Biblia Todo Logo
Bib sou entènèt

- Piblisite -




Timoteo 1 1:9 - Nyangbo New Testament

9 Bunyi tsyɛ sɛ, bagɛ bhɛtɛ ɔsha akɔ banɔ dadalɛ pɔ babhɛtɛ ɔlɛ akɔ bagɛ betso ɔsha nɛ̀ batɔ̃mɛ gagalĩ eleteɛ. Bagɛ betinyi Owusoso Akaa nɛ̀ ebui kpa bhɛbhɛtɛ eleteɛ, bagɛ balɛishu gɛdalɛ nɛ̀ bagɛ batɛ akpɛ ketakpu esiɛ, lɔlɛ ɔkɔ bagɛ eyí balɛ akaalɛ alo balɛ elĩ alɛ, lɔlɛ ɔkɔ bagɛ eyi anɔ,

Gade chapit la Kopi




Timoteo 1 1:9
45 Referans Kwoze  

Kiɖuwoe shu so pɛ ɔshaa ɔlɛ otsiɛ dza? Bakɔ ɔsha ɔlɛ aplɛnɔ nɛ kibui kpa bhɛbhɛtɛ shu so, odiyinɔ sɛ Eshui nɔ gɛ batɔɖɔ ebui alɛ elu akɔ abekoeyì. Agɛ yɛevũ iboe alɔkɔ ɔsha kpɛ axɔ̃ɛ wɔawɔa mɛ ɔgana baxɔ̃ɛdɛ nabha.


Kɛlɛ, “Onupɛ aba gagalĩ sɛ tɛ̀ bayɛkɛ banɔ dadalɛ elù nɛkpã pɔ, kɛlɛ kɛbà zã ɔkɔ bagɛ etinyi Owusoso Akaa nɛ̀ ebui kpa bhɛbhɛtɛ eleteɛ tsyɛ mɔ, dza?


Bakɔ ɔsha aplɛnɔ, gɛ kɛkɔ ɔsɛ ɔshaa esi tatá tsyɛ iziwu abha. Pɔ ɛkɛlɛ gɛ ebui kpa bhɛbhɛtɛ ekpè atɔɖɔɔ, tibhui bhuibuɔ tsyɛ ikpè tɔɖɔ gelee ɔdɛ.


ishu nyanyãnà, nɛ̀ ishu abha tɛŋaŋã. Ɔsha nanà ɔgɛnyã ebui alɛ nɛidi.


Kibè tili gɛ bafala, bɔlɔ tsyɛ zɛdɔ bɔga, bugizi lũ atɔ̃, bawɔɛ ɔlɔ budzi banɔ dzidzi ɔkɔ kanɔ mɛ bɔdɔ̃ nɛ̀ kalɛ mɛ same ebuiɛ petee. Bɔzana ɛkpã kpa kɛlɛ bɔkpɛ banɔ awɔ̃, bɔkɔ sɛ banɔ anyanã ɔlɔ akpɛ ɛyamɛ kɛlɛ bɔlɔ tsyɛ nyanã bagɔlɔ kpɛ ɛyamɛ.


Tɛkɔ ɔsɛ kibui kpa dzi wɔapalete, ɔmɔsɛ ɔma ɔsha niesi, pɔ tibhui bhuibu esi wɔlɛ.


kaɖɔ kpa ɖɔɖɔ nɛ banɔ shu, banɔ gɛ anyana Owusoso Akaa akpɛ ɛya mɛ, banɔ gɛ bakɔala anɔ, befeke ishu pɛ beku ishu awɔ̃, bapɛɛ edzo nɔnɔ abha gɛ babagã abhɛtɛ ibui zizĩ, batɛkpɛ ɛtakpu esi akɔ balɛ akaa nɛ̀ balɛ elĩ alɛ,


Bagɛ babàwɔ kevudeɛ, balɛ enu beebu, behuinɛ, bagɛ baaŋã agɔlɔ, bagɛ beyi anɔ, ibudielete nɛ̀ anɔ ka nyia ka gɛ adɛmɛ asɛnɛ sɛsɛ ebui pɛ asɛɔsɛ.


Pɔ kifusisíelete, bagɛ agɛyɛkɛ aŋã, atsɔ̃bui abhɛbhɛtɛelete, bagɛ beyì anɔ, aglɔŋaŋãelete, behuinɛ, ibudielete nɛ̀ asɛnɛ sɛsɛelete peteɛ xɔ̃nɔɔ-balɛ ɔzãkɔ obodzi kifu gɛtã nɛ̀ aklagbuifu ɔɖɛklɛmɛ nɔ mɛ. Kɛlinu butsi bhalàa.”


Baɖɔ asɛ enyi Owusoso Akaa, pɔ nɛ balɛ ebui bhɛbhɛtɛ mɛ xɔnɔɔ, betinyi yɛ. Banyana anɔ akpɛ ɛyamɛ, betielũ atɔ̃, kɛlɛ bagɛ na ɔkɔ kɛgbangbã nanà bhɛbhɛtɛ.


ɔfɔfuĩa nɔ gɛ lɛgagalĩ batɔ̃ mɛ kibe dzlolo nɛlɛ gɛ Owusoso Akaa adɔ yɔɔ nɛ Noa ibèɛ gɛ azafatɛ aɖakaohu hohoeɛ. Banɔ kasasà tieli balɛ azã aɖakaohu hohoeɛ mɛ, banɔ tasɛ balɛ bayɛkɛ odenɔ bulĩɛ mɛ,


Nɛ tɛyɛyɛkɛŋã mɛ kɛkɔ sɛ kedulũazazã Raxab egitsí aplɛnɔ batɔ̃ gagalĩelete, ɔmɔsɛ ayɛkɛ Israelanɛ gɛ bakpɛ asɛ bedilu awɔ̃ eɖi udɔ̃ abaɖɔɔ.


Kɛlɛ bebèbu kɛtakpu mɛ gagalĩ eleteɛ akasɛ, anunɔ gɛ Apalete Yesu abalɔkɔ yɛolugbũ mɛ ɛlɛɛ́ nɔ atsɛ yɛ atɛɛ niegbu nabha kɛlɛ abalɔkɔ yɛ titsetséɛ nɛ yɛ tɛbaba mɛ eyii nɔ.


Anɛ gana ɔsha mɛ flogo pɛ Abraham nɛ̀ yɛeyi alɛ bayɛkɛ tɛtɔtɔɖɔ asɛ kesiakpa ebedzi balɛ aŋãsi, pɔ gana anɔ gbangbã gɛ bedzi odenɔ tɛyɛyɛkɛŋã ulũ mɛ.


Otsiɛ nɔ wɔnɔ bagɛ ɔyɛkɛ ɔŋãa, kɛklagbu ɛlɛ yɛkɛ kedzi ɔkɔ ɔnɔ. Pɔ bagɛ agɛ yɛkɛ ɔŋã xɔnɔ, “Kɛklagbuɔ gɛ bevũbhɔ atɛɛ elúɔ kɛlɛ badzì odekrekpu kɛklagbuɔ,


Nɔnyana ishu piapii sɛ tɛ anɔ nanà etidzi ɔmamɛadɛdɛ elete alo anɔ gɛ akaa ɔfɔfuĩa nɔ ma yɛmɛ asɛ Esau ana, gɛ atsrakɛ yɛeyianyɛ ukusi ɔzãkɔ nɛ̀ kɛŋaŋã esugba tienikpo nɔ ana.


nɛ̀ kawɔ̃kpɛ, bunù tibubuku, edzo kpa ede tɛtɔtɔnɔ, nɛ agɛ dzi asɛ alɛ nɛidi. Ɛkpɛ ɔnɔ ɔsha, asɛ gɛ ɛtɛ kpɛ bafala nɔ ɔsɛ, banɔ gɛ edzi nɛ ɛkpã ɛlɛ nɛidiɛ batɛ bavɛ Owusoso Akaa bukusi ŋaŋãa mɛ.


Pɔ onupɛ Ɔfɔfuĩa nɔ ɔlɔ gbanà wɔɔ, ɔma ɔshaa niesi.


Tɛ kpɛ olugbũ nɛ bagɛ ama Owusoso Akaa edeɛ asɛnɛ ebui nanà mɛ, nɛ̀ badzɛ sheshèɛ balɛ ɛdzɛdzɛ tata mɛ, pɔ nyɔnɔ wɔ shu nɛ Owusoso Akaa kidzo nabha.


Timoteo, balɛ gɛdɔɔ gɛ balɔkɔ akpɛ wɔahɔɛ piapii lo. Tsyina ɔshɛ nɛ ebui ɖɔɖɔ nɔnɔ gɛ lagɛ kpaplɛnɔ Owusoso Akaa, nɛ̀ kititì lɔlɔ ebui gɛenu asɛnɛ ebui gɛ baɖɔ asɛ alɛ enu kibui titìɛ shu,


Yɔlɔ kaɖɔɔ gɛetinu Owusoso Akaa shu ebuiɛ tɛɖɔɖɔ, ɔmɔsɛ banɔ nɔ gɛ balɔkɔ ishu akpɛ kaɖɔ alɛ nɛidi mɛɛ, bebe zĩ atɔɖɔ adɛ nɛ Owusoso Akaa shu.


Baanɔ abadɛmɛ nɔ nɛ̀ balɛishu, banɔ aba adɛmɛ nɔ nɛ̀ ehoeyi, bebetũ ahɔɛ nɛitélũ, bebe feke ishu, babà kwɔalà ɔdɔ̃, babà gagalĩ atɔ̃ mɛ nɛ balɛ elĩ nɛ̀ balɛ akaa alɛ shu, ahɔɛ mahumahu, ishu madalɛ madalɛ,


Kɛma sɛ tɛ kɛpɔ bubu zã osofo shu, edzi anɔ gɛ agbana adzɛ tenikpo, anyɛ gɛ yɛeyi alɛ ayɛkɛ aŋã pɛ betinu banɔ gɛ babhɛtɛ agbagbà ebui pɛ betielũ atɔ̃.


Ɔmɔsɛ batɔ̃mɛ gagalĩ elete kpekpè alɛ, banɔ gɛ baɖɔaɖɔ ete, pɛ bawɔɛ anɔ, banɔ asɛ bagɛ bakpasɛ Yudanɛ ɛkɔɔ mɛ ana.


tɛ̀ ebekulu kebhu nɛ̀ aka nyia aka, tɛ̀ bebù bagɛ etinyi Owusoso Akaa petee ɛpɔ nɛ̀ ubui kpa petee gɛ babhɛtɛ nɛ gɛ betinyi Owusoso Akaa so, nɛ̀ kaɖɔ kpa gɛ ebui kpa bhɛbhɛtɛ̀ elete gɛ beti esì Owusoso Akaa ifùɔ aɖɔ nɛ yɛishuɔ.”


Swiv nou:

Piblisite


Piblisite