Timoteo 1 1:16 - Nyangbo New Testament

¹⁶ Pɔ nɛ kibui ɛlɛ shu so pɛ beɖi mɛ ashagabui, sɛ tɛ nɛ mɛtakpuɔ, anɔ gɛezĩ adɛ nɛ ebui kpa bhɛbhɛtɛ elete nɛishi, tɛ̀ Kristo Yesu ebu yɛitu esi luluɔ gɛ ɛlɛ ɔtɔ̃kɔ ma akasɛ. Sɛ tɛ̀ bagɛ aba yɛkɛ yɛabha aŋã amɔ ɛkpã tihɔɔ.

Timoteo 1 1:16 Referans Kwoze

Timoteo 1 1:13

Gɛ itidzì anɔ gɛ ɛbhɛtɛ ebusoebui eɖi, anɔ gɛ atɔnɔ banɔ ede nɛ̀ anɔ gɛ azabhɛtɛ agbagbà ebui tsyɛ elo, ebi mɛ ashagabui, ɔmɔsɛ ɛbhɛtɛ alɛ petee nɛ matì matì nɛ̀ mayɛkɛ mayɛkɛŋã mɛ.

Efesoanɛ 2:7

sɛ tɛ nɛ agɔɔ gɛ lababaa mɛɛ, aba kasɛ yɛ ehoeyi ɔdɔ̃ gɛ batɛ balà alɔkɔ shɔnɔ bɔnanà ɔgana tibhui bhuibu mɛ, gɛ akasɛ nɛ yɛ ɛyamɛ gbangbã bhɛbhɛtɛ ɔkɔ ɔlɔ nɛ Kristo Yesu mɛ.

Petro 2 3:15

Nɔkɔ kɛzã wɔnɔ ekpeɖekpeɖe mɛ ɔsɛ, Apaleteɛ tɛdɔdɔ fɔ̃ɔ nu tɛyɛyɛkɛ kɔ ɔlɔ, asɛ kana gɛ Paulo bɔlɔ adzya gɛ bɔdɛmɛ nɔ̀ tsyɛ alɔkɔ bubutiɛ gɛ Owusoso Akaa akɔɛ afɔnɔ keplukpa akɔ wɔnɔ nɔ.

Petro 2 3:9

Anɛ gɛ Apaleteɛ atɛ ahɔa nɛ yɛ tɛtɔtɔɖɔ shu asɛ ilũɔ gɛ beteli elu tɛmahɔa mahɔa esi anà. Adɔ fɔ̃ɔ kɔ ɔnɔ, gɛ atɛ apɛ asɛ tɛ̀ ananà ɛkpã zĩ, pɔ tɛ̀ aka nyia aka etsyinà yɛitúɔ mɛ.

Petro 1 3:20

ɔfɔfuĩa nɔ gɛ lɛgagalĩ batɔ̃ mɛ kibe dzlolo nɛlɛ gɛ Owusoso Akaa adɔ yɔɔ nɛ Noa ibèɛ gɛ azafatɛ aɖakaohu hohoeɛ. Banɔ kasasà tieli balɛ azã aɖakaohu hohoeɛ mɛ, banɔ tasɛ balɛ bayɛkɛ odenɔ bulĩɛ mɛ,

Romanɛ 6:23

Ɔmɔsɛ kɛbhɛ gɛ babuia ɔkɔ ebui kpa bhɛbhɛtɛ, kɛli nu butsí, pɔ Owusoso Akaa yɛdɔ̃ kɔkɔ kɛli nu ɛkpã tihɔɔ nɛ Kristo Yesu bɔlɔ Apaleteɛ mɛ.

Banɔkpɛkpɛ Axɔ̃ɛ 13:39

Gana yɛabha anɔ nyia anɔ gɛ ayɛkɛ aŋã, bebè bhui bɔtsyɔa akɔɛ odenɔ kɛka nyia ka mɛ batɛ balɔkɔ bɔtyɔa bhui bhui akɔ wɔ nɛ Mose ɔshaa nulũ.

Hebrianɛ 7:25

Kliso Yesu alà ebu bagɛ aba Owusoso Akaa ɔkɔ, ɔgana yɛabha, ɔmɔsɛ alɛ nɛ ɛkpã gɛ ayɛkɛ ebui nɛ alɛ ulũ.

Tesalonikanɛ 2 1:10

nɛ kiwui ɛlɛ nabha gɛ ababaa sɛ tɛ badalɛ yɛishu nɛ yɛ banɔ dadalɛ nɛishiɛ, nɛ̀ tɛ yɛibui bhɛtɛ bagɛ ayɛkɛ yɛabha ŋã pete nɛibì. Wɔnɔ tsyɛ ɔkpasɛ ɛlɛ mɛ, ɔmɔsɛ nɔyɛkɛ kibuiɛ gɛ bɔmɔlú pɛ butseɖe wɔnɔ nabha ɔŋã.

Efesoanɛ 1:12

sɛ tɛ ɔlɔ bagɛ idzì banɔ gɛeputɔ gɛ buɖì idzo mɛ ɔkɔ Kristoɔ, tɛ bɔzã ɔkɔ yɛishu dadalɛ tɛkpɛkpɛ nɛitití.

Efesoanɛ 1:6

ɔkɔ yɛinyeɛ tɛkpɛkpɛ nɛitití nɛ̀ tibhui bhuibu dadalɛ gɛ alɔkɔ akɔ ɔlɔ kɛbhɛ mabuia mabuia ɔgana agɛ yɛadɛmɛ nɔ nabha.

Korintoanɛ 2 4:1

Klisoɔ, gɛ gana Owusoso Akaa ashagabui ɖiɖi mɛ bɔwɔa axɔ̃ɛ soɔ, bɔlɔ etúɔ ohuiɛ otio bhui.

Romanɛ 15:4

Ɔmɔsɛ Owusoso Akaa yɛibui ka nyia ka gɛ bafɔnɔ elu nɛ kibeliɛɛ, bafɔnɔ kɛlɛ elu asɛ tɛ kɛkasɛ ɔlɔ bɔdɔ̃, sɛ tɛ gana kitèkpɛkpɛ nɛ̀ kemikpɛkpɛ mɛɛ, tɛ bɔyɛkɛ kɛgɛ ɛlɛ idzo mɛ buɖi nabha ɔŋã.

Korintoanɛ 1 7:25

Otsiɛ nɛ bubiteɛ gɛ betinyi anyɛ shuɔ, ɛgɛ yɛkɛ ɔsha nanà odenɔ Apaleteɛ ɔkɔ, pɔ ikulu kebhu asɛ anɔ gɛ denɔ Apaleteɛ ashagabui ɖiɖi mɛɛ bayɛkɛ yɛabha aŋã.