Timoteo 1 1:13 - Nyangbo New Testament

¹³ Gɛ itidzì anɔ gɛ ɛbhɛtɛ ebusoebui eɖi, anɔ gɛ atɔnɔ banɔ ede nɛ̀ anɔ gɛ azabhɛtɛ agbagbà ebui tsyɛ elo, ebi mɛ ashagabui, ɔmɔsɛ ɛbhɛtɛ alɛ petee nɛ matì matì nɛ̀ mayɛkɛ mayɛkɛŋã mɛ.

Timoteo 1 1:13 Referans Kwoze

Banɔkpɛkpɛ Axɔ̃ɛ 8:3

Pɔ Saulo akpɛ ɔha tɛyɛyɛ esi. Agã edenɔ bɔpã mɛ ɔvɛnɔ bɔpã mɛ, pɛ agbanà banyɛ nɛ̀ baadzɛ avɛnɔ ɔɖavũmɛ.

Petro 1 2:10

Kibè tili bafala gɛ nɔ ogi dzi anɔ, pɔ otsiɛ xɔnɔ nɔonu Owusoso Akaa anɔ, kibè tili begiɖì wɔnɔ ashagabui, pɔ otsiɛ xɔnɔ beɖi wɔnɔ ashagabui.

Banɔkpɛkpɛ Axɔ̃ɛ 9:13

Anania ebuiliulũ asɛ, “Apalete, bakɔ mɛ tititì gelee nɛ anyɛ alɛ shu, nɛ̀ bɔdɔ̃ gɛ ezĩ nɛ banɔ dadalɛ shu nɛ Yerusalemuɔ.

Hebrianɛ 4:16

Kliso nɔkɔ butso plɛnɔ Owusoso Akaa ekusiegbuɔ gɛ alɔkɔ ebhui ɔlɔ ebu nɔɔ, nɛité kpɛkpɛ mɛ sɛ tɛ onupɛ kiwui gagalĩɛ batɔnɔ ɔlɔɔ, tɛ ebeɖi ɔlɔ ashagabui tɛ ebhui ɔlɔ ebu.

Banɔkpɛkpɛ Axɔ̃ɛ 3:17

“Mɛadzya alɛ mɔ, inyi ɔsɛ wɔnɔ nɛ̀ bagɛ baagbanà wɔnɔɔ otinyi flogo pɛ nɔbhɛtɛ.

Timoteo 1 1:16

Pɔ nɛ kibui ɛlɛ shu so pɛ beɖi mɛ ashagabui, sɛ tɛ nɛ mɛtakpuɔ, anɔ gɛezĩ adɛ nɛ ebui kpa bhɛbhɛtɛ elete nɛishi, tɛ̀ Kristo Yesu ebu yɛitu esi luluɔ gɛ ɛlɛ ɔtɔ̃kɔ ma akasɛ. Sɛ tɛ̀ bagɛ aba yɛkɛ yɛabha aŋã amɔ ɛkpã tihɔɔ.

Filipianɛ 3:6

gɛ ɛtɔɖɔ ɛlɛ gagalĩ, pɛ ɛzɛ tɔnɔ ɔha niede, basɛ anɔ gɛ abhɛtɛ atɔɖɔ ɔshaa nabha xɔnɔ, kibui nanà gɛzã mɛishu.

Galatianɛ 1:13

Ɔmɔsɛ nɔotilũ mɛ ɛkpãa gɛ ɛzã bafala nɔ nɛ Yudanɛ ɛkɔɔ tishushuɔ shu, kɛtɔnɔ gɛ ɛzɛ tɔnɔ ɔha niede gagalĩi pɛ ɛpɛ ɔsɛ tɛ̀ mɛyɛ yɛɛ.

Korintoanɛ 1 15:9

Ɔmɔsɛ mɛinù banɔkpɛkpɛ balɛ agɔgɔɛ nɔ gɛ ɛgɛ shɔnɔ ɔsɛ bekulu mɛ asɛ anɔkpɛkpɛ flogo, ɔmɔsɛ ɛzɛtɔnɔ Owusoso Akaa yɛɔhaa niede.

Korintoanɛ 1 7:25

Otsiɛ nɛ bubiteɛ gɛ betinyi anyɛ shuɔ, ɛgɛ yɛkɛ ɔsha nanà odenɔ Apaleteɛ ɔkɔ, pɔ ikulu kebhu asɛ anɔ gɛ denɔ Apaleteɛ ashagabui ɖiɖi mɛɛ bayɛkɛ yɛabha aŋã.

Banɔkpɛkpɛ Axɔ̃ɛ 22:4

Ɛtɔnɔ bagɛ bazã Kidzo ɛlɛ nabha ɛkpã niede, kɛlɛ ɛkɔ beyí alɛ, gɛ kɛkɔ mɛivũ banyɛ nɛ̀ badzɛ ɔdɛkpɛ ɔɖavũ mɛ,

Banɔkpɛkpɛ Axɔ̃ɛ 9:5

Saulo ebisi asɛ, “Apalete, wonu afana?” Ebuiliulũ akɔɛ asɛ, “Mɛinu Yesu, anɔ nɔ̀ gɛ yiede wɔtɔnɔɔ.”

Banɔkpɛkpɛ Axɔ̃ɛ 9:1

Nɛ kibe ɛlɛ, Saulo ezewlui akãkɔ Apaleteɛ yɛadɔkpasɛanɛ. Atɔnɔ banɔlũazazã gbagbla avɛ