15 Kɛlɛ kɛlɛinu kibui gbã tɛɖɔɖɔ gɛ kɛlɛ sɛ bayɛkɛ ɛlɛ sɛ, Kristo Yesu aba kanɔ nɔ̀ mɛ tɛ ebu ebui kpa bhɛbhɛtɛ eleteɛ, gɛ nɛ balɛishiɛ, mɛinu ezizĩɛ ɔdɛ.
Pɔ nɔonyi ɔsɛ, aba sɛ tɛ̀ ebu ɔlɔ ebui kpa shɛnɛ. Kɛlɛ kibui kpa ma yɛ mɛ.
Gɛ itidzì anɔ gɛ ɛbhɛtɛ ebusoebui eɖi, anɔ gɛ atɔnɔ banɔ ede nɛ̀ anɔ gɛ azabhɛtɛ agbagbà ebui tsyɛ elo, ebi mɛ ashagabui, ɔmɔsɛ ɛbhɛtɛ alɛ petee nɛ matì matì nɛ̀ mayɛkɛ mayɛkɛŋã mɛ.
Ɔmɔsɛ mɛinù banɔkpɛkpɛ balɛ agɔgɔɛ nɔ gɛ ɛgɛ shɔnɔ ɔsɛ bekulu mɛ asɛ anɔkpɛkpɛ flogo, ɔmɔsɛ ɛzɛtɔnɔ Owusoso Akaa yɛɔhaa niede.
Kliso Yesu alà ebu bagɛ aba Owusoso Akaa ɔkɔ, ɔgana yɛabha, ɔmɔsɛ alɛ nɛ ɛkpã gɛ ayɛkɛ ebui nɛ alɛ ulũ.
Kɛlɛ nu kibui tɛɖɔɖɔ gɛ yɛkɛ kedzi pɛ kɛlɛ ɔsɛ bayɛkɛ ɛlɛ
Nɛ kibe gbangbã mɛ gɛ kibui bhɛbhɛtɛ nanà gazã bɔlɔ ahɔɛɛ, Kristo ebetsí nɛ bagɛ betinyi Owusoso Akaa nɛ̀ ɛtakpu.
Anunɔ gɛ abhɛtɛ ebui kpaa, yɛenu anɔ gɛedè abosam ɔkɔ, ɔmɔsɛ abosam xɔnɔɔ, ebui kpa abhɛbhɛtɛ elete yɛenu odenɔ kanɔ nɔ̀ esi ɔkpɛkɔ. Kibui nɔnɔ shu so pɛ Owusoso Akaa Yɛeyianyɛ aba kɛlɛinu ɔsɛ tɛ̀ ebezĩ abosam yɛaxɔ̃ɛ wɔawɔa.
Kɛlɛ nu tɛyɛyɛkɛŋã ibui gɛɖɔ ɔsɛ, Onupɛ anɔ teli atɔɖɔ edenɔ yɛitúɔ mɛ ɔsɛ tɛ edzì osofo, ebu kɛxɔ̃ɛ gɛiku awɔ̃.
Gɛ mɛinu anɔ bhlui ɔdɛ nɛ bagɛ edzì bhlui nɛ Owusoso Akaa yɛanɔ petee ishi tsyɛ elo, mɛ ɛyɛkɛ tibhui bhui ebu ɛlɛ, sɛ tɛ mɛɖɔ Kristo ehoeyi ɔdɔ̃ gɛ ɔtɛ bɔmɔ nɛ ɔkɔ nanà ibui otseɖe bagɛ etinu Yudanɛ,
Axɔ̃ɛdɛ etseɖe mɛasɛ, “Ebui alɛ, lalɛ alɛ ɔzãkɔ kɛlɛ lɛenu ebui igbã. Apalete, Owusoso Akaa gɛenu ɛfɔfuĩa ɔkɔ ebuiɖɔluanɛ, yɛasɛsɛ yɛaxɔ̃ɛdɛ asɛ tɛ akasɛ bagɛ adɛ yɛaxɔ̃ɛ ebui nɔnɔ gɛ ababà alɛ mɛ gulũi nɔ.”
Kɛlɛ bazhã ɔdzɛ vɔvɔ asɛ, “Wonu anunɔ gɛ ɔshɔnɔ ɔsɛ tɛ bɔlɔkɔ eplukpa kɔ tɛ ɔdalɛ kalɛ adadã, Ɔmɔsɛ wɔ bebhui, kɛlɛ wɔdzyosu nɔ, wɔlɔkɔ odzi banunɔ ɔkɔ Owusoso Akaa odenɔ egbogboɔ nyɔ̃ɔ mɛ, beluhũ, banɔdzyrameeyi nɛ̀ ɛmadi.
Kibui ɛlɛ tɛɖɔɖɔ nu kibui gbã. Kɛlɛ ɛpɛ sɛ tɛ ɔɖɔ ebui alɛ odzinɔ ɔɖɔ, sɛ tɛ bagɛ ayɛkɛ Owusoso Akaa nabha aŋãa beɖi ishu abha piapii tɛ̀ balɔkɔ balɛishu akɔ kibui gbangbã bhɛbhɛtɛ. Ebui alɛ apɛ̃ kɛlɛ labà manà kibui gbangbã ɔkɔ aka nyia aka.
Kɛlɛ nu kibui gɛlɛ ɛlɛ ɔzãkɔ gɛ baɖɔ asɛ, Onupɛ butsi plɛnɔ yɛɛ, bɔba zã nɛ ɛkpã nɛ yɛ tsyɛ,
Kliso gɛ Owusoso Akaa efeke yɛ yɛaxɔ̃ɛdɛ, akɔ yɛebhoso aba wɔnɔ ɔkɔ tɛ ebeyulà akɔ wɔnɔ ɔganà wɔnɔ ɔmayɛmɛ aka nyia aka titsyitsyina edenɔ yɛ kɛtakpu mɛ gagalĩ edzo nabha.”
Anɔ nɔ̀ gɛ azã ekusiegbu nabha aɖɔ asɛ, “Idzinɔ kɛka nyia ka bhɛtɛ ɛdɔ̃ vɔvɔ.!” Kɛlɛ azaɖɔ asɛ, “Fɔnɔ ɛlɛ olu, ɔmɔsɛ ebuiɛ alɛ àlɛ, alɛ ɔzãkɔ kɛlɛ lɛenu kɛgbã.”
Kibui ɛlɛ yɛaɖɔ adalɛ yɛishu asɛ, Owusoso Akaa akɔ ɔlɔ ɛkpã tihɔɔ, kɛlɛ ɛkpã ɛlɛ kpasɛ Yɛeyianyɛ mɛ.
tɛ ɔnyana tɛyɛyɛkɛŋã mɛ ovunɔ nɛ ekpeɖekpeɖeɛ gɛ adalɛ mɛ. Beteli agɛ yɛkɛ ebui alɛ abha aŋã, klisoɔ balɛ tɛyɛyɛkɛŋã tsí.
Gɛ belũ kibui ɛlɛɛ, ananà egefekè kibui nanà, pɔ bakpɛ Owusoso Akaa nɛinye nɛitití pɛ baɖɔ asɛ, “Kɛlɛ́ otsiɛnɔ, Owusoso Akaa akɔ bagɛ̀ betinu Yudanɛ tsyɛ etumɛ tsyitsyina tɛ bamɔ ɛkpã.”
Banɔkpɛkpɛ nɛ̀ bagɛ ayɛkɛ aŋã nɛ Yudea bɔdɔ̃ mɛ pete ebelũ asɛ bagɛ betinu Yudanɛ tsyɛ ayɛkɛ Owusoso Akaa nɛibuiɛ.
nɛ awɔ̃lulu sɛ ɛbalà nyɛmɛ mɛ kɛmadiɛ ginu Yudanɛ sɛ tɛ mɛlɔkɔ awuhũ dzadzã tɛ mɛibu balɛ anɔ teli.
Nɛ Owusoso Akaa namɛɛ, anɔ gɛ yɛakɔ kɛdɔ̃ ka nyia ka ɛkpã, nɛ̀ Kristo Yesu, anɔ gɛ nɛ kibeɛ gɛ adalɛ kibuiɛ mɛ nɛ Pontio Pilatoɔ amɛ, adalɛ kibui mɛ piapii, gɛ kɛlɛ mɛlɔkɔ kpɛ wɔahɔɛ