Tesalonikanɛ 1 4:3 - Nyangbo New Testament

³ Kinu Owusoso Akaa tɛpɛpɛ sɛ tɛ wɔnɔ shu dalɛ, sɛ tɛ nɔyɔlɔ ɔmamɛdɛdɛ,

Tesalonikanɛ 1 4:3 Referans Kwoze

Petro 1 4:2

Nɛ kibui ɛlɛ shu soɔ, agazã yɛ ɛkpã gɔgɔɛnɔ nɛ esiakpa abha nɛ anɔdzyrame yɛebui kpa tɛpɛpɛɛ ulũ, pɔ azã nɛkpã akɔ kɛgɛ Owusoso Akaa apɛ nɔ.

Tesalonikanɛ 1 5:23

Owusoso Akaa, yɛahɔɛ ishu yɔyɔ, dalɛ wɔnɔ shu tɛ̀ edzinɔ adalɛ. Tɛ̀ Wɔnɔ ɔfɔfuĩa nɔ petee, kɛtɔwuiɛ nɛ̀ ishudzyaa zã kɛpɔ mabu mabu nɛ Apalete Yesu Kristo tɛbabaa shu.

Romanɛ 12:2

Nɔtɛ ɔzã nɛkpã asɛ kanɔ alɛ mɛanɛ, pɔ nɔkɔ Owusoso Akaa yɛetsyina wɔnɔ ekpeɖekpeɖe mɛ tɛbhɛbhɛtɛ yɛedzi avɔvɔ. Kɛlɛ̀ bakɔ ɔsɛ nɔpɔ̃ɛ Owusoso Akaa ebui tɔtɔɖɔɔ mɛ oɖi, kɛgɛ ɛpɛ nɛ̀ kɛgɛ yɛadɛmɛ nɔ, pɛ kɛlɛ ná piapii nɔ.

Hebrianɛ 13:4

Wɔnɔ badzɛenyine nɛ̀ banyɛedziniɛ, nɔkpɛ ɛtakpu esi ɔkɛ bagɔlɔ shu nɛ̀ wɔnɔ ɔwɔ̃sɔkɔ tsyɛ, ɔmɔsɛ Owusoso Akaa ebekulu ebhu nɛ̀ agɛ adɛ ɔma mɛ nɛ̀ bagɛ baŋã agɔlɔ.

Efesoanɛ 5:17

Klisoɔ nɔotidzì bawɔaga, pɔ nɔolũ kɛgɛ Apaleteɛ apɛɛ asɛ ɔbhɛtɛ.

Koloseanɛ 3:5

Klisoɔ nɔŋã kanɔ alɛ mɛ kɛka nyia ka idi gɛ kpasɛ ɔnɔ mɛ nabha. Gɛinu asɛ ɔmamɛdɛdɛ, atsɔ̃bui, ishumɛ tɛlɔlɔ nɛ adzɛ shu, ebui zizĩ tɛtɔtɔɖɔ, nɛ̀ mɛ ete tɛpɛpɛ̃ gɛinu ibudi ebui.

Tesalonikanɛ 1 4:4

sɛ tɛ wɔnɔ mɛ aka nyia aka akpasɛ kana gɛ aba nyanà yɛishu evunɔ, nɛ kidzo dadalɛ

Galatianɛ 5:19

Ebuiɛ gɛ akpà ɔplɛnɔ ebui kpa bhɛbhɛtɛ edzoɔ awɔ̃ɛ asɛ, ɔmamɛ dɛdɛ, atsɔ̃bui bhɛbhɛtɛ nɛ̀ ɛkpã kpa tɛŋaŋã,

Yohanes 1 2:17

Kanɔ nɔ̀ nɛ̀ kalɛ mɛ bɔdɔ̃ pɛpɛ ulũ baafala, pɔ anunɔ gɛ abhɛtɛ̀ tɔɖɔ Owusoso Akaa tɛpɛpɛ nabha xɔnɔ abazã nɛ̀ ɛkpã tihɔɔ.

Kibui Bubú Kasɛ 21:8

Pɔ kifusisíelete, bagɛ agɛyɛkɛ aŋã, atsɔ̃bui abhɛbhɛtɛelete, bagɛ beyì anɔ, aglɔŋaŋãelete, behuinɛ, ibudielete nɛ̀ asɛnɛ sɛsɛelete peteɛ xɔ̃nɔɔ-balɛ ɔzãkɔ obodzi kifu gɛtã nɛ̀ aklagbuifu ɔɖɛklɛmɛ nɔ mɛ. Kɛlinu butsi bhalàa.”

Tesalonikanɛ 2 2:13

Pɔ badzya gɛ Apaleteɛ adɛmɛ nɔ, kɛlɛ sɛ buzi hu Owusoso Akaa ahɔɛ kiwui nyia wui nɛ wɔnɔ ɛtakpu, ɔmɔsɛ denɔ kesikpɛkpɛ mɛibeɛ, Owusoso Akaa ebu wɔnɔ elú ɔgana ɔfɔfuĩa nɔ nɛ̀ ɔlɛ axɔ̃ɛ dadalɛ wɔawɔa mɛ, nɛ̀ ɔganà kibui gbã tɛyɛyɛkɛŋã mɛ.

Hebrianɛ 10:36

Nɔkpɛ emi, pɛ nɔbhɛtɛ nɛ Owusoso Akaa yɛtɛtɔtɔɖɔ lu abhaa, nɔbɔ yɛkɛ kɛgɛ atɔɖɔ elu asɛ abakɔ ɔnɔɔ.

Efesoanɛ 6:6

Nɔotilũ atɔ̃ kɔ alɛ sɛ tɛ noku balɛ awɔ̃ nɛ kibeɛ gɛ balɛ awuhũɔ etsiɖi wɔnɔ abha ete, pɔ asɛ banɔ dzidzi ɔkɔ Kristo ana, tɛ nɔbhɛtɛ Owusoso Akaa tɛpɛpɛ odenɔ wɔnɔ etúɔ mɛ.

Korintoanɛ 1 7:2

Pɔ gɛ kɛgɔlɔ ŋaŋã ebuiɛ bekpe soɔ, adzɛ azã anyɛ ka nyia ka ahɔɛ, kɛlɛ anyɛ tsyɛ azã adzɛ ka nyia ka ahɔɛ.

Banɔkpɛkpɛ Axɔ̃ɛ 15:29

Nobu ishu oyinɔ odenɔ bɔŋaŋã gɛ batɔ akɔ ibudiɛ, dzyosu nɛ̀ bɔdzya gɛide bagã gɛ bedzyinì balɛ iliɛ mɛ, ɔlɔkɔ ɔplɛnɔ kɛgɔlɔ ŋaŋã. Nɔkpɛ kemi tɛ̀ nɔshɛnɛ ahɔɛ nɛ ebui alɛ nɛidi shu. Bɔsɛnɔ wɔnɔ piapii.

Tesalonikanɛ 1 5:18

Nɔohu ahɔɛ nɛ ebui ka nyia ka mɛ, ɔmɔsɛ kɛlɛinu Owusoso Akaa tɛpɛpɛɛ ɔkɔ wɔnɔ nɛ Kristo Yesu mɛ.

Petro 1 1:2

banɔ gɛ bebu alɛ nɛ Owusoso Akaa gɛenu bɔlɔ Akaa ekpeɖekpeɖeɛ gɛ abhɛtɛ akpɛ otugbà nulũ, ɔganà Ɔfɔfuĩa nɔ gɛ ɔlɛ axɔ̃ɛ wɔawɔa adalɛ, ɔkɔ batɔ̃ lulũ ɔkɔ Yesu Kristo nɛ yɛ dzyosu hɔɛhɔ̃ɛ niesi. Tibhui bhuibu nɛ̀ ishu yɔyɔ kɔ wɔnɔ nɛ tikpekpè mɛ.

Hebrianɛ 13:21

alɔkɔ ɔdɔ̃ gbangbã ka nyia ka idi akɔ ɔnɔ sɛ tɛ nɔbhɛtɛ nɛ yɛibui tɔtɔɖɔ nabha, tɛ abhɛtɛ kɛgiku yɛawɔ̃ nɛ bɔlɔ mɛ ɔgana Yesu Kristo abha. Yɛyɛ́ kɛlinu ishu dadalɛ odenɔ otsiɛ ɔvɛnɔ tihɔ, tihɔ. Amen.

Tito 2:14

anɔ gɛ yɛalɔkɔ yɛishu akɔ asɛ tɛ̀ ebu ɔlɔ denɔ atakpu mɛ gagalĩɛ petee mɛ. Tɛ̀ epulu ɔlɔ akɔ yɛishu asɛ banɔ gɛenu yayɛ, banɔ gɛ apɛɛ asɛ tɛ̀ babhɛtɛ kɛgɛ pɛ.

Koloseanɛ 1:9

Nɛ kibui ɛlɛ shu soɔ, odenɔ kiwuiɛ gɛ kɛlɛ abha bulũ wɔnɔ ɔdɔ̃ɔ, bɔkà yɔlɔ Owusoso Akaa tikukulu kɔ ɔnɔ pɛ bubisi Owusoso Akaa sɛ eyuku ɔnɔ mɛ nɛ̀ kibuititì nɛ yɛ tɛpɛpɛ ulũ ɔganà ɔfɔfuĩa mɛ bubuti nɛ̀ ebui esi lulũɔ petee mɛ.

Korintoanɛ 2 12:21

Kifù yimɛ sɛ onupɛ ɛzɛba, mɛ Owusoso Akaa abakɔ mɛizhini mɛishu esi nɛ wɔnɔ amɛ, kɛlɛ ɛbàmɔ ɔwɔ̃nyɔnɔ denɔ banɔ gelee gɛ batɛ bhɛtɛ ebui kpa akpɛ otugbà pɛ begitsyina nɛ balɛ etúɔ mɛ odenɔ atsɔ̃bui bhɛbhɛtɛ mɛ, ebui asɛ ɔmamɛ dɛdɛ nɛ̀ bunu tibubuku ebui gɛ balɔkɔ balɛishu ashɔkpɛ mɛ.

Korintoanɛ 1 1:30

Yɛ sopɛ nɔkpasɛ Yesu Kristo mɛ, anɔ gɛ yɛakɔ ɔlɔ bubuti odenɔ Owusoso Akaa ɔkɔ, gɛ kɛlɛinù bɔlɔ tɛzazã piapii, ishudadalɛ nɛ̀ bɔlɔ tibubuyinɔ odenɔ ebui kpa bhɛbhɛtɛ mɛ.

Banɔkpɛkpɛ Axɔ̃ɛ 26:18

tɛ̀ ɔkpà balɛ awuhũɔ, tɛ̀ otsyinà alɛ odenɔ otumũ mɛ̀, ɔmana kanɔ dadalɛ mɛ̀, nɛ̀ odenɔ Satana yɛohumi ahɔɛ mɛ̀, ɔmana Owusoso Akaa ɔkɔ. Sɛ tɛ̀ balɔkɔ ebui kpa etsye alɛ, tɛ̀ bamɔ ɔzãkɔ nɛ bagɛ badalɛ balɛ ishu ɔganà mɛabha tɛyɛyɛkɛŋã mɛ.’

Koloseanɛ 4:12

Epafrodito gɛenu Kristo Yesu yɛaxɔ̃ɛdɛ pɛ ede wɔnɔ mɛ tsyɛ asɛnɛ wɔnɔ. Alɔkɔ kemi kpɛkpɛ ekulu Owusoso Akaa nɛ wɔnɔ ɛtakpu kibe nyia be, sɛ tɛ nɔzã gagalĩ nɛ Owusoso Akaa tɛpɛpɛ ulũ, asɛ anɔ gɛ nɔoshè pɛ bayɛkɛ ɔnɔ abha aŋã ana.

Romanɛ 6:22

Otsi alɛ gɛ bebu ɔnɔ eyinɔ nɛ ebui kpa mɛ, pɛ nodzi Owusoso Akaa yɛanɔ dzidziɛ, kɛgɛ nɔbɔ mɔ odenɔ kɛlɛ mɛɛ, kɛba gbana ɔnɔ ɔvɛnɔ tɛdadalɛ mɛ, kɛlɛ kɛgɛ badekoeyì nɛ kɛlɛ mɛ badzi ɛkpã tihɔɔ.

Banɔkpɛkpɛ Axɔ̃ɛ 20:32

“Otsiɛ nɔ, ɛɛlɔkɔ̀ wɔnɔ ɔkpɛ ahɔɛ akɔ Owusoso Akaa nɛ̀ yɛibuiɛ gɛ alɔkɔ ebhui bɔlɔ ebuɔ nɔ̀. Kɛlɛ bàbhɔ wɔnɔ wunu kabha pɛ kɛbàkɔ wɔnɔ bagɛ badalɛ wɔnɔ shuɔ petee kaŋãsiɛ.

Banɔkpɛkpɛ Axɔ̃ɛ 15:20

Pɔ nɔkɔ bɔfɔnɔ keplukpa ɔkɔ alɛ boŋ tɛ̀ bayɔlɔ ibudi bɔdɔ̃ ŋaŋã gɛ bɔlɛishu gɛdalɛ, kɛgɔlɔ ŋaŋã, nɛ̀ bɔdzya nɔnɔ gɛide bagã gɛ bedzinì balɛ ili nɛ̀ butsì tɛŋaŋã mɛ.

Hebrianɛ 12:16

Nɔnyana ishu piapii sɛ tɛ anɔ nanà etidzi ɔmamɛadɛdɛ elete alo anɔ gɛ akaa ɔfɔfuĩa nɔ ma yɛmɛ asɛ Esau ana, gɛ atsrakɛ yɛeyianyɛ ukusi ɔzãkɔ nɛ̀ kɛŋaŋã esugba tienikpo nɔ ana.

Romanɛ 1:29

Banunɔ mɛ eyuku nɛ̀ atakpu mɛ gagalĩ, ebui zizĩ, mɛete ɛyɛ tɛpɛpɛ̃ nɛ̀ banɔ tidzyidzyini ɔkpɛ, alɛ ayɛkɛ alɛ mɛ. Ebui kpa bhlatɔ enu awuhũ dzadzã nɛ banɔ shu, banɔ yiyí, ebla pɛpɛ, banɔ wɔɛwɔ̀ɛ nɛ̀ ɔhagbo shu tizizĩ. Benu olugbũedzi agagã anɔ,

Kibui Bubú Kasɛ 22:15

Bagɛ babàwɔ kevudeɛ, balɛ enu beebu, behuinɛ, bagɛ baaŋã agɔlɔ, bagɛ beyi anɔ, ibudielete nɛ̀ anɔ ka nyia ka gɛ adɛmɛ asɛnɛ sɛsɛ ebui pɛ asɛɔsɛ.

Tesalonikanɛ 1 4:2

Ɔmɔsɛ nonyi ɔsha gɛ bɔkpɛ kɔ wɔnɔ gana Apalete Yesu ohumi nabha.