Tesalonikanɛ 1 1:3 - Nyangbo New Testament

³ Butsiɖi ɛlɛ abha bakà wɔnɔ nɛ bɔlɔ Owusoso Akaa namɛ, anɔ gɛenu bɔlɔ Akaa nɛ wɔnɔ kɛxɔ̃ɛ wɔawɔa gɛ mana tɛyɛyɛkɛŋã shu, wɔnɔ bɔtɔ mana tɛdɛdɛmɛ nɔ, nɛ̀ wɔnɔ kemi kpɛkpɛ gɛ mana ohumi kpɛkpɛ nɛ bɔlɔ Apalete Yesu Kristo mɛ.

Tesalonikanɛ 1 1:3 Referans Kwoze

Korintoanɛ 1 13:13

Kliso otsiɛ nɔ ebui tatá alɛ alalɛ, tɛyɛyɛkɛŋã, kidzo mɛɖiɖi nɛ̀ tɛdɛdɛmɛ nɔ. Pɔ kɛgɛ gbogbolo ɔdɛ nɛ alɛ nɛishiɛ kɛlɛinu tɛdɛdɛmɛ nɔ.

Kibui Bubú Kasɛ 2:19

Inyi ebuiɛ gɛ ɔbhɛtɛ, wɔtɛdɛdɛmɛ nɔ nɛ̀ tɛyɛyɛkɛŋã, wɔaxɔ̃ɛ dɛdɛ nɛ̀ wɔemi kpɛkpɛ, kɛlɛ ɔwɔa axɔ̃ɛ otsiɛ, ɔdɛ kuku ibeɛ.

Galatianɛ 5:6

Ɔmɔsɛ nɛ Kristoɔ Yesu mɛɛ, kɛnanà ma kɛhɔ̃a bhui bhui alo kɛhɔ̃a mabhui mabhui mɛ. Kɛgɛ ɛlɛ sɛ beɖiɛ kɛlɛinu tɛyɛyɛkɛŋã gɛibu ishu kasɛ ɔgana tɛdɛdɛmɛ nɔ mɛ.

Tesalonikanɛ 2 1:11

Gɛ kibui ɛlɛ kpasɛ bɔlɔ ekpeɖekpeɖeɛ mɛ soɔ, bukulu Owusoso Akaa nɛ wɔnɔ ɛtakpu kibè nyia bè, sɛ tɛ̀ bɔlɔ Owusoso Akaa ayɛkɛ wɔnɔ asɛ nɔna ɔkɔ yɛ tikukuluɔ, kɛlɛ nɛ yɛ ohumi nulũɔ, ababhɛtɛ tɔɖɔ wɔnɔ ebui gbangbã tɔtɔɖɔ nɛ̀ katsɛɖɛ bubu ka nyia ka gɛ wɔnɔ tɛyɛyɛkɛŋã kɔ nobuɔ nabha.

Yohanes 1 5:3

Tɛdɛdɛmɛ nɔ ɔkɔ Owusoso Akaa kɛlɛinu ɔsɛ̀, tɛ bɔbhɛtɛ̀ tɔɖɔ yɛɔshaa nabha. Kɛlɛ yɛɔshaa tsyɛ gɛ gagalĩ,

Galatianɛ 6:9

Kliso nɔtɛ kɔ bubotsò nɛ kibui gbangbã bhɛbhɛtɛ shu, ɔmɔsɛ kibè lɛ ɛbà gɛ bɔbà pɔ̃ bɔdɔ̃ gɛ onupɛ bɔgɛ shɛnɛ ahɔɛ nɛ kibui gbangbã bhɛbhɛtɛ shuɔ.

Romanɛ 15:13

Owusoso Akaa nabha gɛ nolu awɔ̃ akɔ asɛ tɛ same nɛ̀ ishu yɔyɔ yuku unɔ ɔgana Ɔfɔfuĩa Gbangbã ohumi nɔ mɛ.

Yohanes 1 3:3

Anunɔ gɛ eɖì idzomɛ akɔ yɛɛ adalɛ yɛishu, asɛ kana gɛ yɛishuɔ dalɛ ana.

Tesalonikanɛ 1 3:6

Pɔ otsi ko Timoteo ede wɔnɔ ɔkɔ aba bɔlɔ ɔbha, kɛlɛ amana bɔlɔ ɔklasɔ̃ gbangbã nɛ wɔnɔ tɛyɛyɛkɛŋã nɛ̀ tɛdɛdɛmɛ nɔ shu. Etseɖe bɔlɔ asɛ nɔkɔ baka ebui gbangbã nɛ bɔlɔ shu kɛlɛ nɔpɛ ɔsɛ tɛ nɔmɔ bɔlɔ, asɛ kana gɛ bɔlɔ tsyɛ pɛ sɛ tɛ bɔmɔ wɔnɔ ana.

Yohanes 1 3:18

Mɛeyi alɛ gɛ ɛdɛmɛ nɔ, nɔtɛkɔ bɔlɔkɔ kineke lɔkɔ dɛmɛ nɛ anɔ nɔ, pɔ nɔkɔ bɔlɔkɔ ɔlɔ ebui bhɛbhɛtɛ nɛ̀ kibui gbã builɛ ɔkasɛ.

Hebrianɛ 10:36

Nɔkpɛ emi, pɛ nɔbhɛtɛ nɛ Owusoso Akaa yɛtɛtɔtɔɖɔ lu abhaa, nɔbɔ yɛkɛ kɛgɛ atɔɖɔ elu asɛ abakɔ ɔnɔɔ.

Korintoanɛ 1 15:58

Klisoɔ, mɛadzya alɛ mɔ, nɔzã gagalĩ. Nɔtɛkɔ kɛnanà tii wɔnɔ. Nɔlɔkɔ wɔnɔ ishu petee ɔkɔ Apalete nɛxɔ̃ɛ wɔawɔa, ɔmɔsɛ nɔonyi ɔsɛ wɔnɔ kɛxɔ̃ɛ wɔawɔa ɔkɔ Apaleteɛ tɛbàdzì kɛlɛɛ etee.

Tesalonikanɛ 2 1:3

Mɛadzya alɛ mɔ, kɛlɛ sɛ tɛ buhu Owusoso Akaa ahɔɛ kibe nyia be ɔkɔ wɔnɔ, kɛpɛ ana, ɔmɔsɛ gɛ wɔnɔ tɛyɛyɛkɛŋã kpe tɔɖɔ soɔ, tɛdɛdɛmɛ nɔ gɛ kpasɛ wɔnɔ mɛ ɔkɔ bagɔlɔ tsyɛ kpe tɔɖɔ.

Yohanes 1 3:21

Mɛbhia alɛ gɛ ɛdɛmɛ nɔ, onupɛ bɔlɔ etúɔ etiebu ɔlɔ ɛpɔɔ, kɛlɛ́ bulu awɔ̃ nɛ bɔlɔ Owusoso Akaa nabha

Petro 1 3:4

Pɔ nɔkɔ wɔnɔ bubite yiyìɛ dè kitúɔ mɛ, bubite yiyiɛ gɛ bɔtɛ balà bele gɛide ɔfɔfuĩa nɔ gɛɔtɔ ɖɔaɖɔ mɛ̀ pɛ lɔtɛ ɖɔaɖɔ mɛ, gɛ kɛyɛkɛ kedzì hohoe nɛ Owusoso Akaa namɛ.

Hebrianɛ 11:17

Nɛ tɛyɛyɛkɛŋã mɛɛ, gɛ Owusoso Akaa efeke Abraham eɖiɛ, alɔkɔ Isak akɔ, asɛ ɔdɔ̃ pɔpɔɛ ana. Gɛ yɛenu anunɔ gɛ batɔɖɔ tɛtɔtɔɖɔ ɛlɛ elu akɔ tsyɛ elo, adɛmɛ alɔkɔ eyiɛ gɛenu yɛeyianyɛ tenikpo nɔ asɛ ɔdɔ̃ pɔpɔɛ,

Hebrianɛ 6:15

So gɛ Abraham adɔ fɔ̃ pɛ epoɔ, abayɛkɛ kɛgɛ batɔɖɔ eluɔ.

Timoteo 1 2:3

Kibui ɛlɛ pɛ̃, gɛ kiku Owusoso Akaa gɛ ebu ɔlɔ awɔ̃,

Galatianɛ 5:13

Mɛadzya alɛ mɔ, bekulu ɔnɔ asɛ nɔzã ishu ahɔɛ mɛ. Pɔ nɔtɛ lɔkɔ ɔnɔ ishu ahɔɛ mɛ zazãa lɔkɔ ɔgana kibui kpa bhɛbhɛtɛ mɛ, pɔ nɔplɛnɔ agɔlɔ nɛ tɛdɛdɛmɛ nɔ mɛ.

Galatianɛ 1:4

anɔ gɛ alɔkɔ yɛishu akɔ nɛ bɔlɔ ibui kpa nɛtakpu, ɔsɛ tɛ ebu ɔlɔ odenɔ obo kanɔ alɛ ebui kpa bhɛbhɛtɛ mɛ, nɛ tɛtɔtɔɖɔ gɛide Owusoso Akaa gɛenu bɔlɔ Akaa ɔkɔ,

Romanɛ 16:6

Sɛnɔ Maria, gɛ edzi anunɔ gɛ azawɔa axɔ̃ɛ nɛ̀ kemikpɛkpɛ akɔ ɔnɔ.

Romanɛ 15:4

Ɔmɔsɛ Owusoso Akaa yɛibui ka nyia ka gɛ bafɔnɔ elu nɛ kibeliɛɛ, bafɔnɔ kɛlɛ elu asɛ tɛ kɛkasɛ ɔlɔ bɔdɔ̃, sɛ tɛ gana kitèkpɛkpɛ nɛ̀ kemikpɛkpɛ mɛɛ, tɛ bɔyɛkɛ kɛgɛ ɛlɛ idzo mɛ buɖi nabha ɔŋã.

Romanɛ 12:12

Awɔ̃ lulu azã wɔnɔ same mɔmɔ mɛ, tɛdɔdɔ fɔ̃ɔ nɛ banɔ luhũ ikpɛ ibe, nɔlɔkɔ tɛyɛyɛkɛŋã okulu Akaa nɔ.

Romanɛ 2:7

Bagɛ gana balɛ emi kpɛkpɛ mɛ pɛ baabhɛtɛ ebui gbangbã, pɛ bazapɛɛ inye gbangbã nɛ̀ bobo akɔ Owusoso Akaa, pɛ bazapɛ asɛ tɛ bazã nɛ̀ ɛkpã ɖaa nɔ, abakɔ alɛ ɛkpã tihɔɔ.

Banɔkpɛkpɛ Axɔ̃ɛ 10:31

Kɛlɛ aɖɔ asɛ, ‘Kornelio, Owusoso Akaa elũ wɔ tikukuluɔ gɛ okulu yɛ, kɛlɛ abakà ɛyamɛ gbangbã gɛ ɔbhɛtɛ ɔkɔ betsyuitsyuiɛ.

Banɔkpɛkpɛ Axɔ̃ɛ 3:19

Klisoɔ, notsyina etúɔ mɛ, tɛ notsyina ɔvɛ Owusoso Akaa ɔkɔ ɔsɛ tɛ beplu wɔnɔ ebui kpa, ɔmɔsɛ kibe ɛlɛ ɛkpã vɔvɔ titsyitsyina badɛ Apaleteɛ ɔkɔ ɔba.

Hebrianɛ 13:21

alɔkɔ ɔdɔ̃ gbangbã ka nyia ka idi akɔ ɔnɔ sɛ tɛ nɔbhɛtɛ nɛ yɛibui tɔtɔɖɔ nabha, tɛ abhɛtɛ kɛgiku yɛawɔ̃ nɛ bɔlɔ mɛ ɔgana Yesu Kristo abha. Yɛyɛ́ kɛlinu ishu dadalɛ odenɔ otsiɛ ɔvɛnɔ tihɔ, tihɔ. Amen.

Hebrianɛ 4:11

Kliso nɔkɔ bɔkpɛ emi ka nyia ka idi sɛ tɛ butsoku omoelekɔ ɔlɛ, sɛ tɛ anɔ nanà atɛ gagalĩ atɔ̃ tɛ abadɔ oboe asɛ alɛ ana.

Korintoanɛ 2 2:17

Asɛ gɛ beteli abhɛtɛɛ, bɔlɔ xɔnɔɔ, bɔtɛwɔa Owusoso Akaa nɛxɔ̃ɛ tɛ̀ bɔlɔkɔ pɛ bɔdɔ̃ nɔ. Nɛ kidzo bhlatɔ abhaa, bɔɖɔ kibui gbã nɛ Kristo mɛ nɛ̀ Owusoso Akaa namɛ, asɛ banɔ gɛ bakpɛ odenɔ Owusoso Akaa ɔkɔ ana.

Romanɛ 16:26

pɔ otsi alɛ bebu alɛ akasɛ, kɛlɛ buti alɛ ɔgana ebuiɖɔluanɛ ebui fɔfɔnɔ luɔ mɛ, nɛ̀ ɔgana ɔsha gɛ Owusoso Akaa akɔɔ mɛ, sɛ tɛ ɛmadiɛ pete bayɛkɛ aŋã, kɛlɛ tɛ belũ batɔ̃ɔ akɔɛ,

Kibui Bubú Kasɛ 3:10

Gɛ ɔkpɛ emi olu itú esi pɛ ɔbhɛtɛ mɛɔsha nabha soɔ, mɛ tsyɛ ɛbabu wɔ odenɔ tifefekeɖi ibe gagalĩɛ gɛbàba kanɔ nɔ̀ mɛ pete abhaa mɛ, sɛ tɛ befeke bagɛ alɛ kanɔ nɔ̀ mɛɛ eɖiɛ.

Timoteo 1 1:14

Apaleteɛ akɔ mɛ yɛ tibhui bhuibuɔ nɛ tikpekpe mɛ, ɔlɔkɔ plɛnɔ tɛyɛyɛkɛŋã nɛ̀ tɛdɛdɛmɛ nɔ gɛ kɛkpasɛ Kristo Yesu mɛ.