Tesalonikanɛ 1 3:10 - Nyangbo New Testament

¹⁰ Elishi nɛ̀ kemuze bukulu Owusoso Akaa gagalĩi sɛ tɛ̀ buwlui mɔ wɔnɔ sɛ tɛ bɔkɔ wɔnɔ kɛgɛ ma wɔnɔ ahɔɛ nɛ tɛyɛyɛkɛŋã mɛ.

Tesalonikanɛ 1 3:10 Referans Kwoze

Korintoanɛ 2 13:9

Same eku ɔlɔ gɛ onupɛ bubotsoɔ, pɔ wɔnɔ xɔnɔ ɔgagalĩ, kɛlɛ bɔlɔ Owusoso Akaa tikukulu lɛ ɔkɔ wɔnɔ tɛpɛpɛ̃.

Tesalonikanɛ 1 3:11

Otsiɛ nɔ tɛ̀ bɔlɔ Owusoso Akaa gɛenu Akaa nɛ̀ bɔlɔ Apalete Yesu adalɛ kidzoɔ mɛ akɔ ɔlɔ sɛ tɛ bɔbà wɔnɔ ɔbha.

Korintoanɛ 2 1:24

Gɛnɛ sɛ buutũ kɛlɛ kpɛ wɔnɔ ulũ ɔsɛ nɔyɛkɛ ɔŋã, pɔ bɔwɔa axɔ̃ɛ plɛnɔ wɔnɔ ɔkɔ wɔnɔ samè mɔmɔ, ɔmɔsɛ tɛyɛyɛkɛŋã kɛlɛ bakɔ ɔsɛ tɛ nɔzã gagalĩ.

Timoteo 2 1:3

Ihu Owusoso Akaa ahɔɛ, anɔ gɛ ɛkpɛ kɛtakpu esi ɔkɔ, asɛ kana gɛ mɛashuĩ alɛ abhɛtɛ, nɛ̀ ekpeɖekpeɖe dadalɛ mɛ, ɔmɔ asɛ kɛbakà gɛ ɛbakà wɔɛbui elishi nɛ̀ kemuze kibe nyia be nɛ mɛ Owusoso Akaa tikukulu mɛ.

Tesalonikanɛ 2 1:11

Gɛ kibui ɛlɛ kpasɛ bɔlɔ ekpeɖekpeɖeɛ mɛ soɔ, bukulu Owusoso Akaa nɛ wɔnɔ ɛtakpu kibè nyia bè, sɛ tɛ̀ bɔlɔ Owusoso Akaa ayɛkɛ wɔnɔ asɛ nɔna ɔkɔ yɛ tikukuluɔ, kɛlɛ nɛ yɛ ohumi nulũɔ, ababhɛtɛ tɔɖɔ wɔnɔ ebui gbangbã tɔtɔɖɔ nɛ̀ katsɛɖɛ bubu ka nyia ka gɛ wɔnɔ tɛyɛyɛkɛŋã kɔ nobuɔ nabha.

Filipianɛ 1:25

Gɛ ilũ kibui ɛlɛ esi soɔ, inyi sɛ ɛbazã ishupiɛ mɛ, kɛlɛ ɛbavɛ ɛlɛ abha plɛnɔ ɔnɔ petee nɛ ɔnɔ otugbà vɛvɛ nɛ̀ same mɔmɔ nɛ tɛyɛyɛkɛŋã mɛ,

Korintoanɛ 2 1:15

Kliso ɛyɛkɛ kɛlɛ abha ɔŋã, ɛtɔɖɔ ɛlɛ sɛ tɛ ɛbaɖí wɔnɔ putɔnɔ sɛ tɛ nɔmɔ ebui gbangbã taabha odenɔ kɛlɛ mɛ.

Banɔkpɛkpɛ Axɔ̃ɛ 26:7

Kibui tɔtɔɖɔlu ɛlɛ shù, bɔlɔ egbogbo lɔfɔ nɛ̀ taabha eɖì kidzo mɛ ɔsɛ kɛbà ba ɛlɛ mɛ sopɛ baakpɛ kɛtakpu esi akɔ Owusoso Akaa kemuze nɛ̀ elishi. O Ekusi, kibui ɛlɛ gɛ buɖì kidzo mɛ kɔ sopɛ Yudanɛ alɔkɔ kibui nɛ mɛishu.

Filimon 1:22

Kɛlɛ kibui tinikpo katɔ, woese befu ɔtsɛkɔ olú ɔkɔ mɛ, ɔmɔsɛ iɖi idzomɛ ɔsɛ ɛbà tsodzì bà wɔ ɔbha tɛ̀ Owusoso Akaa gɛ okuluɔ ba ɛlɛ mɛ.

Koloseanɛ 4:12

Epafrodito gɛenu Kristo Yesu yɛaxɔ̃ɛdɛ pɛ ede wɔnɔ mɛ tsyɛ asɛnɛ wɔnɔ. Alɔkɔ kemi kpɛkpɛ ekulu Owusoso Akaa nɛ wɔnɔ ɛtakpu kibe nyia be, sɛ tɛ nɔzã gagalĩ nɛ Owusoso Akaa tɛpɛpɛ ulũ, asɛ anɔ gɛ nɔoshè pɛ bayɛkɛ ɔnɔ abha aŋã ana.

Koloseanɛ 1:28

Bɔɖɔ yɛebuiɛ ɔkanà, kɛlɛ bɔlɔkɔ bubutì petee kpalà anɔ pɛ bɔkasɛ alɛ ɔdɔ̃, sɛ tɛ̀ bɔkɔ aka nyia aka ana nɛ Kristo mɛ.

Kibui Bubú Kasɛ 4:8

Bɔsɛ tuxlo zã bagã talɛ alɛ aka nyia aka shu, kɛlɛ awuhũ gelee azã balɛishu ɔkɔ nyia ɔkɔ, ɔlɔkɔ plɛnɔ bɔsɛ niesi tsyɛ. Kɛlɛ kibe nyiɛ be bazaɖɔ asɛ, “Tɛdadalɛ, tɛdadalɛ, tɛdadalɛ yɛenu Apalete Owusoso Akaa Ohumieleteɛ, gɛ atɛzã eɖi, pɛ alɛ, pɛ azabàbaa.”

Korintoanɛ 2 13:11

Otsi alɛ mɛ adzya alɛ, ɛshɛ mɔ̃ o. Nɔoɖi kɛgɛ bakɔ nɔbɔ pɛ ɔtɔɖɔ ɔkɔ, nɔolũ mɛibuiɛ gɛ ibisi denɔ wɔnɔ ɔkɔ, nɔzã ekpeɖekpeɖe tenikpo mɛ, nɔzã ishu yɔyɔ mɛ. Kɛlɛ Owusoso Akaa gɛ alɛ ɔkɔ tɛdɛdɛmɛ nɔ nɛ̀ ishu yɔyɔ mɛɛ abazã plɛnɔ wɔnɔ.

Kibui Bubú Kasɛ 7:15

Kliso pɛ, balɛ Owusoso Akaa ekusiegbuɔ otugbà pɛ badɛ yɛaxɔ̃ɛ nɛ yɛuvũɔ mɛ kemuze nɛ̀ elishi, kɛlɛ anunɔ gɛ edzi ekusiegbu nabha ebefe yɛpɔtɛ agba nɛ balɛ abha.