Timoteo 1 2:7 - Nyangbo New Testament

⁷ Nɛ kibui ɛlɛ shu soɔ, bebu mɛ asɛ anɔkpɛkpɛ nɛ̀ adɔkasɛ ɔkɔ bagɛ etinu Yudanɛ, tɛ ɛdɛ ɖɔ tɛyɛyɛkɛŋã ibuiɛ gɛlɛ ɛlɛ ɔzãkɔ ɔkɔ alɛ. Kibui gbã mɛɖɔ, gɛnɛ asɛnɛ mɛsɛ.

Timoteo 1 2:7 Referans Kwoze

Banɔkpɛkpɛ Axɔ̃ɛ 9:15

Pɔ Apaleteɛ etseɖe Anania asɛ, “Gavɛ! Anyɛ alɛ enu anɔ gɛ ibú ɔsɛ tɛ̀ alɔkɔ mɛinyeɛ avɛnɔ bagɛ betinu Yudanɛ nɛ̀ balɛ bekusiɛ nɛ̀ Israel kɛmadiɛ ɔkɔ.

Timoteo 2 1:11

Nɛ kibui gbangbã ɛlɛ shuɔ, bedzu mɛ otugbà anɔ, anɔkpɛkpɛ nɛ̀ adɔkasɛ.

Romanɛ 9:1

Ɛɖɔ kɛgɛ lɛ kɛlɛ ɔzãkɔ nɛ Kristo mɛgɛ ɛtɛsɛ asɛnɛ, mɛitú mɛ ebuiɛ atɔɖɔ ahɔɛ nɛ kɛlɛ abha nɛ Ɔfɔfuĩa Gbangbã mɛ.

Romanɛ 15:16

ebu mɛ asɛ tɛ mɛidzi Kristo Yesu yɛibui gbangbã axɔ̃ɛdɛ ɔkɔ bagɛ betinu Yudanɛ, kɛlɛ asɛ banɔlũazazã anaa, tɛ mɛɖɔ Owusoso Akaa Ibui Gbangbã tseɖe bagɛ betinu Yudanɛ, sɛ tɛ bedzi asɛ bɔdɔ̃ kɔkɔ gbangbã ɔkɔ Owusoso Akaa, gɛ bɔlɛishu Ɔfɔfuĩa Gbangbã ɔdalɛ ana.

Galatianɛ 2:9

Yakobo, Petro nɛ̀ Yohanes gɛenu kibuiɛ kɛlɛ bubhi kashàa, bakɔ mɛ nɛ̀ Barnaba ahɔɛ ɔkɔ kɛdzyà bhɛbhɛtɛ nɛ kibeɛ gɛ bamɔ tibhui bhuibuɔ gɛ bakɔ mɛ. Badɛmɛ atɔɖɔ ɛlɛ abha asɛ tɛ̀ bɔvɛ bagɛ etinu Yudanɛ ɔkɔ, tɛ balɛ tsyɛ avɛ Yudanɛ ɔkɔ.

Galatianɛ 1:20

Ɛtɔɖɔ kɛklagbu nɛ̀ ɛlɛ abha kɔ ɔnɔ nɛ Owusoso Akaa namɛ ɔsɛ, kibuiɛ gɛ ɛfɔnɔ kɔ ɔnɔ, tinu kɛsɛnɛ ibui.

Galatianɛ 1:16

ɔsɛ tɛ ebu Yɛeyi Anyɛɛ akasɛ ɔgana mɛabha, tɛ mɛdɛ ɖɔ yɛibuiɛ nɛ bagɛ etinu Yudanɛ nɛishi, ɛgɛ yɛkɛ kibuititì odenɔ ananà ɔkɔ,

Romanɛ 11:13

Ɛɖɔ kaɖɔ ɔkɔ wɔnɔ bagɛ notinu Yudanɛ. Mɛ asɛ anɔkpɛkpɛ ɔkɔ wɔnɔ bagɛ notinu Yudanɛ ana, ɛwɔa mɛaxɔ̃ɛ

Petro 2 2:5

onupɛ agɛ lɔkɔ etsye kibelianɛ nɛ kibeɛ gɛ amana budekelĩ hohoe pɛ buvũ bagɛ egi tì Owusoso Akaa, pɛ ebú Noah, anɔ gɛ aɖɔaɖɔ nɛ kibui gbangbã bhɛbhɛtɛ shu, nɛ̀ baanɔ tegegene gɔgɔɛ nɔ,

Galatianɛ 3:9

Klisoɔ beyulà akɔ bagɛ ayɛkɛ aŋã aplɛnɔ Abrahamuɔ, anyɛ gɛ tɛyɛyɛkɛŋã lɛ yɛahɔɛ.

Korintoanɛ 2 11:31

Owusoso Akaa gɛenu Akaa ɔkɔ Apalete Yesuɔ, agɛ yɛ kɛlɛ ɔsɛ bakpɛ yɛinye nɛitití tihɔɔ nɔ enyi ɔsɛ ɛtɛ sɛ asɛnɛ.

Romanɛ 10:14

So, kɛlɛ́ anɔ abalà ekulu kinye nɔnɔ́ abha gɛ agɛyɛkɛ aŋãa dza? Kɛlɛ́ babàlà yɛkɛ anunɔ gɛ bekelũ yɛɔdɔ̃ eɖiɛ abha aŋãa dza? Kɛlɛ kɛlɛ́ babalà elũ Owusoso Akaa ibuiɛ onupɛ anɔ nanà atɛ aɖɔ kɛlɛ etseɖe alɛɛ dza?

Banɔkpɛkpɛ Axɔ̃ɛ 26:20

Iputɔ dɛ bagɛ alɛ Damasko ɔkɔ, kɛlɛ ɛbavɛ Yerusalem nɛ̀ Yudea petee, nɛ̀ bagɛ betinu Yudanɛ ɔkɔ tsyɛ, ɛɖɔ kibuiɛ tseɖe balɛ ɔsɛ̀ tɛ betsyina avɛ Owusoso Akaa ɔkɔ, tɛ̀ bakasɛ balɛ tìtsyitsyina ɔganà ebui bhɛbhɛtɛ mɛ.

Banɔkpɛkpɛ Axɔ̃ɛ 22:21

“Kɛlɛ Apaleteɛ etseɖe mɛasɛ, ‘Gavɛ, ɛbakpɛ wɔ sɛsɛ fãa nɛ bagɛ etinu Yudanɛ ɔkɔ.’ ”

Banɔkpɛkpɛ Axɔ̃ɛ 14:27

Gɛ bediku Antioxia nɔ, beshogo ɔha kɛlɛ bakɔ alɛ tititì nɛ ebuiɛ gɛ Owusoso Akaa abhɛtɛ aganà balɛ abha, nɛ̀ kana gɛ adalɛ idzo akɔ tɛyɛyɛkɛŋã ɔkɔ bagɛ etinu Yudanɛ.

Galatianɛ 2:16

bunyi ɔsɛ beti bhui bɔtsyɔa akɔ anɔ nɛ yɛ ɔsha abha tɛbhɛbhɛtɛ shu, pɔ ɔganà tɛyɛyɛkɛŋã nɛ Yesu Kristo abha mɛ. Klisoɔ, bɔlɔ tsyɛ lɔkɔ bɔlɔ tɛyɛyɛkɛŋã kpɛ Kristo Yesu mɛ ɔsɛ tɛ bebhui bɔtsyɔa akɔ ɔlɔ nɛ Kristo abha tɛyɛyɛkɛŋã mɛ, gɛnɛ nɛ ɔsha nabha tɛbhɛbhɛtɛ shu so, ɔmɔsɛ ganà ɔsha nabha tɛbhɛbhɛtɛ mɛɛ, betibe bhui bɔtsyɔa akɔ anɔ nanà.

Romanɛ 1:9

Owusoso Akaa, anunɔ gɛ yɛaxɔ̃ɛ mɛdɛ nɛ̀ mɛitúɔ nyɔ̃ɔ nɛ Yɛeyi Nɛibui Gbangbã tɛɖɔɖɔ mɛɛ, yɛabà dalɛ mɛishu nɛ kɛbakà gɛ ɛbakà wɔnɔɛbui ibe nyiɛ beɛ

Korintoanɛ 1 9:1

Itinu anɔ gɛ alɛ mɛishu ahɔɛ mɛɛ dza? Itinu anɔkpɛkpɛ dza? Ɛgɛ mɔ Yesu gɛenu bɔlɔ Apaleteɛ tsyɛ dza? Gɛnɛ wɔnɔ onu kɛdɔ̃ gidekoeyì nɛ mɛ axɔ̃ɛ wɔàwɔa nɛ Apaleteɛ mɛ dza?