Tesalonikanɛ 1 2:1 - Nyangbo New Testament

¹ Mɛadzya alɛ, nɔonyi ɔsɛ wɔnɔ ɔkɔ tɛbaba dzi kibui gɛ shɔ̃.

Tesalonikanɛ 1 2:1 Referans Kwoze

Tesalonikanɛ 2 3:1

Gɔgɔɛ nɔ, mɛadzya alɛ mɔ, nokulu Owusoso Akaa ɔkɔ ɔlɔ, sɛ tɛ Apaleteɛ nɛibuiɛ yì falanɔ nɛ tɛtsɛɖɛ bubu mɛ tɛ bakpɛ kɛtakpu esi akɔ ɛlɛ, asɛ kɛlɛ gɛ kɛlɛ wɔnɔ ɔkɔ ana.

Tesalonikanɛ 1 2:13

Kɛlɛ butsiɖi ɛlɛ abha hu Owusoso Akaa ahɔɛ kibe nyia be, ɔmɔsɛ gɛ nɔyɛkɛ Owusoso Akaa nɛibuiɛ, kibuiɛ gɛ nolũ odenɔ bɔlɔ ɔkɔɔ, nɔgɛ yɛkɛ ɛlɛ asɛ banɔdzyrame ɛbui kinu, pɔ asɛ kana gɛ kɛlɛ nulũ, Owusoso Akaa nɛibuiɛ gɛ ɛwɔa kɛxɔ̃ɛ nɛ wɔnɔ bagɛ nɔyɛkɛŋã mɛ.

Filipianɛ 2:16

nɛ kana gɛ nɔnyanà ɛkpã mɛ ibuiɛ ovunɔɔ shu, sɛ tɛ ɛlà tũ ahɔɛ nɛitélũ nɛ Kristo kiwui nabha, sɛ ɛgɛ wɔa ɛxɔ̃ɛ alo ɛtɔ bɔwɔãa.

Korintoanɛ 1 15:58

Klisoɔ, mɛadzya alɛ mɔ, nɔzã gagalĩ. Nɔtɛkɔ kɛnanà tii wɔnɔ. Nɔlɔkɔ wɔnɔ ishu petee ɔkɔ Apalete nɛxɔ̃ɛ wɔawɔa, ɔmɔsɛ nɔonyi ɔsɛ wɔnɔ kɛxɔ̃ɛ wɔawɔa ɔkɔ Apaleteɛ tɛbàdzì kɛlɛɛ etee.

Korintoanɛ 1 15:2

Ɔgana kibui gbangbã ɛlɛ mɛ bebú wɔnɔ ɛkpã, gɛ onupɛ nɔnyanã kibuiɛ gɛ itseɖe wɔnɔ mɛ vunɔ gagalĩ. Onu gɛnanaa, wɔnɔ tɛyɛyɛkɛŋã ma kɛnanà mɛ.

Tesalonikanɛ 1 3:5

Nɛ kibui ɛlɛshu, gɛ ɛzaka là zã kɛlɛ ulũ soɔ, ɛkpɛ banɔ sɛ tɛ̀ milũ wɔnɔ tɛyɛyɛkɛŋã shu ebuiɛ. Kifu ziyi mɛ sɛ nɛ kidzo tili abhaa, Satana gɛ efeke banɔ eɖiɛ ebe feke wɔnɔ kɛlɛ bɔlɔ katsɛɖɛ bubuɔ abawɔ kɛlɛ́ɛ mɛ.

Galatianɛ 4:11

Isi ifu kɔ ɔnɔ, ɔsɛ ɔdɛ tsyɛ izĩ mɛibe nɛ wɔnɔ ɛtakpu.

Galatianɛ 2:2

Ɛdɛ ɛkɛlɛ nɛ kibui bubu kasɛ tili shu, kɛlɛ ɛɖɔ kibui gbangbã gɛitseɖe bagɛ etinu Yudanɛ tsyɛ tseɖe alɛ. Pɔ ɛbhɛtɛ ɛlɛ̀ ete ɔkɔ bagɛ alɛ otugbà ɔkɔ banunɔ, nɛ kifu sisí mɛ ɔsɛ ɛzɛdɛ kɛxɔ̃ɛ alo ɛkaadɛ ɛxɔ̃ɛ kpɛ ɛlɛɛ mɛ.

Korintoanɛ 2 6:1

Asɛ Owusoso Akaa ɔhaxɔ̃ɛwɔa anaa, bɔkpalà wɔnɔ sɛ nɔtɛ yɛkɛ Owusoso Akaa tibhui bhuibuɔ asɛ kɛlɛ́ɛ mɛdɔ̃ ana.

Korintoanɛ 1 15:10

Pɔ nɛ kana gɛ Owusoso Akaa ebhui mɛ ebuɔ shu soɔ, idzi kɛdɔ̃ nɔnɔ gɛ kɛlɛ mɛinu oboɔ, kɛlɛ yɛ tibhui bhuibuɔ wɔa axɔ̃ɛ. Oo, ɛwɔa axɔ̃ɛ gagalĩ ɔdɛ balɛ petee, pɔ gɛnɛ mɛ, Owusoso Akaa tibhui bhuibuɔ kɛlɛ zã ɔplɛnɔ mɛ so.

Tesalonikanɛ 2 1:10

nɛ kiwui ɛlɛ nabha gɛ ababaa sɛ tɛ badalɛ yɛishu nɛ yɛ banɔ dadalɛ nɛishiɛ, nɛ̀ tɛ yɛibui bhɛtɛ bagɛ ayɛkɛ yɛabha ŋã pete nɛibì. Wɔnɔ tsyɛ ɔkpasɛ ɛlɛ mɛ, ɔmɔsɛ nɔyɛkɛ kibuiɛ gɛ bɔmɔlú pɛ butseɖe wɔnɔ nabha ɔŋã.