Tesalonikanɛ 1 4:4 - Nyangbo New Testament

⁴ sɛ tɛ wɔnɔ mɛ aka nyia aka akpasɛ kana gɛ aba nyanà yɛishu evunɔ, nɛ kidzo dadalɛ

Tesalonikanɛ 1 4:4 Referans Kwoze

Korintoanɛ 1 7:9

Pɔ onupɛ batɛ balà balɛ ishu abhaa aŋãa, kɛlɛ sɛ bazana anyɛ, ɔmɔsɛ apɛ̃ asɛ tɛ̀ ɔzanà anyɛ ɔdɛ ɔsɛ tɛ̀ wɔshumɛ zɛlɔ nɛ anyɛ shu.

Romanɛ 12:1

Mɛelɛ alɛ mɔ, nɛ Owusoso Akaa yɛashagabui nɛidi gɛeɖi ɔlɔ nɔ soɔ, ɛkpalà ɔnɔ ɔsɛ tɛ nɔlɔkɔ ishu ɔbhɛtɛ asɛ bɔdɔ̃ pɔpɔɛ gɛlɛ nɛkpã ana, gɛ ɛlɛishu dalɛ pɛ Owusoso Akaa adɛmɛ nɔɔ, kɛlɛinu wɔnɔ ɔfɔfuĩa mɛ ɛtakpu esi kpɛkpɛ.

Petro 1 3:7

Badzɛenyine mɔ, nɛ kidzo ɛlɛ abhaa, wɔnɔ tsyɛ nɔolũ ebui esi ɔkɔ wɔnɔ edzinì alɛ nɛ kibeɛ gɛ nɔlɛ ɔplɛnɔ alɛ, tɛ nɔgbanà alɛ nɛ̀ kɛtakpu esi kpɛkpɛ ɔkɔ alɛ asɛ ohumi bhlui elete ana gɛ wɔnɔ nɛ alɛ ɔbɔ mɔ kaŋãsiɛ nɛ̀ tibhui bhuibu idɔ kɔkɔ ɔkɔ ɛkpã, sɛ tɛ kɛdɔ̃ nanà tɛbà kɔ nɔyɔlɔ Owusoso Akaa tikukulu.

Hebrianɛ 13:4

Wɔnɔ badzɛenyine nɛ̀ banyɛedziniɛ, nɔkpɛ ɛtakpu esi ɔkɛ bagɔlɔ shu nɛ̀ wɔnɔ ɔwɔ̃sɔkɔ tsyɛ, ɔmɔsɛ Owusoso Akaa ebekulu ebhu nɛ̀ agɛ adɛ ɔma mɛ nɛ̀ bagɛ baŋã agɔlɔ.

Korintoanɛ 1 6:15

Nɔotinyi ɔsɛ wɔnɔ shudzyaa nu Kristoɔ ɔyɛ dza? Pɔ kɛpɛ̃ sɛ ɛlɔkɔ mɛ ishudzyaa gɛinu Kristoɔ ɔyɛ bhɛtɛ tenikpo nɛ kedulũ azazã eleteɛ dza? Kɛma ɛlɛ mɛ ana!

Korintoanɛ 1 7:2

Pɔ gɛ kɛgɔlɔ ŋaŋã ebuiɛ bekpe soɔ, adzɛ azã anyɛ ka nyia ka ahɔɛ, kɛlɛ anyɛ tsyɛ azã adzɛ ka nyia ka ahɔɛ.

Filipianɛ 4:8

Gɔgɔɛ nɔ, mɛadzya alɛ mɔ, kɛnɔnɔ gɛ lɛ ɛlɛ ɔzãkɔ, kɛnɔnɔ gɛ dzã kiwuhũ, kɛnɔnɔ gɛ pɛ̃, kɛnɔnɔ gɛ ɛlɛ shu dalɛ̃, kɛnɔnɔ gɛlɛ sɛ badɛmɛ nɔ, kɛnɔnɔ gɛ kiku anɔ same, onupɛ kibui gbangbã tili, kɛpɛ̃ ɔsɛ bakpɛ ɛlɛ nɛititíɛ, nɔ bhɛtɛ ekpeɖekpeɖe mɛ nɛ alɛ nɛidi shu.

Romanɛ 6:19

Ɛɖɔ kɛlɛ nɛ anɔdzyrame yɛekpeɖekpeɖe ulũ, ɔmɔsɛ nobotsò nɛ wɔnɔ tɛzazã mɛ. Asɛ kɛlɔkɔ gɛ nɔzɔlɔkɔ ɔnɔ ishuɔ ɛkɔ toli ɔkɔ asɛ banɔ dzidzi ɔkɔ atsɔ̃ ebui bhɛbhɛtɛ, nɛ̀ ɛtakpu mɛ gagalĩ ebui tɛ lekpè atɔɖɔɔ, kliso otsi alɛ nɔlɔkɔ ishu ɔkɔ asɛ banɔ dzidzi ɔkɔ kibui gbangbã gɛ gbanà anɔ ɔvɛnɔ tɛdadalɛ mɛ.

Romanɛ 1:24

Kliso nɛ balɛ etúɔ tɛdɛdɛmɛ ɔkɔ ebui kpa bhɛbhɛtɛ ulũ soɔ, Owusoso Akaa ashɛnɛ ahɔɛ nɛ balɛishu akɔ kɛgɔlɔ ŋaŋã ebui nɛ̀ atsɔ̃ ebui bhɛbhɛtɛ nɛ̀ bagɔlɔ.

Banɔkpɛkpɛ Axɔ̃ɛ 9:15

Pɔ Apaleteɛ etseɖe Anania asɛ, “Gavɛ! Anyɛ alɛ enu anɔ gɛ ibú ɔsɛ tɛ̀ alɔkɔ mɛinyeɛ avɛnɔ bagɛ betinu Yudanɛ nɛ̀ balɛ bekusiɛ nɛ̀ Israel kɛmadiɛ ɔkɔ.

Korintoanɛ 2 4:7

Pɔ ehoeyi bɔdɔ̃ bɔlɛ lɛ ɔlɔ ahɔɛ gɛkpasɛ butsukpu mɛ tɛ kɛkasɛ sɛ ohumi ɔlɛ gɛ ɔdɛ ɔka nyia ka ogide bɔlɔkɔ, pɔ Owusoso Akaa ɔkɔ lode.