Tesalonikanɛ 1 2:6 - Nyangbo New Testament

⁶ Gɛnɛ banɔ tɛkpɛkpɛ nɛitití bɔpɛ odenɔ banɔ ɔkɔ, bɔtɛ pɛ ana odenɔ wɔnɔ, alo anɔ nanà tsyɛ ɔkɔ. Asɛ banɔkpɛkpɛ ana, tsyɛ alo bɔtadzì bɔtɔ kɔ wɔnɔ,

Tesalonikanɛ 1 2:6 Referans Kwoze

Galatianɛ 1:10

Banɔ mɛpɛ otsiɛ ɔsɛ baɖɔ atɔɖɔ mɛibuiɛ nabha pɛnɔsɛ Owusoso Akaa dza? Pɛnɔsɛ banɔ mɛpɛ ɔsɛ tɛ mɛiku alɛ awɔ̃ dza? Onupɛ ɛka pɛ ɔsɛ tɛ mɛiku banɔ awɔ̃ɔ, kɛlɛ ɛtɛ balà dzi axɔ̃ɛdɛ ɔkɔ Kristo.

Tesalonikanɛ 1 2:9

Mɛ adzya alɛ mɔ, kibui gbã, bɔtɔ nɛ ɛkpã zazãna gɛ gagalĩ ɔkɔ bɔlɔ, bɔwɔa axɔ̃ɛ elishi nɛ̀ kemuze sɛ tɛ butidzi bɔtɔ ɔkɔ ananà gɛ onupɛ bɔɖɔ Owusoso Akaa kibuiɛ tseɖe wɔnɔ.

Timoteo 1 5:17

Besheshèɛ gɛ beɖì ɔhaa nabha, kɛshɔnɔ ɔsɛ balɔkɔ kɛtakpu esi kpɛkpɛ gbangbã tili idi akɔ alɛ, asɛ banunɔ gɛ balɛxɔ̃ɛ wɔawɔa kɛlɛinu kibuiɛ tɛɖɔɖɔ nɛ̀ kɛlɛ tɛkakasɛ.

Galatianɛ 5:26

Nɔtɛ kɔ buzi feke ɔlɔ ishu, tɛ bɔzɛ kpɛ bagɔlɔ ɔmɔpɔɛ nɛ̀ awɔ̃.

Korintoanɛ 2 13:10

Kibui ɛlɛ shu so pɛ ɛfɔnɔ ebui alɛ kɔ wɔnɔ nɛ kibeɛ gɛ ɛma wɔnɔ ɔbha, sɛ tɛ onupɛ ɛbaa, ɛtɛba lɔkɔ ɔsha tũ kibui kpɛ kɔ wɔnɔ nɔ, ɔsha gɛ Apaleteɛ akɔ mɛ asɛ tɛ ɛlɔkɔ bhɔ wɔnɔ wunɔ kabha nɔ, gɛnɛ tɛ ɛlɔkɔ ɔlɛ zhini wɔnɔ kpɛ kesi nɔ.

Korintoanɛ 2 4:5

Ɔmɔsɛ anɛ bɔlɔ shu kibui bɔɖɔ, pɔ Yesu Kristoɔ bɔlɔ Apaleteɛ shu bɔɖɔ kaɖɔɔ, kɛlɛ budzi asɛ baxɔ̃ɛdɛ akɔ Yesu ana.

Korintoanɛ 1 11:9

kana bagɛ bhɛtɛ anyɛ tsyɛ akɔ adzɛ, pɔ adzɛ bahɛtɛ akɔ anɔnyɛ.

Galatianɛ 6:13

Bagɛ bebhui ahɔ̃a akɔ alɛ tsyɛ elo, batɛ abhɛtɛ atɔɖɔ ɔshaa nabha, pɔ bapɛ asɛ tɛ̀ bebhui kɛhɔ̃a akɔ ɔnɔ sɛ tɛ̀ betũ itelũ nɛ ɔnɔ ishu tɛlɔlɔkɔ kɔ alɛ sɛ bebhui kɛhɔ̃a akɔ ɔnɔ shu.