Tesalonikanɛ 1 3:5 - Nyangbo New Testament

⁵ Nɛ kibui ɛlɛshu, gɛ ɛzaka là zã kɛlɛ ulũ soɔ, ɛkpɛ banɔ sɛ tɛ̀ milũ wɔnɔ tɛyɛyɛkɛŋã shu ebuiɛ. Kifu ziyi mɛ sɛ nɛ kidzo tili abhaa, Satana gɛ efeke banɔ eɖiɛ ebe feke wɔnɔ kɛlɛ bɔlɔ katsɛɖɛ bubuɔ abawɔ kɛlɛ́ɛ mɛ.

Tesalonikanɛ 1 3:5 Referans Kwoze

Korintoanɛ 2 2:11

sɛ tɛ Satana atɛ bàwɔɛ wɔnɔ. Ɔmɔsɛ butinyi kɛgɛ yɛatɔɖɔɔ.

Filipianɛ 2:16

nɛ kana gɛ nɔnyanà ɛkpã mɛ ibuiɛ ovunɔɔ shu, sɛ tɛ ɛlà tũ ahɔɛ nɛitélũ nɛ Kristo kiwui nabha, sɛ ɛgɛ wɔa ɛxɔ̃ɛ alo ɛtɔ bɔwɔãa.

Efesoanɛ 4:14

Kɛlɛ bɔza kazã asɛ bunuvɔɛ ana, pɛ kɛlɛ́ɛ mɛɔdɔ̃ kakasɛ ka nyia ka ɛdi bazi fù ɔlɔ falanɔ ɔvɛnɔ ɛkɛlɛ ɔmana ɛkɛlɛ̀ nɛ̀ banɔdzyrame bɔshɛ nɛ̀ banɔ wɔɛwɔɛ edzoɔ gɛ batɔɖɔ eluɔ shu.

Galatianɛ 4:11

Isi ifu kɔ ɔnɔ, ɔsɛ ɔdɛ tsyɛ izĩ mɛibe nɛ wɔnɔ ɛtakpu.

Galatianɛ 2:2

Ɛdɛ ɛkɛlɛ nɛ kibui bubu kasɛ tili shu, kɛlɛ ɛɖɔ kibui gbangbã gɛitseɖe bagɛ etinu Yudanɛ tsyɛ tseɖe alɛ. Pɔ ɛbhɛtɛ ɛlɛ̀ ete ɔkɔ bagɛ alɛ otugbà ɔkɔ banunɔ, nɛ kifu sisí mɛ ɔsɛ ɛzɛdɛ kɛxɔ̃ɛ alo ɛkaadɛ ɛxɔ̃ɛ kpɛ ɛlɛɛ mɛ.

Korintoanɛ 1 7:5

Nɔtɛ lɔkɔ wɔnɔ ishu kanà bagɔlɔ, ɔdɛ sɛ nɔ tɔɖɔ kɛlɛ elú ana ɔkɔ kibè tili, sɛ tɛ nɔlɔkɔ wɔnɔshu ɔkɔ Owusoso Akaa tikukulu. Kɛlɛ nɔ bhɛtɛ tenikpo sɛ tɛ Satana atɛ ba efeke wɔnɔ eɖi sɛ gɛ nɔtɛɔ là wɔnɔ shu abha ŋã so.

Tesalonikanɛ 1 3:6

Pɔ otsi ko Timoteo ede wɔnɔ ɔkɔ aba bɔlɔ ɔbha, kɛlɛ amana bɔlɔ ɔklasɔ̃ gbangbã nɛ wɔnɔ tɛyɛyɛkɛŋã nɛ̀ tɛdɛdɛmɛ nɔ shu. Etseɖe bɔlɔ asɛ nɔkɔ baka ebui gbangbã nɛ bɔlɔ shu kɛlɛ nɔpɛ ɔsɛ tɛ nɔmɔ bɔlɔ, asɛ kana gɛ bɔlɔ tsyɛ pɛ sɛ tɛ bɔmɔ wɔnɔ ana.

Tesalonikanɛ 1 2:1

Mɛadzya alɛ, nɔonyi ɔsɛ wɔnɔ ɔkɔ tɛbaba dzi kibui gɛ shɔ̃.

Banɔkpɛkpɛ Axɔ̃ɛ 15:36

Kidegba, Paulo ebetseɖe Barnaba asɛ, “Kɔ butsyina ɔvɛ tɛ budiɖi bɔlɔ adzya alɛ nɛ ɛma mɛ gɛ bɔɖɔ Apalete nibuiɛ kana tɛ̀ buɖì kana gɛ balɛ.”

Korintoanɛ 2 6:1

Asɛ Owusoso Akaa ɔhaxɔ̃ɛwɔa anaa, bɔkpalà wɔnɔ sɛ nɔtɛ yɛkɛ Owusoso Akaa tibhui bhuibuɔ asɛ kɛlɛ́ɛ mɛdɔ̃ ana.

Filipianɛ 2:19

Ilù awɔ̃ nɛ Apalete Yesu abha sɛ ɛbàkpɛ Timoteo nɛ ɔnɔ ɔkɔ odunũ ɔlɛ, sɛ tɛ mɛtsyɛ mɔ same gɛ onupɛ ɛyɛkɛ ɔklasɔ̃ nɛ wɔnɔ shuɔ.