Tesalonikanɛ 1 4:9 - Nyangbo New Testament

⁹ Otsi nɛ adzya tɛdɛdɛmɛ nɔ shuɔ, kɛga shɔnɔ ɔsɛ bɔfɔnɔ kɔ wɔnɔ, ɔmɔsɛ Owusoso Akaa atɛ kasɛ wɔnɔ sɛ nɔdɛmɛ nɛ bagɔlɔ.

Tesalonikanɛ 1 4:9 Referans Kwoze

Yohanes 1 3:11

Kibui ɛlɛ nɔolũ odenɔ kesiɛ ɔkpɛkɔ ɔsɛ̀, kɛlɛ ɔsɛ bɔdɛmɛ nɛ̀ bagɔlɔ.

Romanɛ 12:10

Nɔlɔkɔ tɛpɛplɛnɔ ɔkɔ bagɔlɔ nɛ tɛdɛdɛmɛ nɔ̀ nɛ̀ bagɔlɔ mɛ, ɔmɔ asɛ bélɛɛ nɛ Kristo mɛ ana. Nɔkpɛ ɛtakpu esi ɔkɔ bagɔlɔ ɔdɛ wɔnɔ ahɔɛ ishu.

Yohanes 1 3:23

Kɛlɛ yɛɔsha ɔlɛ onu ɔsɛ, tɛ̀ bɔyɛkɛ Yɛeyianyɛ Yesu Kristo abha ŋã, nɛ̀ tɛ bɔdɛmɛ nɛ bagɔlɔ asɛ gɛ ɔkpɛ ɔshà akɔ ɔlɔ ana.

Yohanes 1 4:21

Kɛlɛ akɔ ɔlɔ ɔsha ɔlɛ asɛ, kɛlɛ sɛ anɔ nyia anɔ gɛ adɛmɛnɔ nɛ̀ Owusoso Akaa, tɛ adɛmɛ nɛ̀ yɛadzya tsyɛ.

Hebrianɛ 13:1

Nɔvɛ ɛlɛ abha tɛ nɔɔdɛmɛ nɔ nɛ bagɔlɔ.

Tesalonikanɛ 1 5:1

Mɛ adzya alɛ mɔ, otsi alɛ, nɛ kiwuiɛ nɛ̀ kibeɛ shuɔ, anɛ ibui kinu sɛ tɛ bɔfɔnɔ sɛsɛ wɔnɔ,

Banɔkpɛkpɛ Axɔ̃ɛ 4:32

Bayɛyɛkɛŋã pete azã tenikpo nɛ kitú nɛ̀ ekpeɖekpeɖe mɛ. Balɛ ɔmayɛmɛ ananà agɛ lɔkɔ yahɔɛmɛ kɛdɔ̃ asɛ yɛ kɛdɔ̃ kinu, pɔ beebu kɛka nyia ka gɛzã balɛ ahɔɛ mɛ akɔ bagɔlɔ.

Yohanes 1 2:10

Anunɔ gɛ adɛmɛ nɔ nɛ yɛadzyaa, anɔ alɛ akpasɛ tɛdadalɛ mɛ, kɛlɛ kibui nanà ma yɛmɛ gɛ bakɔ yɛakpatà bɔdɔ̃.

Petro 2 1:7

tɛ̀ Akaa mɛ tɛzaã plɛnɔ ɛyamɛ gbangbã bhɛbhɛtɛ ɔkɔ adzya, tɛ̀ ɛyamɛ gbangbã ɔkɔ adzya plɛnɔ tɛdɛdɛmɛ nɔ nɛ̀ anɔ.

Petro 1 4:8

Kɛgɛ dɛ alɛ peteɛ, nu ɔsɛ nɔdɛmɛ nɔ nɛ̀ bagɔlɔ piapii, ɔmɔsɛ tɛdɛdɛmɛ nɔ dã ebui kpa bhɛbhɛtɛ gelee ulũ.

Petro 1 3:8

Gɔgɔɛ nɔ mɔ, wɔnɔ petee, nɔzã tenikpo nɛ̀ bagɔlɔ, nɔobì ɔkɔ bagɔlɔ, nɔdɛmɛ nɛ̀ anɔ asɛ baadzya ana, nɔoɖi ashagabui tɛ nɔozhinì wɔnɔ ishu esi.

Hebrianɛ 10:16

“Ɔmɔ olũgbu nyanyã gɛ ɛbanyã nɛ alɛ nɛ kibe ɛlɛ niedeɛ, Apaleteɛ aɖɔ asɛ, ɛbalɔkɔ mɔsha kpɛ alɛ etúɔ mɛ, kɛlɛ ɛbafɔnɔ ɛlɛ nɛ balɛ ekpeɖekpeɖeɛ mɛ.”

Korintoanɛ 2 9:1

Kɛbha ma ɔsɛ tɛ ɛfɔnɔ keplukpa kɔ wɔnɔ nɛ axɔ̃ɛ wɔawɔa ebui alɛ nɛ banɔ dadalɛ shu.

Filipianɛ 3:15

Kɛlɛ sɛ bɔlɔ agɛ ishèɛ petee zilu awɔ̃ ɖi ebuiɛ ana. Kɛlɛ onupɛ nɛ kawɔ̃pɛ tieli mɛ wɔ bhɛtɛ ekpeɖekpeɖe bhlatɔ mɛ tsyɛɛ, kɛlɛ tsyɛ Owusoso Akaa abadãlɛ ɛlɛ mɛ akɔ wɔ.