Timoteo 1 2:10 - Nyangbo New Testament

¹⁰ pɔ nɛ̀ ebui gbangbã tɛbhɛbhɛtɛ gɛ ashɔnɔ badzɛ gɛ apɛ asɛ tɛ̀ bakpɛ kɛtakpu esi ɔkɔ Owusoso Akaa.

Timoteo 1 2:10 Referans Kwoze

Petro 1 2:12

Nɔzã nɛ̀ ɛkpã gbangbã ɛlɛ nɛidi nɛ bagɛ agɛ yɛkɛŋã nɛishi, sɛ gɛ bebu wɔnɔ kɛpɔ sɛ nɔbhɛtɛ ebui kpa tsyɛ elo, babàmɔ wɔnɔ ebui gbangbã tɛbhɛbhɛtɛ kɛlɛ babà dalɛ Owusoso Akaa nɛinyeɛ shu nɛ kiwui ɛlɛ nabha gɛ ababa ebeɖi ɔlɔ.

Kibui Bubú Kasɛ 2:19

Inyi ebuiɛ gɛ ɔbhɛtɛ, wɔtɛdɛdɛmɛ nɔ nɛ̀ tɛyɛyɛkɛŋã, wɔaxɔ̃ɛ dɛdɛ nɛ̀ wɔemi kpɛkpɛ, kɛlɛ ɔwɔa axɔ̃ɛ otsiɛ, ɔdɛ kuku ibeɛ.

Banɔkpɛkpɛ Axɔ̃ɛ 9:36

Nɛ Yopa ɔmamɛɛ, adɔkpasɛnɛ teli gɛ bezekulu yɛasɛ Tabita azã ɛkɛlɛ. (Nɛ Hela buluhũɔ mɛɛ, bekului asɛ Dorkas.) Tabita azabhɛtɛ ebui gbangbã pɛ alɔkɔ aplɛnɔ betsyuitsyuiɛ nɔ.

Petro 2 3:11

Gɛ bebè zĩ kɛka nyia ka nɛidzo ɛlɛ nabha soɔ, banɔ ɖuwoe idì kɛlɛ sɛ tɛ̀ nɔodzìɛ dza? Kɛlɛ sɛ nɔzã ɛkpã dadalɛ nɛ̀ kɛtakpu esi kpɛkpɛ ɔkɔ Owusoso Akaa mɛ

Tito 3:8

Kibui ɛlɛ tɛɖɔɖɔ nu kibui gbã. Kɛlɛ ɛpɛ sɛ tɛ ɔɖɔ ebui alɛ odzinɔ ɔɖɔ, sɛ tɛ bagɛ ayɛkɛ Owusoso Akaa nabha aŋãa beɖi ishu abha piapii tɛ̀ balɔkɔ balɛishu akɔ kibui gbangbã bhɛbhɛtɛ. Ebui alɛ apɛ̃ kɛlɛ labà manà kibui gbangbã ɔkɔ aka nyia aka.

Efesoanɛ 2:10

Owusoso Akaa ahɔɛ ɛdɔ̃ bhɛbhɛtɛ bunu, gɛ babhɛtɛ nɛ Kristo Yesu mɛ sɛ tɛ bɔwɔa axɔ̃ɛ gbangbã, gɛ Owusoso Akaa eputɔ abalɛ elu akɔ ɔlɔ sɛ bɔbhɛtɛ.

Tito 2:14

anɔ gɛ yɛalɔkɔ yɛishu akɔ asɛ tɛ̀ ebu ɔlɔ denɔ atakpu mɛ gagalĩɛ petee mɛ. Tɛ̀ epulu ɔlɔ akɔ yɛishu asɛ banɔ gɛenu yayɛ, banɔ gɛ apɛɛ asɛ tɛ̀ babhɛtɛ kɛgɛ pɛ.

Banɔkpɛkpɛ Axɔ̃ɛ 9:39

Petro avɛ nɛ̀ alɛ, kɛlɛ gɛ ediku ɛkɛlɛɛ, bagbani yɛavɛnɔ kabhavũɔ mɛ. Kɛlɛ bavɛvɛ edziniɛ alɛ pete abalɔɛtití nɛ Petro ɔbha, pɛ bezebi yoyo kɛlɛ balɔkɔ bɔdɔ̃ kpɛkpɛ gɛ Tabita eyú nɛ kibeɛ gɛ azã balɛ ɔbha aakasɛ alɛ.

Timoteo 1 2:9

Ɛpɛ tsyɛ sɛ tɛ badzɛ akpɛ bɔdɔ̃ asɛ badzɛ ana, tɛ̀ apɔɔɖi, ɔkɔ ɔhaɛshi tɛzazã asɛ baadzɛ ana, gɛnɛ tɛ beyu ɛtakpu alo tɛ bazã sikã ɔdɔ̃ nɛ̀ bɔdɔ̃ kpɛkpɛ gɛ yɛkɛ kedziɛ mɛ,

Timoteo 1 2:11

Kɛlɛ sɛ anɔdzɛ akpasɛ bɔdɔ̃ nɛ kaɖɔ maɖɔ maɖɔ nɛ̀ ishu esi zhizhinɔ mɛ.