Tesalonikanɛ 1 1:10 - Nyangbo New Testament

¹⁰ nɛ tɛ buupo Yɛeyianyɛ gɛ ede kititiɛ anɔ gɛ anyɛmɛ edenɔ bekpuɔ mɛ, Yesu, gɛ ayɛkɛ bɔlɔ edenɔ ɔmɔpɔɛ nɔ gɛ lɔbaa shu.

Tesalonikanɛ 1 1:10 Referans Kwoze

Tesalonikanɛ 1 5:9

Ɔmɔsɛ Owusoso Akaa egi bu ɔlɔ asɛ tɛ bɔtɔ nɛ ɔmɔpɔɛ esi, pɔ tɛ bɔyɛkɛ tibubu ɔgana Apalete Yesu Kristo abha.

Banɔkpɛkpɛ Axɔ̃ɛ 2:24

Pɔ Owusoso Akaa efeke yɛ odenɔ bekpuɔ mɛ, kɛlɛ ebui aganà butsíɛ bɔlɛ bɔtɔ mɔmɔ mɛ, ɔmɔsɛ butsí gɛmɔ kidzo tɛ bɔkɔ yɛawɔ bɔlɛ ahɔɛ mɛ.

Petro 1 3:18

Ɔmɔsɛ Kristo etsí butsì tunikpo akɔ ɔlɔ ebui kpa, anɔ gbangbã ebetsí akɔ ebui kpa bhɛbhɛtɛ eleteɛ sɛ tɛ̀ agbanà wɔnɔ amana Owusoso Akaa ɔkɔ. Beyíi nɛ ishudzya mɛ, pɔ ɔfɔfuĩa nɔ ɔkɔ yɛazã nɛ ɛkpã,

Petro 1 1:3

Bɔkpɛ Owusoso Akaa gɛenu Akaa ɔkɔ bɔlɔ Apalete Yesu Kristo nɛinyè nɛitití! Nɛ yɛ ashagabui ɖiɖi gbagbla mɛɛ, akɔ bedzinì ɔlɔ amɔ̃ avɔvɔ akpɛ ɛkpã gɛ buɖì kidzo mɛ ɔkɔ ɔgana Yesu Kristo yɛ tɛlɔlɔ odenɔ bekpuɔ mɛ,

Hebrianɛ 9:28

kliso Kristo alɔkɔ yɛishu akɔ nɛ kibe tinikpo mɛ, sɛ tɛ ebu banɔ gelee ebui kpa atɛ, kɛlɛ azababa bɔbhalà, anɛ ɔlɔ ebui kpa tɛyɛyɛkɛ so pɛ azababa, pɔ ababá sɛ tɛ ebu bagɛ belu awɔ̃ nɛ yɛtɛbabá nabhaa.

Romanɛ 4:25

Balɔkɔɛ akpɛ ahɔɛ akɔ butsi nɛ bɔlɔ ebui kpa ɛtakpu, pɔ Kitití ayɛ akɔ yɛalɔ nɛ bekpuɔ mɛ, sɛ tɛ balɔkɔ bɔlɔ asɛ bunu banɔ gbangbã.

Petro 1 1:21

Gana yɛabha nɔyɛkɛ Owusoso Akaa nabha ɔŋã, anɔ gɛ yɛefeke yɛedenɔ bekpuɔ mɛ pɛ akɔ yɛ ishu dadalɛ, klisoɔ wɔnɔ tɛyɛyɛkɛŋã nɛ̀ otugbà mɛ gɛ nɔoɖiɛ ɔlɛ Owusoso Akaa mɛ.

Romanɛ 8:34

Afana gɛ yɛebu kɛpɔ? Kristo Yesu, anunɔ gɛ yɛetsíɛ, kɛgɛ plɛnɔ ɔdɛɛ yɛenu anunɔ gɛ befeke edenɔ bekpu mɛ pɛ alɛ nɛ ɛkpã, adɛzã Owusoso Akaa nɛ̀ ɛŋã mɛ, kɛlɛ akɔ yɛtakpu tsyɛ nɛ bɔlɔ lũ.

Kibui Bubú Kasɛ 1:18

Mɛinu Enunuɔ, ititsí bafalanɔ, pɔ otsi alɛ ɛlɛ nɛ ɛkpã tihɔ, tihɔ! Kɛlɛ butsí nɛ̀ bekpu ipupukɔɔ lɛ mɛahɔɛ.

Banɔkpɛkpɛ Axɔ̃ɛ 1:11

Pɛ baɖɔ asɛ, “Galileanɛ, kiɖe gɛkɔ ɔsɛ nozhioli pɛ noɖi kɛlɛɛ nɔ mɛ ana dza? Yesu alɛ gɛ befeke ashɛnɔ nɛ wɔnɔ ɔbha avɛnɔ kititiɛ, aza babà asɛ kɛmɔ gɛ nɔmɔ yɛ pɛ avɛ kititíɛ ana.”

Petro 2 3:14

Klisoɔ, mɛ ɔbhialɛ gɛ ɛdɛmɛ nɔ, gɛ nɔoɖì idzomɛ ɔkɔ ebui ɛlɛ soɔ, nɔbhɛtɛ kɛka nyia ka gɛ nɔbɔlà tɛ̀ batɛ mɔ kibò nɛ̀ bamɛtsitsí ibui nanà nɛ wɔnɔ shu, tɛ̀ nɔzã nɛ ishu yɔyɔ mɛ ɔplɛnii.

Tesalonikanɛ 1 2:16

babhɛtɛ ɛlɛ ana tɛ badã kidzo akɔ bɔlɔ tɛ bɔtɛ ɖɔ kibuiɛ ɔkɔ bagɛ betinu Yudanɛ sɛ tɛ bayɛkɛ balɛ elu nɛkpã. Nɛidzo ɛlɛ nabhaa, bakaa bhɔ balɛ ebui kpa bhɛbhɛtɛ atɔɖɔ sɛ tɛ lewu kabha. Owusoso Akaa ɔmɔpɔɛ nɔ tɛba balɛ abha otsi alɛ.

Korintoanɛ 1 1:7

Klisoɔ, nɔtɛ ɔpɛɛ ɔfɔfuĩa mɛ kɛdɔ̃ kɔkɔ nanà gɛ noɖì kidzo mɛ gagalĩi ɔkɔ bɔlɔ Apalete Yesu Kristo yɛ tibubu kasɛɛ.

Petro 2 3:12

nɛ kibèɛ gɛ nɔoɖì idzomɛ ɔkɔ Owusoso Akaa iwuiɛ tɛbaba tsĩɔɔ nɔ. Kiwui ɛlɛ kifu bazĩ kititì ɔdɔ̃, kɛlɛ kititì ɔdɔ̃ balolò ganà kɛkpɛkpɛ hohoe mɛ̀.

Hebrianɛ 10:27

kifu sisí tili idi mɛ ko bɔbazã pɛ bɔbaapo kɛpɔ bubú, nɛ̀ kifù hohoeɛ gɛ baapɔɛ bagɛ batɛ dɛmɛ nɛ̀ Owusoso Akaa.

Tito 2:13

nɛ kibeɛ gɛ buɖi kidzo mɛ ɔkɔ tiyuyula gɛ buɖi kidzo mɛ ɔkɔɔ, nɛ kibeɛ gɛ bupo tiyuyula ɛwuiɛ gɛ buɖi kidzo mɛ ɔkɔ nɛ Owusoso Akaa gbagbla yɛ tɛdadalɛ nɛ̀ Yesu Kristo gɛ ebu ɔlɔ tɛbaba nabha,

Filipianɛ 3:20

Pɔ bɔlɔ xɔnɔɔ, bɔlɛ epi alɛ itití. Kɛlɛ bulipo agɛ aba yɛkɛ kɔ ɔlɔ edenɔ ɛkɛlɛ gagalĩ, gɛenu Apalete Yesu Kristo,

Galatianɛ 3:13

Kristo ebu ɔlɔ odenɔ kibuiɛ gɛ baɖɔ akpɛ ɔlɔ ɔsha niesi, kɛlɛ yɛebedzi kibuiɛ gɛ baɖɔ akpɛ ɔlɔ, ɔmɔsɛ bafɔnɔ elu asɛ, “Baɖɔ kibui akpɛ anɔ ka nyia ka gɛ akpɛ ohui oli nɛ busi mɛ.”

Romanɛ 2:7

Bagɛ gana balɛ emi kpɛkpɛ mɛ pɛ baabhɛtɛ ebui gbangbã, pɛ bazapɛɛ inye gbangbã nɛ̀ bobo akɔ Owusoso Akaa, pɛ bazapɛ asɛ tɛ bazã nɛ̀ ɛkpã ɖaa nɔ, abakɔ alɛ ɛkpã tihɔɔ.

Banɔkpɛkpɛ Axɔ̃ɛ 17:31

Ɔmɔsɛ atɔɖɔ kiwuiɛ gɛ ebekulu kebhu nɛ̀ kanɔ nɔ̀ mɛ petee nɛ̀ kebhuɔ gɛ kalɛ alɛ ɔzãkɔ ɔgana anunɔ gɛ yɛabha yɛatɔɖɔ ahɔɛ. Ebu kibui ɛlɛ akasɛ banunɔ petee ɔgana yɛ tifefeke odenɔ bekpuɔ mɛ shu.”

Banɔkpɛkpɛ Axɔ̃ɛ 4:10

kɛlɛ wɔnɔ nɛ̀ Israelanɛ petee notì kibui ɛlɛ ɔsɛ, kinù kibui gɛgã Yesu Kristo Nazareteyiɛ yɛinyeɛ mɛ, anunɔ gɛ nɔdɛ kpalà nɛ osi shuɔ pɛ Owusoso Akaa efeke yɛ edenɔ bekpuɔ mɛɛ, yɛakɔ asɛ anyɛ alɛ gɛeli wɔnɔ amɛ ishumɛ gagalĩ.

Banɔkpɛkpɛ Axɔ̃ɛ 3:21

Kɛlɛ ɔsɛ tɛ Yesu azã kititiɛ, ɔvɛnɔ sɛ kibeɛ na ɔsɛ tɛ Owusoso Akaa edzinɔ kɛka nyia ka ewoese, asɛ gɛ atɔɖɔ elú abafalanɔ ɔgana yɛebuiɖɔlunɛ gɛ balɛishuɔ dalɛ nabha.

Banɔkpɛkpɛ Axɔ̃ɛ 3:15

Noyi anɔ nɔ gɛ akɔ banɔ ɛkpaã, pɔ Owusoso Akaa efeke yɛ edenɔ bekpu nɛishi. Bɔzã mɔ kibui ɛlɛ.

Kibui Bubú Kasɛ 1:7

Noɖio abà nɛ̀ ɔmɔlɔ̃, kɛlɛ kiwuhũ ka nyia ka bamɔɛ, bagɛ bashɔɛ nɛ̀ bɔɖadɔ̃ tsyɛ abamɔɛ, yɛ soɔ, kanɔmanɛ pete abamɔ̃ ɔwɔ̃nyɔnɔ. Kana kɛbàba ɛlɛ mɛ! Amen.

Petro 1 2:21

Kibui ɛlɛ shu so pɛ bekulu wɔnɔ, ɔmɔsɛ Kristo atɔ nɛ wɔnɔ ɛtakpu, kɛlɛ abhɛtɛ kɛlɛ akasɛ wɔnɔ, ɔsɛ tɛ̀ wɔnɔ tsyɛ ɔgã asɛ gɛ agã ana.

Timoteo 2 4:1

Nɛ Owusoso Akaa nɛ̀ Kristo Yesu amɛɛ, anunɔ gɛ yɛebè kulu kebhu nɛ̀ bagɛ alɛ nɛkpã nɛ betsitsiɛ, kɛlɛ nɛ yɛ tɛbaba nɛ yɛikusi ɔŋãkɔɔ, ɛkɔ wɔ ɔsha ɔlɛ sɛ,

Tesalonikanɛ 1 2:7

pɔ budzi banɔ yɔyɔ nɛ wɔnɔɛshi, asɛ kana gɛ eyielĩ eɖi yɛeyi alɛ abha ana.

Tesalonikanɛ 1 1:7

Klisoɔ nobodzì banɔ gɛ bayɛyɛkɛŋã pete nɛ Makedonia nɛ̀ Axarya beɖi wɔnɔ pɛ bagã atɔɖɔ.

Koloseanɛ 1:18

Kɛlɛ yɛenu kɛtakpu akɔ ishudzyaa nɛ̀ ɔhaa, yɛenu kesi kpɛkpɛ nɛ̀ eyi gɛiputɔ gɛ bamɔ̃ pɛ ede bekpuɔ mɛ aba, sɛ tɛ̀ nɛ kɛka nyia ka mɛɛ, yɛabà amɔ̃ ohumi adɛ.

Romanɛ 1:4

kɛlɛ, gana Ɔfɔfuĩa dadalɛ mɛɛ, bebui akasɛ nɛ ohumi nɔ mɛ ɔsɛ, yɛenu Owusoso Akaa Yɛeyi, gana yɛtɛlɔlɔ odenɔ bekpuɔ mɛɛ, yɛenu Yesu Kristo, bɔlɔ Apaleteɛ.

Banɔkpɛkpɛ Axɔ̃ɛ 2:32

Owusoso Akaa efeke Yesu alɛ edenɔ bekpuɔ mɛ amana ɛkpã mɛ gɛ bɔlɔ pete zãmɔ kibui ɛlɛ ɔsɛ kɛba ɛlɛ mɛ kɛgbã.