Tesalonikanɛ 1 2:2 - Nyangbo New Testament

² Bɔtɛ mɔ bɔtɔ bafalanɔ pɛ bazakwala bɔlɔ nɛ Filipi, asɛ gɛ nonyi ana, pɔ nɛ bɔlɔ Owusoso Akaa anɔ tɛpɛplɛnɔ mɛɛ, bɔkpɛ kité pɛ ɖɔ yɛibuiɛ tseɖe wɔnɔ nɛ kititì lɔlɔ gagalĩ ɛlɛ mɛ tsyɛ.

Tesalonikanɛ 1 2:2 Referans Kwoze

Banɔkpɛkpɛ Axɔ̃ɛ 4:13

Gɛ bamɔ kitèkpɛkpɛ nɛ Petro nɛ̀ Yohanes mɛ pɛ bamɔ asɛ betinu buplukpaeleteɛ, pɔ banɔ etee ko benuɔ, kɛbhɛtɛ balɛibi kɛlɛ babakà asɛ banɔ alɛ azã aplɛnɔ Yesu.

Timoteo 2 1:12

Kliso pɛ ɛmɔ bɔtɔ ɔlɛ asɛ gɛ ɛmɔ ana. Pɔ kiwũi tiyi mɛ, ɔmɔsɛ inyi anunɔ gɛ yɛabha mɛyɛkɛŋã, kɛlɛ ɛyɛkɛŋã sɛ abalà anyanã kibuiɛ gɛ ɛkpɛ yɛahɔɛ ovunɔ ɔvɛnɔ kiwui ɛlɛ nabha.

Banɔkpɛkpɛ Axɔ̃ɛ 16:37

Pɔ Paulo etseɖe banɔ gbagbla asɛ, “Behuisi bɔlɔ nɛ kɛtsalɛ mɛ pɛ bakpɛ bɔlɔ nɛ ɔɖavũmɛ, bunu Romanɛ, pɔ begikulu kebhu nɛ̀ bɔlɔ. Kɛlɛ otsi bapɛ asɛ tɛ̀ bashɛnɛ ahɔɛ nɛ bɔlɔ shu nɛ tikpukpũ mɛ dzã? Ao! Nɔkɔ baba ɛkɛlɛ tɛ̀ bebebú bɔlɔ eyinɔ nɛ ɔma mɛ.”

Tesalonikanɛ 1 1:5

ɔmɔsɛ bɔlɔ ibui gbangbã ba wɔnɔ ɔkɔ anɛ nɛ kaɖɔ bhlui ete, pɔ nɛ̀ ohumi, ɔlɔkɔ plɛnɔ Ɔfɔfuĩa Gbangbã nɛ̀ ebuesilulũ gɛ alɛ mɛ edzuɔ. Nonyi kanà gɛ bɔzã wɔnɔɛshi nɛ wɔnɔ ɛtakpu.

Koloseanɛ 2:1

Ɛpɛ sɛ nɔotì kana gɛ ɛwlɔãkɛ ɔkɔ ɔnɔ nɛ̀ bagɛ alɛ Ladokia nɔ, nɛ̀ banɔ nɔ petee gɛ akamɔ mɛ eɖiɛ.

Banɔkpɛkpɛ Axɔ̃ɛ 17:17

Kliso ababhɛtɛ ekpeɖekpeɖe mɛ nɛ̀ Yudanɛ nɛ ɔtsyɔakɔ. Ɔplɛnɔ Helanɛ gɛesi Owusoso Akaa nifùɔ nɛ̀ bagɛ azã budziɛ mɛ kiwui nyiɛ wui ɔlɔkɔ nɛ̀ bagɛ alɛ ɛkɛlɛ.

Banɔkpɛkpɛ Axɔ̃ɛ 14:3

Kliso Paulo nɛ̀ Barnaba azã ɛkɛlɛ nɛ ewui gele mɛ, pɛ bazaɖɔaɖɔ nɛ Apaleteɛ shu nɛ̀ ohumi. Kɛlɛ Apaleteɛ akɔ bamɔ yɛ tibhui bhuibu ibuiɛ ɔganà atsyindzye nɛ̀ ebui gɛ abhɛtɛ ibi gɛ akɔ babhɛtɛ mɛ.

Banɔkpɛkpɛ Axɔ̃ɛ 5:41

Banɔkpɛkpɛ ashɛ nɛ kebhu okulukɔ nɛ̀ same, ɔmɔsɛ bakalà balɛ asɛ banɔ gɛ bashɔnɔ asɛ bamɔ bɔtɔ nɛ̀ awuĩ nɛ Yesu yɛinyeɛ nɛ takpu.

Banɔkpɛkpɛ Axɔ̃ɛ 4:31

Gɛ bekulu Owusoso Akaa ebekeɛ, ɛkɛlɛ gɛ beshogò azã oshukù. Kɛlɛ Ɔfɔfuĩa Gbangbã oyuku balɛ petee mɛ kɛlɛ baɖɔ Owusoso Akaa nɛibuiɛ nɛ bupù hohoe mɛ.

Banɔkpɛkpɛ Axɔ̃ɛ 4:20

Pɔ, bɔtɛ balà yɔlɔ kaɖɔɖɔɖɔ nɛ agɛ alɛ bɔmɔ pɛ buluɔ̃ shu.”

Yuda 1:3

Mɛbhia alɛ gɛ ɛdɛmɛ nɔ, gɛ kinù mɛ same ɔsɛ tɛ̀ mɛ fɔnɔ keplukpa akɔ ɔnɔ nɛ tibubuɔ gɛ bɔmɔ̃ shu tsyɛɛ, ɛmɔsɛ kɛlɛ ɔsɛ mɛ fɔnɔ keplukpa akɔ wɔnɔ tɛ̀ ɛlɔkɔ kpalà wɔnɔ ɔsɛ tɛ nɔkɔ tɛyɛyɛkɛŋã gɛ balɔkɔ akpɛ ahɔɛ akɔ bayɛyɛkɛŋã ku balɛ awɔ̃.

Banɔkpɛkpɛ Axɔ̃ɛ 19:8

Paulo etsoku ɔtsyɔakɔ pɛ aɖɔaɖɔ nɛ bupù mɛ nɛ ɛkɛlɛ bewoele tata mɛ pɛ ezebu ebui mɛ ɔkɔ alɛ nɛ Owusoso Akaa bukusiŋaŋã shu.

Banɔkpɛkpɛ Axɔ̃ɛ 16:12

Denɔ ɛkɛlɛ bɔgã kidzo ɔvɛ Filipi gɛenu Romanɛ kesiakpa abha ɔma gbagbla ɔdɛ nɛ Makedonia bɔdɔ̃ mɛ. Kɛlɛ bɔzã ɛkɛlɛ ewui gelee.

Banɔkpɛkpɛ Axɔ̃ɛ 14:5

Kibui kpa tɔtɔɖɔ zã Yudanɛ nɛ̀ bagɛ betinu Yudanɛ ɔlɔkɔ ɔplɛnɔ balɛ besheshèɛ teli mɛ, tɛ bakpɛ balɛ bɔtɔ̀ tɛ behu alɛ aklagbu.

Banɔkpɛkpɛ Axɔ̃ɛ 16:19

Kibeɛ gɛ adzɛnuvɔɛ dzidzì alɛ yɛapalete alɛ amɔ asɛ, ɛkɛlɛ gɛ bagã amɔ ehoeyiɛ ozĩɛɛ, bevũ Paulo nɛ̀ Sila avɛnɔ balɛ kedziɛ mɛ tɛ̀ badɛtsyɔa nɛ̀ ɔshaeleteɛ.

Banɔkpɛkpɛ Axɔ̃ɛ 17:1

Gɛ bagã edi yi nɛ Amfipoli nɛ̀ Apolonia nɔ, bebe yi nɛ Tesalonika, ɛkɛlɛ Yudanɛ ɔtsyɔakɔ toli ɔzã.

Romanɛ 1:1

Mɛ Paulo, Kristo Yesu yɛaxɔ̃ɛdɛ gɛ bekulu asɛ tɛ edzi anɔkpɛkpɛ, pɛ bebu elu akɔ Owusoso Akaa Ibui Gbangbã.

Korintoanɛ 2 3:12

Kliso gɛ buɖi kidzo mɛ ɔkɔ ebui alɛ, kifù tiyi bɔlɔ.