Tesalonikanɛ 1 4:1 - Nyangbo New Testament

¹ Otsi alɛ mɛ adzya alɛ mɔ, bɔkɔ wɔnɔ ɔsha nɛ kana gɛ nɔbɔzã nɛ̀ ɛkpã pɛ lɛba shɔnɔ Owusoso Akaa, asɛ ɛkpã gɛ nodzinɔ. Otsi nɔ bubisi denɔ wɔnɔ ahɔɛ mɛ kɛlɛ bɔkpalà wɔnɔ nɛ Apaleteɛ Yesu mɛ tɛ nɔbhɛtɛ kana odzinɔ bhɛtɛ.

Tesalonikanɛ 1 4:1 Referans Kwoze

Koloseanɛ 1:10

Kɛlɛ bukulù Owusoso Akaa sɛ tɛ̀ nɔzã nɛkpã gɛ ɛshɔ̃ ɔkɔ Apaleteɛ pɛ lɛbàku yɛawɔ̃ nɛ kidzo ka nyia ka abha, tɛ̀ nɔoyu eyuyù nɛ kɛxɔ̃ɛ gbangbã ka nyia ka wɔawɔa mɛ̀, tɛ̀ nɔoshè nɛ Owusoso Akaa kibuititìɛ mɛ,

Tesalonikanɛ 2 1:3

Mɛadzya alɛ mɔ, kɛlɛ sɛ tɛ buhu Owusoso Akaa ahɔɛ kibe nyia be ɔkɔ wɔnɔ, kɛpɛ ana, ɔmɔsɛ gɛ wɔnɔ tɛyɛyɛkɛŋã kpe tɔɖɔ soɔ, tɛdɛdɛmɛ nɔ gɛ kpasɛ wɔnɔ mɛ ɔkɔ bagɔlɔ tsyɛ kpe tɔɖɔ.

Petro 2 3:18

Pɔ nɔzã ɛlɛ tɛ nozoshè nɛ tibhui bhuibuɔ nɛ̀ bubutiɛ gɛ Apaleteɛ Yesu Kristo gɛ ayɛkɛ akɔ bɔlɔ mɛ. Yɛ bakɔ ishu dadalɛ odenɔ otsiɛ, ɔvɛnɔ tihɔɔ! Amen.

Hebrianɛ 13:16

Nɔtɛ dzɛkɛ ibui gbangbã tɛbhɛbhɛtɛ nɛ̀ kɛdɔ̃ kɔkɔ banɔ bhlatɔ, ɔmɔsɛ bɔdɔ̃ pɔpɔɛ ɛlɛ nɛidi ku Owusoso Akaa awɔ̃.

Filipianɛ 1:9

Kɛlɛ́ɛ kɛlɛinu mɛ Owusoso Akaa tikukulu ɔsɛ, tɛ wɔnɔ tɛdɛdɛmɛ nɔ kpè tɔɖɔ nɛ kibui titì nɛ̀ ebui esi lulũɔ gɛedzuɔ mɛ,

Tesalonikanɛ 1 3:12

Tɛ̀ Apaleteɛ akɔ wɔnɔ tɛdɛdɛmɛ nɔ wlui kpè tɔɖɔ tɛ kiyuku balɛ̀ ɔkɔ bagɔlɔ nɛ̀ anɔ nyia anɔ tsyɛ, asɛ gɛ bɔlɔ ɛyɛ bhɛtɛ kɔ wɔnɔ.

Filipianɛ 3:14

Ɛwlɔ̃akɛ sɛ tɛ mɛŋã kabha tɛ ɛyɛkɛ kɛbhɛɛ gɛ ɛlɛ shu so pɛ Owusoso Akaa ekulu mɛ ɔvɛnɔ ititiɛ ɔmana Kristo Yesu mɛ.

Yohanes 1 3:22

asɛ bɔbà yɛkɛ kɛka nyia ka gɛ bubusì odenɔ yɛahɔɛ mɛ, ɔmɔsɛ bulũ batɔ̃ akɔ yɛɔsha pɛ bɔbhɛtɛ kɛgɛ kikù yɛawɔ nabha.

Efesoanɛ 4:1

Asɛ ɔɖavũ mɛ azazã ɔkɔ Apaleteɛ anaa, ɛkpalà ɔnɔ sɛ tɛ nɔzã nɛ ɛkpã nɔnɔ gɛ shɔnɔ tikukuluɔ gɛ nɔyɛkɛ nulũ.

Korintoanɛ 2 13:11

Otsi alɛ mɛ adzya alɛ, ɛshɛ mɔ̃ o. Nɔoɖi kɛgɛ bakɔ nɔbɔ pɛ ɔtɔɖɔ ɔkɔ, nɔolũ mɛibuiɛ gɛ ibisi denɔ wɔnɔ ɔkɔ, nɔzã ekpeɖekpeɖe tenikpo mɛ, nɔzã ishu yɔyɔ mɛ. Kɛlɛ Owusoso Akaa gɛ alɛ ɔkɔ tɛdɛdɛmɛ nɔ nɛ̀ ishu yɔyɔ mɛɛ abazã plɛnɔ wɔnɔ.

Korintoanɛ 1 15:58

Klisoɔ, mɛadzya alɛ mɔ, nɔzã gagalĩ. Nɔtɛkɔ kɛnanà tii wɔnɔ. Nɔlɔkɔ wɔnɔ ishu petee ɔkɔ Apalete nɛxɔ̃ɛ wɔawɔa, ɔmɔsɛ nɔonyi ɔsɛ wɔnɔ kɛxɔ̃ɛ wɔawɔa ɔkɔ Apaleteɛ tɛbàdzì kɛlɛɛ etee.

Tesalonikanɛ 2 3:1

Gɔgɔɛ nɔ, mɛadzya alɛ mɔ, nokulu Owusoso Akaa ɔkɔ ɔlɔ, sɛ tɛ Apaleteɛ nɛibuiɛ yì falanɔ nɛ tɛtsɛɖɛ bubu mɛ tɛ bakpɛ kɛtakpu esi akɔ ɛlɛ, asɛ kɛlɛ gɛ kɛlɛ wɔnɔ ɔkɔ ana.

Tesalonikanɛ 2 2:1

Nɛ Apalete Yesu tɛbaba nɛ̀ bɔlɔ tishoshogò nɛ̀ yɛishuɔ, bubisi wɔnɔ, badzya,

Koloseanɛ 2:6

Klisoɔ, asɛ kana gɛ nɔ yɛkɛ Yesu Kristo asɛ Apalete ana, nɔvɛ̀ ɛlɛ abha tɛ̀ nɔzã yɛ mɛ,

Filipianɛ 1:27

Kɛka nyia ka gɛzɛ ba ɛlɛ mɛ tsyɛ elo, nɔ nyanà ishu ovunɔ nɛ kidzo nɔnɔ abha gɛba shɔnɔ Kristo yɛibui gbangbã. Kɛlɛ edzì asɛ ɛba sɛ tɛ ɛmɔ ɔnɔ alo tɛ mɛilũ ɔnɔ ɔdɔ̃ nɛ kibeɛ gɛ ɛma wɔnɔ ɔbha tsyɛ elo, ɛbatì sɛ nɔodzi gagalĩi nɛ ɔfɔfuĩa tonikpo mɛ, pɛ nɔbɔ dɛ kɛxɔ̃ɛ asɛ anɔ tenikpo ɔkɔ kibui gbangbã abha tɛyɛyɛkɛŋã

Tesalonikanɛ 1 4:2

Ɔmɔsɛ nonyi ɔsha gɛ bɔkpɛ kɔ wɔnɔ gana Apalete Yesu ohumi nabha.

Korintoanɛ 2 5:9

Klisoɔ, kinu kibui gɛ bɔtɔɖɔ sɛ bɔpɛ sɛ tɛ buku yɛawɔ, gɛ onupɛ edzi asɛ bɔkpasɛ bɔpãlɛ ginu ishudzya alo onupɛ bɔma bɔlɛ mɛ tsyɛ.

Romanɛ 8:8

Bagɛ kanɔ alɛ mɛ ɛkpã gbana, batɛ balà eku Owusoso Akaa awɔ̃.

Hebrianɛ 13:22

Mɛadzya alɛ mɔ, ɛɛkpalà ɔnɔ gagalĩi sɛ tɛ nɔyɛkɛ uluhũɔ gɛihu kɔ ɔnɔ gana eplukpa gulũi alɛ gɛ ɛfɔnɔ sɛsɛ ɔnɔ mɛ.

Hebrianɛ 11:6

Kɛba gagalĩ sɛ tɛ oku Owusoso Akaa awɔ̃, onupɛ tɛyɛyɛkɛŋã ma wɔahɔɛ. Ɔmɔsɛ anɔ nyia anɔ gɛ aba yɛamɛɛ, kɛlɛ sɛ tɛ ayɛkɛ aŋã asɛ Owusoso Akaa alɛ, kɛlɛ abuia ɛbhɛ akɔ bagɛ apɛ yɛ nɛ̀ awuhũ dzadzã.

Efesoanɛ 5:17

Klisoɔ nɔotidzì bawɔaga, pɔ nɔolũ kɛgɛ Apaleteɛ apɛɛ asɛ ɔbhɛtɛ.

Efesoanɛ 4:20

Pɔ wɔnɔ xɔnɔ gɛ ba sɛ tɛ nɔotì Kristo nɛ kidzo ɛlɛ abha.

Korintoanɛ 2 10:1

Gana mɛishu esi zhizhinɔ nɛ Kristo mɛɛ, ibisi ɛlɛ denɔ wɔnɔ ahɔɛ mɛ, mɛ Paulo ɛbhɛtɛ ebui asɛ “anɔ gɛ esi kifú” nɛ wɔnɔ bamɛ pɔ ɛkpɛ kité gɛ onupɛ ɛlɛ kitsí nɛ wɔnɔ ɔbha.

Korintoanɛ 2 6:1

Asɛ Owusoso Akaa ɔhaxɔ̃ɛwɔa anaa, bɔkpalà wɔnɔ sɛ nɔtɛ yɛkɛ Owusoso Akaa tibhui bhuibuɔ asɛ kɛlɛ́ɛ mɛdɔ̃ ana.

Korintoanɛ 1 15:1

Klisoɔ otsiɛnɔ mɛadzya alɛ, ɛpɛsɛ bakà wɔnɔ nɛ kibui gbangbã gɛ ɛɖɔ tseɖe wɔnɔ shu, kibuiɛ gɛ nɔyɛkɛ pɛ nɔotsiɖi kɛlɛ abha.

Korintoanɛ 1 11:23

Ɔmɔsɛ kɛgɛ mɛ yɛkɛ odenɔ Apaleteɛ ɔkɔ mɛ ɛtsyɛ lɔkɔ kpɛ ahɔɛ ɛkɔ wɔnɔ. Elishi alɛ, gɛ bakpɛ Apalete Yesu ahɔɛ, alɔkɔ kifufulũ,

Banɔkpɛkpɛ Axɔ̃ɛ 20:27

Ɔmɔsɛ ɛgɛ yɔlɔ ebuiɛ petee gɛ Owusoso Akaa atɔɖɔ tɛɖɔɖɔ tseɖe wɔnɔ.

Timoteo 2 4:1

Nɛ Owusoso Akaa nɛ̀ Kristo Yesu amɛɛ, anunɔ gɛ yɛebè kulu kebhu nɛ̀ bagɛ alɛ nɛkpã nɛ betsitsiɛ, kɛlɛ nɛ yɛ tɛbaba nɛ yɛikusi ɔŋãkɔɔ, ɛkɔ wɔ ɔsha ɔlɛ sɛ,

Timoteo 1 5:21

Ɛlɛkɔ ɛlɛ kpɛ wɔahɔɛ sɛ, nɛ Owusoso Akaa nɛ̀ Kristo Yesu nɛ̀ baxɔ̃ɛdɛ namɛɛ, tɛ ɔnyana ebui alɛ mɛ ovunɔ banɔ amɛ maɖi maɖi, kɛlɛ tɛbhɛtɛ kɛnanà tsyɛ ɔlɔkɔ oku banɔ awɔ̃ nɔ.

Galatianɛ 6:1

Mɛadzya alɛ mɔ, onupɛ bevũ anɔ teli nɛ ebui kpa bhɛbhɛtɛ mɛɛ, wɔnɔ bagɛ ɔfɔfuĩa nɔ kpasɛ ɔnɔ mɛɛ, nɔohu buluhũ ɔkɔɛ nɛ kidzo gbangbã abha tɛ etsyina aba. Pɔ noɔlu awɔ̃ nɛishu, ɔsɛ tɛ wɔnɔ tsyɛ ɔtɛmɔ̃ tifefekeɖi ɛlɛ.

Tesalonikanɛ 1 5:12

Bɔlɔ adzya alɛ mɔ, otsiɛ alɛ bubisi denɔ wɔnɔ ɔkɔ ɔsɛ tɛ, nozhinɔ ishu esi ɔkɔ bagɛ awɔa axɔ̃ɛ gagalĩ nɛ wɔnɔɛshi, pɛ bagbanà nɔ nɛ Apalete nɛinye mɛ pɛ behu buluhũ akɔ ɔnɔ.

Tesalonikanɛ 2 3:13

Pɔ mɛadzya alɛ mɔ, wɔnɔ xɔnɔ, nɔtɛ mɔ ɔtɔ odenɔ kibui gbangbã tɛbhɛbhɛtɛ mɛ.