Tesalonikanɛ 1 2:5 - Nyangbo New Testament

⁵ Nɔonyi ɔsɛ bɔtɛ ɖɔ olugbũ mɛ dzyɛdzyɛ ebui, alo pɛ bukumu bɔdɔ̃ nɛ bamɛ asɛ tɛ bukpũ bɔlɔ ishu tɛpɛpɛ̃ɛ, Owusoso Akaa yɛenu agɛ yɛamɔ ebuiɛ aplɛnɔ bɔlɔ.

Tesalonikanɛ 1 2:5 Referans Kwoze

Korintoanɛ 2 12:17

Idzyini wɔnɔkpɛ gana banyɛ teli gɛ ɛkpɛ nɛ wɔnɔkɔ mɛ dza?

Romanɛ 1:9

Owusoso Akaa, anunɔ gɛ yɛaxɔ̃ɛ mɛdɛ nɛ̀ mɛitúɔ nyɔ̃ɔ nɛ Yɛeyi Nɛibui Gbangbã tɛɖɔɖɔ mɛɛ, yɛabà dalɛ mɛishu nɛ kɛbakà gɛ ɛbakà wɔnɔɛbui ibe nyiɛ beɛ

Banɔkpɛkpɛ Axɔ̃ɛ 20:33

Ɛgɛ dzã kiwuhũ nɛ ananà sikãfufù, alo sikãɛkpã alo bɔdɔ̃ kpɛkpɛ shu.

Galatianɛ 1:20

Ɛtɔɖɔ kɛklagbu nɛ̀ ɛlɛ abha kɔ ɔnɔ nɛ Owusoso Akaa namɛ ɔsɛ, kibuiɛ gɛ ɛfɔnɔ kɔ ɔnɔ, tinu kɛsɛnɛ ibui.

Petro 2 2:3

Nɛ balɛ awuhũ dzadzã nɛ bɔdɔ̃ shu soɔ, asɛnɛ badɔkasɛ alɛ abalɔkɔ alɛ ɛdzɛdzɛ gɛ bafatɛ zhinì wɔnɔ kpɛ nɔ. Balɛ ɛpɔ bubuɔ dzi po alɛ kukuku, kɛlɛ kɛgɛ bayì alɛ, lɛ nɛ̀ awɔ̃.

Petro 1 5:2

Nɔodzì ibhoshì agbagbana elete ɔkɔ Owusoso Akaa ibhoshiɛ gɛ bakpɛ nɛ wɔnɔ ahɔɛ, asɛ baxɔ̃ɛdɛ gɛeɖi bɔdɔ̃ abha ana, gɛnɛ sɛ kibui gɛ batɔɖɔ akɔ wɔnɔ, pɔ kibui gɛ nɔdɛmɛ ɔsɛ nɔbɔ bhɛtɛ̀ asɛ kana gɛ Owusoso Akaa apɛ asɛ nɔbhɛtɛ ɛlɛ ana, gɛnɛ tɛ̀ nɔpɛ ehoeyi ɔkɔ ishu, pɔ tɛ̀ nɔdɛmɛ ɔsɛ ɔbɔ ɔdɛ kɛxɔ̃ɛ,

Tito 1:7

Gɛ balɔkɔ Owusoso Akaa ɛxɔ̃ɛ akpɛ osofo ahɔɛ soɔ, kɛma sɛ tɛ bamɛ tsitsí ebui azã yɛishu-kɛma ɔsɛ tɛ eze feke yɛishu, etidzi anɔ gɛ akpɛ ɔmɔpɔɛ nɛ ebui mɛ, etidzi enuwɔ̃ɛ, etidzi ebelapɛ, etidzi anɔ gɛ apɛ kanɔ mɛ ɔdɔ̃ ɔgana kidzo kpa abha.

Tesalonikanɛ 1 2:10

Wɔnɔ onu bagɛ bazã pɛ bamɔ ebuiɛ alɛ, kana Owusoso Akaa tsyɛ, nɛ̀ kana gɛ bɔlɔ ishuɔ dalɛ, kibui gbangbã nɛ kɛpɔ maŋã maŋã gɛ bɔzã wɔnɔ bagɛ nɔyɛkɛŋã nɛishi.

Korintoanɛ 2 7:2

Nɔbhɛtɛ ɔzãkɔ ɔkɔ bɔlɔ nɛ wɔnɔ etúɔ mɛ. Bɔgɛ bhɛtɛ kibui kpa nɛ anɔ nanà shu, bugi tuturu ananà, bugi dzyini ananà tsyɛ ɔkpɛ.

Petro 2 2:18

Pɔ baaɖɔ kɛlɛ́ɛ mɛ ebui alɔkɔ ahɔɛ etũ etelũ nɔ, kɛlɛ balɔkɔ balɛ ishupiɛ nɛ̀ ebui kpa gɛ badɛmɛ nɔ, awɔɛ bagɛ akpɛ esi ebù tɛtsɛɖɛ̀ mɛ ashɛ nɛ bagɛ azanà ɛkpã kpa ɔbha.

Timoteo 1 3:8

Nɛidzo ɛlɛ nabha, ɔhamɛ ɛzãkɔ bhlui eleteɛ tsyɛ, kɛlɛ sɛ bedzi banyɛ gɛ badɛmɛ alɛ ibui, banɔ gɛ baɖɔ kibui gbã, batɛ lɔkɔ ishu ɔkpɛ bunu gbagbla tɛwɔɛwɔɛ mɛ, pɛ batɛ kpatɔnɔ bɔdɔ̃ pɛpɛ gana edzo kpa abha.

Timoteo 1 3:3

anɔ gɛ agɛ lɔkɔ yɛishu akɔ bunù gbagbla tɛwɔɛwɔɛ, etidzi agbagbà ebui bhɛbhɛtɛ elete pɔ edzì anɔ yɔyɔ, etidzi ebela pɛelete, pɛ adzã kiwuhũ nɛ ehoeyi shu.

Korintoanɛ 2 4:2

Pɔ, bɔtɛ badɛmɛ tɔɖɔ ebui kpukpũ nanà tɛɖɔɖɔ nɛ̀ awũi edzo abha, bɔgɛ lɔkɔ tɛwɔɛwɔɛ ebui, alo pɛ butsyina Owusoso Akaa yɛibuiɛ tũ. Pɔ nɛ kidzo ɛlɛ nabha, bɔlɔkɔ kibui gɛlɛ ɛlɛ ɔzãkɔ bɔlɔkɔ ɖɔ kitú mɛ kibui, nɛ Owusoso Akaa namɛ.

Korintoanɛ 2 2:17

Asɛ gɛ beteli abhɛtɛɛ, bɔlɔ xɔnɔɔ, bɔtɛwɔa Owusoso Akaa nɛxɔ̃ɛ tɛ̀ bɔlɔkɔ pɛ bɔdɔ̃ nɔ. Nɛ kidzo bhlatɔ abhaa, bɔɖɔ kibui gbã nɛ Kristo mɛ nɛ̀ Owusoso Akaa namɛ, asɛ banɔ gɛ bakpɛ odenɔ Owusoso Akaa ɔkɔ ana.

Romanɛ 16:18

Ɔmɔsɛ banɔ alɛ nɛidiɛ, anɛ bɔlɔ Apalete Kristo anɔkpɛkpɛ benu, balɛ evũ shu axɔ̃ɛ baadɛ. Balɔkɔ ebui dzyɛdzyɛ nɛ̀ banɔ balɛ enye kpɛkpɛ nɛitití, pɛ balɔkɔ awɔɛ banɔ gɛ batɛ abhɛtɛ ekpeɖekpeɖe mɛ nɛ kibuiɛ shuɔ nɔ.

Romanɛ 9:1

Ɛɖɔ kɛgɛ lɛ kɛlɛ ɔzãkɔ nɛ Kristo mɛgɛ ɛtɛsɛ asɛnɛ, mɛitú mɛ ebuiɛ atɔɖɔ ahɔɛ nɛ kɛlɛ abha nɛ Ɔfɔfuĩa Gbangbã mɛ.

Yuda 1:11

Aba gagalĩ akɔ alɛ! Balɔkɔ Kain idzoɔ, bebu tɛtsɛɖɛ mɛ avɛ̀ tɛ badɛ mɔ ɛdɔ̃ gɛmɔ tɔɖɔ odenɔ Baalam kesi tata mɛ, beyì alɛ nɛ Korax kititì lɔlɔ mɛ.