Timoteo 1 1:14 - Nyangbo New Testament

¹⁴ Apaleteɛ akɔ mɛ yɛ tibhui bhuibuɔ nɛ tikpekpe mɛ, ɔlɔkɔ plɛnɔ tɛyɛyɛkɛŋã nɛ̀ tɛdɛdɛmɛ nɔ gɛ kɛkpasɛ Kristo Yesu mɛ.

Timoteo 1 1:14 Referans Kwoze

Timoteo 2 1:13

Kɛgɛ nɔolũ odenɔ mɛɔkɔ, nɔnyanà ɛlɛ ovunɔ asɛ bɔdɔ̃ kakasɛ piapii, ɔplɛnɔ tɛyɛyɛkɛŋã nɛ̀ tɛdɛdɛmɛ nɔ nɛ Kristo Yesu mɛ.

Korintoanɛ 1 15:10

Pɔ nɛ kana gɛ Owusoso Akaa ebhui mɛ ebuɔ shu soɔ, idzi kɛdɔ̃ nɔnɔ gɛ kɛlɛ mɛinu oboɔ, kɛlɛ yɛ tibhui bhuibuɔ wɔa axɔ̃ɛ. Oo, ɛwɔa axɔ̃ɛ gagalĩ ɔdɛ balɛ petee, pɔ gɛnɛ mɛ, Owusoso Akaa tibhui bhuibuɔ kɛlɛ zã ɔplɛnɔ mɛ so.

Petro 1 1:3

Bɔkpɛ Owusoso Akaa gɛenu Akaa ɔkɔ bɔlɔ Apalete Yesu Kristo nɛinyè nɛitití! Nɛ yɛ ashagabui ɖiɖi gbagbla mɛɛ, akɔ bedzinì ɔlɔ amɔ̃ avɔvɔ akpɛ ɛkpã gɛ buɖì kidzo mɛ ɔkɔ ɔgana Yesu Kristo yɛ tɛlɔlɔ odenɔ bekpuɔ mɛ,

Korintoanɛ 2 13:14

Tɛ̀ Apalete Yesu Kristo tibhui bhuibuɔ, Owusoso Akaa tɛdɛdɛmɛ nɔ, nɛ̀ ɔhakpɛkpɛ nɛ̀ Ɔfɔfuĩa Gbangbã ɔzã ɔplɛnɔ ɔnɔ petee.

Romanɛ 16:20

Ishu yɔyɔ Owusoso Akaa abayɛ Satana ohumi akpɛ wɔnɔ ɔtsɛɖɛkpɔ esi tsaitsai. Apalete Yesu yɛtibhui bhuibuɔ zã ɔplɛnɔ wɔnɔ.

Yohanes 1 4:10

Kɛlɛ kɛlɛinu tɛdɛdɛmɛ nɔ, gɛnɛ kana gɛ bɔdɛmɛ nɔ nɛ̀ Owusoso Akaa yɛenu tɛdɛdɛmɛ nɔ, pɔ yɛadɛmɛ ɔlɔ ɛbui sopɛ asɛsɛ Yɛeyianyɛ asɛ tɛ̀ abedzi bɔdɔ̃ pɔpɔɛ ɔkɔ bɔlɔ ebui kpa etsye bɔlɔ.

Tesalonikanɛ 1 1:3

Butsiɖi ɛlɛ abha bakà wɔnɔ nɛ bɔlɔ Owusoso Akaa namɛ, anɔ gɛenu bɔlɔ Akaa nɛ wɔnɔ kɛxɔ̃ɛ wɔawɔa gɛ mana tɛyɛyɛkɛŋã shu, wɔnɔ bɔtɔ mana tɛdɛdɛmɛ nɔ, nɛ̀ wɔnɔ kemi kpɛkpɛ gɛ mana ohumi kpɛkpɛ nɛ bɔlɔ Apalete Yesu Kristo mɛ.

Korintoanɛ 2 8:9

Ɔmɔsɛ nonyi kibhuiɛ gɛ Apalete Yesu ebhui bɔlɔ ebuɔ, pɔ gɛ edzi ehoeyi elete tsyɛ elo wɔnɔ shu so pɛ ebedzi etsyuitsyui, sɛ tɛ nɔmɔ ehoeyi bɔdɔ̃ ɔgana yɛitsyui dɔdɔ mɛ.

Kibui Bubú Kasɛ 22:21

Apalete Yesu tibhui bhuibu zã ɔplɛnɔ Owusoso Akaa yɛeyi alɛ oo. Amen.

Tesalonikanɛ 1 5:8

Pɔ gɛ bɔlɛ kɔ kelizaza soɔ, nɔkɔ bɔnyana ishu vunɔ, tɛ bɔkpɛ tɛyɛyɛkɛŋã nɛ tɛdɛdɛmɛ nɔ asɛ kitelũ ɔɖa akpɛkpɛ ana, tɛ bukumũ kidzo mɛ ɖiɖi ɔkɔ tibubu asɛ kikutu ana.

Banɔkpɛkpɛ Axɔ̃ɛ 15:11

Ao! bɔyɛkɛ ŋã ɔsɛ gana bɔlɔ Apalete Yesu tibhui bhuibuɔ mɛɛ, kɛlɛ bayɛkɛ akɔ bɔlɔ asɛ balɛ ana.”

Korintoanɛ 1 3:10

Nɛ kibhuiɛ gɛ Owusoso Akaa ebhui mɛebuɔ, mɛkpɛ buvũ niesi asɛ buvũdzudzu gbangbã elete ana, kɛlɛ anɔbhlatɔ yɛaba bhɔ bɔlɛ atɔɖɔ. Pɔ anɔ nyia anɔ eɖi piapii nɛ̀ kɛbhɔ gɛ abhɔɔ yɛuvũɔ.

Korintoanɛ 2 4:15

Kɛlɛ petee lɛ ɔkɔ wɔnɔ tɛpɛpɛ̃ so, sɛ tɛ tibhui bhuibuɔ bavɛ banɔ kpekpèɛ ɔkɔ gɛ bamana ahɔɛhuhu gɛbà yuku gbangbã Owusoso Akaa tɛdadalɛ.

Galatianɛ 1:13

Ɔmɔsɛ nɔotilũ mɛ ɛkpãa gɛ ɛzã bafala nɔ nɛ Yudanɛ ɛkɔɔ tishushuɔ shu, kɛtɔnɔ gɛ ɛzɛ tɔnɔ ɔha niede gagalĩi pɛ ɛpɛ ɔsɛ tɛ̀ mɛyɛ yɛɛ.

Timoteo 1 2:15

Pɔ bebèbu badzɛ ɔgana eyimɔmɔ mɛ, onupɛ bazã ɛlɛ abha nɛ tɛyɛyɛkɛŋã mɛ, tɛdɛdɛmɛ nɔ, ishu dadalɛ nɛ̀ ɛkpã zazãna gbangbã mɛ.

Timoteo 1 4:12

Tɛkɔ ɔsɛ ananà eɖi wɔ asɛ anuvɔ wɔonu so, pɔ kpɛ kibui tili olu ɔgana kaɖɔ ɖɔɖɔ mɛ, nɛ wɔɛkpã mɛ, wɔtɛdɛdɛmɛ nɛ̀ anɔ, nɛ tɛyɛyɛkɛŋã nɛ̀ ɛkpã dadalɛ mɛ.

Timoteo 1 6:11

Pɔ wɔ, Owusoso Akaa anɔ, bu tɛtsɛɖɛ mɛ ɔshɛ nɛ ebui alɛ petee shu, tɛ ɔtɔnɔ ebui gbangbã tɛbhɛbhɛtɛ, Owusoso Akaa mɛ tɛzazã, tɛyɛyɛkɛŋã, tɛdɛdɛmɛ nɔ, kemikpɛkpɛ nɛ̀ anɔ yɔyɔ tidzidzi ede.

Timoteo 2 2:22

Bu tɛtsɛɖɛ mɛ ɔshɛ nɛ bɔyisɔ̃ mɛ ebui zizĩ tɛpɛpɛ shu, tɛ ɔtɔnɔ ebuiɛ gɛ alɛishu adalɛ, gɛenu tɛyɛyɛkɛŋã, tɛdɛdɛmɛ nɔ nɛ̀ ishu yɔyɔ ede, ɔlɔkɔ plɛnɔ bagɛ bekulu Apaleteɛ odenɔ kitúɔ gɛ dalɛ mɛ.

Tito 2:2

Kasɛ banɔ sheshèɛ tɛ belu kitu esi, sɛ tɛ bakpɛ kɛtakpu esi akɔ alɛ, ishu abha ŋaŋã, bazã piapi nɛ tɛyɛyɛkɛŋã mɛ, nɛ tɛdɛdɛmɛ nɔ nɛ̀ kemikpɛkpɛ mɛ.