Tesalonikanɛ 1 1:1 - Nyangbo New Testament

¹ Paulo, Silvano Nɛ̀ Timoteo, balɔkɔ keplukpa alɛ asɛsɛ Tesalonika ɔhaa nɛ Owusoso Akaa gɛenu bɔlɔ Akaa nɛ̀ Apalete Yesu Kristo balɛ inyeɛ mɛ, tibhui bhuibu nɛ̀ ishu yɔyɔ zã ɔplɛnɔ wɔnɔ.

Tesalonikanɛ 1 1:1 Referans Kwoze

Romanɛ 1:7

Wɔnɔ banɔ dadalɛ pete nɛ Roma gɛ bekulu, pɛ Owusoso Akaa adɛmɛ nɔɔ, Tibhui bhuibu nɛ̀ ishuyɔyɔ odenɔ bɔlɔ Owusoso Akaa nɛ̀ Apalete Yesu Kristo ɔkɔ kɔ wɔnɔ.

Tesalonikanɛ 2 1:1

Paulo, Silvano Nɛ̀ Timoteo, bɔlɔ sɛsɛ ɔhaa nɛ Tesalonika gɛ akpasɛ Owusoso Akaa gɛenu bɔlɔ Akaa nɛ̀ Apalete Yesu Kristo mɛ keplukpa alɛ,

Banɔkpɛkpɛ Axɔ̃ɛ 20:4

Soparte, Piro gɛede Beroa yɛeyianyɛ azã yiede, nɛ̀ Aristaxo nɛ̀ Sekundo gɛede Tesalonika, Gayo gɛede Derbe nɛ̀ Timoteo, nɛ̀ Tixiko nɛ̀ Trofimo gɛede Asia bɔdɔ̃ mɛ.

Banɔkpɛkpɛ Axɔ̃ɛ 18:5

Kibeɛ gɛ Sila nɛ̀ Timoteo ede Makedonia aba, Paulo alɔkɔ yɛishu akɔ kibuiɛ tɛɖɔɖɔ, pɛ adalɛ kɛlɛ mɛ ɔkɔ Yudanɛ ete ɔsɛ Yesu yɛenu Kristoɔ.

Yuda 1:1

Mɛ Yuda, Yesu Kristo yɛaxɔ̃ɛdɛ nɛ̀ Yakobo yɛadza ɔkɔ. Mɛfɔnɔ keplukpa alɛ ɛsɛsɛ bagɛ bekulu pɛ Owusoso Akaa adɛmɛ nɔ pɛ Yesu Kristo abalɛ alɛ elúɔ.

Petro 1 5:12

Denɔ Sila anɔ gɛ ɛlɔkɔ yɛasɛ anɔ gɛ ɛyɛkɛŋã, denɔ yɛ tɛpɛplɛnɔ mɛ ɛfɔnɔ keplukpa alɛ gulũi kɔ wɔnɔ pɛ̀ ɛkpɛ wɔnɔ kemi tɛ̀ ɛɖɔ kaɖɔ dalɛ kɛlɛ mɛ sɛ, kɛlɛ kɛlɛinu Owusoso Akaa tibhui bhuibu gɛlɛ ɛlɛ ɔzãkɔ. Nɔzã gagalĩ nɛ kɛlɛ mɛ̀.

Korintoanɛ 2 1:19

Ɔmɔsɛ Owusoso Akaa Yɛeyi Yesu Kristoɔ gɛ yɛibui mɛ nɛ̀ Silvano nɛ̀ Timoteo bɔɖɔɔ tinu ɔsɛ “Ee” alo “Oo” pɔ odenɔ yɛmɛ, kibe nyia beɛ kɛka nyia ka lɛ ɔsɛ “Ee.”

Banɔkpɛkpɛ Axɔ̃ɛ 19:22

Asɛsɛ yɛaxɔ̃ɛdɛ taabha gɛenu Timoteo nɛ̀ Erasto nɛ Makedonia, gɛ yɛxɔnɔ azã Asia bɔdɔ̃ mɛ kɛbɔɛ.

Banɔkpɛkpɛ Axɔ̃ɛ 17:11

Otsi nɔ Beroeanɛ bezhinì balɛ ishu esi ɔdɛ Tesalonikanɛ, ɔmɔsɛ bayɛkɛ kibuiɛ nɛ̀ samè kɛlɛ bazapɔɛ kɛlɛ mɛ kiwui nyiɛ wui tɛ̀ beɖi asɛ kibuiɛ gɛ Paulo aɖɔ kpasɛ kɛlɛ mɛ ana dza.

Hebrianɛ 13:23

Ɛkɔ ɔnɔ tititì sɛ bashɛnɛ ahɔɛ nɛ ɔlɔ adzya Timoteo shu, kɛlɛ kibeɛ gɛ anya ebeku mɛɔbha koɔ, bɔnɛ yɛ babá tɛ ɛbaɖi unɔ.

Timoteo 2 1:2

Ɛsɛsɛ Timoteo, mɛeyianyɛ gɛ ɛdɛmɛ nɔ keplukpa alɛ, Tibhui bhuibu, ashagabui ibi nɛ̀ ishu yɔyɔ odenɔ Owusoso Akaa nɛ̀ Kristo Yesu gɛenu bɔlɔ Apaleteɛ ɔkɔ.

Timoteo 1 1:2

Mɛ sɛsɛ Timoteo mɛeyianyɛ gɛ akpasɛ tɛyɛyɛkɛŋã mɛ keplukpa alɛ, Tibhui bhuibu, ashagabui ɖiɖi nɛ̀ ishu yɔyɔ de Owusoso Akaa nɛ̀ Kristo Yesu bɔlɔ Apaleteɛ ɔkɔ.

Koloseanɛ 1:1

Mɛ Paulo gɛinu anɔkpɛkpɛ ɔkɔ Yesu Kristo nɛ Owusoso Akaa tɛpɛpɛ ulũ, nɛ̀ Timoteo gɛenu bɔlɔ adzya,

Filipianɛ 1:1

Mɛ Paulo nɛ̀ Timoteo, gɛenu Kristo Yesu yɛaxɔ̃ɛdɛ, Balɛ asɛsɛ banɔ dadalɛ pete eplukpa nɛ Kristo Yesu mɛ nɛ Filipi, ɔlɔkɔ plɛnɔ ɛsofo nɔ nɛ̀ ɛzãkɔ bhlui eleteɛ,

Efesoanɛ 1:2

Tibhui bhuibu nɛ̀ ishu yɔyɔ odenɔ Owusoso Akaa nɛ̀ bɔlɔ Apalete Yesu Kristo ɔkɔ.

Galatianɛ 1:22

Ɔhaa gɛ ɔzã Kristo mɛ nɛ Yudea nɔ egitì mɛ.

Galatianɛ 1:2

nɛ̀ ɔhamɛ anunɔ petee gɛ alɛ mɛɔbhaa, Bɔlɔ sɛsɛ keplukpa alɛ nɛ Galatia ɔha mɛ.

Korintoanɛ 2 1:1

Paulo gɛedzi anɔkpɛkpɛ akɔ Yesu Kristo nɛ Owusoso Akaa tɛpɛpɛ ulũɔ, nɛ̀ Timoteo gɛenu bɔlɔ adzyaa, Mɛ sɛsɛ Korintoanɛ ɔhaa keplukpa alɛ ɔlɔkɔ plɛnɔ bagɛ bayɛkɛ aŋã nɛ Axaya petee asɛ,

Korintoanɛ 1 1:2

Ɛfɔnɔ kalɛ sɛsɛ Owusoso Akaa ɔha gɛalɛ Korinto, nɛ̀ bagɛ badalɛ balɛishu nɛ Yesu Kristo mɛ pɛ balɛishu dalɛ, ɔlɔkɔ plɛnɔ bagɛ balɛ ɔkɔ nyia ɔkɔ pɛ beekulu Apalete Yesu Kristoɔ inyeɛ, anɔ gɛenu balɛ Apaleteɛ nɛ̀ bɔlɔ ayɛ.

Banɔkpɛkpɛ Axɔ̃ɛ 16:29

Ɔɖavũ abha eɖiɖieleteɛ ebisi asɛ bamana efú, kɛlɛ abhɛtɛ zia vɛ edi zhi ekumu pɛ eshuku gbagbà nɛ Paulo nɛ̀ Sila otugbà.

Banɔkpɛkpɛ Axɔ̃ɛ 16:25

Nɛ elishi tetiɛ Paulo nɛ̀ Sila bezekulu Owusoso Akaa pɛ baazhã ɛdzɛ akɔɛ, kɛlɛ ɔɖavũmɛ azazã gɔgɔɛ nɔ aza taatɔ̃ nɛ alɛ.

Banɔkpɛkpɛ Axɔ̃ɛ 16:19

Kibeɛ gɛ adzɛnuvɔɛ dzidzì alɛ yɛapalete alɛ amɔ asɛ, ɛkɛlɛ gɛ bagã amɔ ehoeyiɛ ozĩɛɛ, bevũ Paulo nɛ̀ Sila avɛnɔ balɛ kedziɛ mɛ tɛ̀ badɛtsyɔa nɛ̀ ɔshaeleteɛ.

Banɔkpɛkpɛ Axɔ̃ɛ 15:40

Paulo xɔnɔ ebu Sila aplɛnɔ yɛishu, kɛlɛ gɛ ɔha alɔkɔ balɛ akpɛ ahɔɛ akɔ Apaleteɛ asɛ ebhui balɛ ebuɔ, batɔnɔ kidzo ashɛ.

Banɔkpɛkpɛ Axɔ̃ɛ 15:27

Klisoɔ bɔkpɛ Yuda nɛ̀ Sila nɛ wɔnɔ ɔkɔ tɛ̀ babà ɖɔaɖɔ atɔɖɔ kɛklagbu nɛ kɛgɛ ɛlɛ ishu bɔfɔnɔ keplukpa alɛ akɔ wɔnɔ.

Yohanes 1 1:3

Bɔɖɔ ebuiɛ gɛ bɔmɔ pɛ bulũɔ tseɖe wɔnɔ, sɛ tɛ̀ wɔnɔ tsyɛ nɔzã ɔhakpɛkpɛ mɛ̀ nɛ ɔlɔ. Kɛlɛ bɔlɔ ɔhakpɛkpɛ nɛ̀ Akaa nɛ̀ Yɛeyì anyɛ Yesu Kristo

Banɔkpɛkpɛ Axɔ̃ɛ 15:22

Kɛlɛ banɔkpɛkpɛ nɛ̀ beshesheɛ ɔlɔkɔ ɔplɛnɔ ɔhaa petee adɛmɛ asɛ bebebu balɛ ahɔɛmɛ banɔ teli nɛ kɛzaa mɛ aplɛnɔ Paulo nɛ̀ Barnaba tɛ basɛsɛ alɛ nɛ Antioxia. Banunɔ gɛ bebuɔ balɛ enu, Yuda, (gɛbekulu tsyɛ asɛ Barsaba) nɛ̀ Sila, banɔ taabha alɛ enu otugbà banɔ nɛ ɔhaa nɛishi.