohoe mɛɛ, gɛnɛ sikã balɔkɔ abhɛtɛ kɛka nyia ka nɔ, pɔ babhɛtɛ tili tsyɛ nɛ̀ isi nɛ̀ tisi, teli alɛ akɔ ebui dadalɛ kɛlɛ teli tsyɛ alɛ akɔ ebui gɛ lagɛ dalɛ.

Timoteo 1 3:5

(Onupɛ anɔ teli etinyi kana gɛ ebeɖi yɛahɔɛ bɔpã abhaa pɔ, kɛlɛ yɛabalà eɖi Owusoso Akaa ɔhaa nabha dza?)

Korintoanɛ 2 6:7

nɛ kibui gbã tɛɖɔɖɔ mɛ nɛ̀ Owusoso Akaa yɛohumi nɔ mɛ, tɛ bɔlɔkɔ kibui gbangbã bhɛbhɛtɛ keyutadɔ̃ nɛ kɛŋã nɛ̀ kɛblɛkpɛ mɛ̀,

Korintoanɛ 2 3:3

Nɔkasɛ ɔsɛ Kristo keplukpa nɔonu, kɛgɛ kɔ sɛ bɔlɔ axɔ̃ɛ avɛ kabhaa, gɛ bagɛ fɔnɔ nɛ̀ ahɔɛ pɔ Owusoso Akaa Ɔfɔfuĩa nɔ balɔkɔ afɔnɔ kalɛ nɔ. Bagɛ fɔnɔ alɛ nɛ ɛklagbu abha, pɔ banɔdzyrame etú aklagbu nabha bafɔnɔ alɛ atɔɖɔ.

Korintoanɛ 1 3:16

Nɔotinyi ɔsɛ Owusoso Akaavũɔ nɔonu pɛ Owusoso Akaa Ɔfɔfuĩa nɔ kpasɛ wɔnɔ mɛ dza?

Korintoanɛ 1 10:32

Nɔtɛ kɔ sɛ anɔ nanà akpatà bɔdɔ̃, edzi asɛ Yudanɛ o, Helanɛ, pɛnɔsɛ Owusoso Akaa yɔhaa

Timoteo 1 3:14

Gɛ ɛtɔɖɔ ɛlɛ sɛ tɛ ɛba wɔ bha gulũi tsyɛ elo, efɔnɔ ebui alɛ akɔ wɔ sɛ tɛ,

Timoteo 2 2:19

Pɔ, Owusoso Akaa uvũ esi kpɛkpɛ klagbuɔ xɔnɔ dzi gɛ ɛtɛbà hɔa, pɛ badã ɛlɛ ɔdɔ̃ nɛ̀ kibui fɔfɔnɔ ɛlɛ ɔsɛ, “Apaleteɛ enyi bagɛ enu yɛayɛ, kɛlɛ anɔ ka nyia ka gɛ adalɛ Apaleteɛ nɛinye shuɔ, kɛlɛ sɛ eyidè nɛ kɛtakpu mɛ gagalĩ ebui shu.”

Hebrianɛ 10:21

kliso otsi alɛ gɛ banɔlũazazã hohoe alɛ àlɛ Owusoso Akaa ɔpã nulũɔ,

Petro 1 4:17

Ɔmɔsɛ kibeɛ na ɔkɔ kebhu kukulu, kɛlɛ kɛbà kpɛ esi edenɔ Owusoso Akaa bɔpã mɛ, kɛlɛ onupɛ kakpɛ esi nɛ̀ bɔlɔɔ pɔ, kɛlɛ kɛbà zã ɔkɔ bagɛ agɛ abhɛtɛ tɔɖɔ Owusoso Akaa yɛibui gbangbã nabhaa dza?