Romanɛ 9:5 - Nyangbo New Testament

⁵ Bashuĩ gbagbla eyimɔmɔ alɛ benu, kɛlɛ balɛ mɛ Kristo edekoeyì asɛ anɔdzyrame ana, bɔbakpɛ Owusoso Akaa gɛ aŋã kɛka nyia ka abha nɛinye nɛitití ɔvɛnɔ tihɔ tihɔ! Amen.

Romanɛ 9:5 Referans Kwoze

Romanɛ 1:25

Batsrakɛ Owusoso Akaa ibuiɛ gbangbã nɛ̀ asɛnɛ sɛsɛ, kɛlɛ baakpɛ ɛtakpu esi pɛ baadɛ axɔ̃ɛ akɔ banɔdzyrame ɔdɔ̃ bhɛbhɛtɛ, ɔdɛ ɔsɛ tɛ bakpɛ ɛtakpu esi akɔ Kititíayɛ gɛ ebu bɔdɔ̃ɔ, anunɔ gɛ kɛlɛ bakpɛ yɛinye nɛitití tihɔɔ nɔ. Amen.

Yohanes 1 5:20

Bunyi tsyɛ ɔsɛ Owusoso Akaa Yɛeyiɛ aba kɛlɛ abakɔ bulũ kɛlɛ esi, ɔsɛ tɛ̀ butì anunɔ gɛ yɛaɖɔ kibui gbã. Kɛlɛ bɔkpasɛ agɛ yɛaɖɔ kibui gbã mɛ, gɛ yɛenu Yɛeyianyɛ Yesu Kristo. Yɛenu Owusoso Akaa kibui gbã nɛ̀ ɛkpã tihɔɔ elete.

Timoteo 1 3:16

Kɛgɛ dɛ ebui bibisi alɛ petee kɛlɛinu ɔsɛ, Owusoso Akaa mɛ ebuiɛ gɛ abhɛtɛ ibiɛ egbogblo. Owusoso Akaa ebu yɛishu akasɛ nɛ ishudzya mɛ Ɔfɔfuĩa nɔ bu ɛlɛ ɔkasɛ, baxɔ̃ɛdɛ amɔ ɛlɛ, baɖɔ ɛlɛ nɛ amadiɛ nɛishi, bayɛkɛ ɛlɛ abha ŋã nɛ kanɔ nɔ̀ mɛ̀, befeke ɛlɛ avɛnɔ kitití nɛ tɛdadalɛ mɛ.

Romanɛ 1:3

nɛ Yɛeyianyɛ shu, gɛ nɛ yɛ anɔdzyrame mɛ tɛzazã ulũɔ, David yɛeshui yɛedzi,

Kibui Bubú Kasɛ 1:18

Mɛinu Enunuɔ, ititsí bafalanɔ, pɔ otsi alɛ ɛlɛ nɛ ɛkpã tihɔ, tihɔ! Kɛlɛ butsí nɛ̀ bekpu ipupukɔɔ lɛ mɛahɔɛ.

Kibui Bubú Kasɛ 22:16

Mɛinu Yesuɔ, gɛ ɛkpɛ mɛaxɔ̃ɛdɛ sɛ tɛ adalɛ ebui alɛ shu akɔ wɔ tɛ odi tseɖe bahameɛ. Mɛinu David yɛogu nɛ̀ Yɛeshui nɔ, nɛ̀ Kɛvɔlɔ Ɛwɔ̃ɛ gɛ kɔ tɛdadalɛɛ.”

Korintoanɛ 2 11:31

Owusoso Akaa gɛenu Akaa ɔkɔ Apalete Yesuɔ, agɛ yɛ kɛlɛ ɔsɛ bakpɛ yɛinye nɛitití tihɔɔ nɔ enyi ɔsɛ ɛtɛ sɛ asɛnɛ.

Romanɛ 11:28

Nɛ Kibui Gbangbã nulũɔ, Israelanɛ benu banɔ gɛ bagɛ dɛmɛ nɔ nɛ̀ Owusoso Akaa. Pɔ nɛ balɛ ashuĩ alɛ ɛtakpu soɔ, Owusoso Akaa adɛmɛ balɛ ibui pɛ ebu alɛ,

Romanɛ 10:12

Ɔmɔsɛ Yudanɛ nɛ̀ bagɛ betinu Yudanɛ pete nɔ, tenikpo balɛ. Apalete tenikpo alɛ yɛenu Apaleteɛ akɔ balɛ petee, kɛlɛ yɛeyula tutu esi akɔ anɔ nyia anɔ gɛ akpɛ ɛtakpu esi akɔɛ,

Kibui Bubú Kasɛ 22:20

Anɔ nɔ̀ gɛ aɖɔaɖɔ adalɛ ebui alɛ shuɔ aɖɔ asɛ, “Ee, ɛɛba otsiɛ tsĩɔɔ.” Amen, Apalete Yesu ba.

Timoteo 2 2:8

Baka Yesu Kristoɔ, anɔ gɛ befeke edenɔ bekpuɔ nɛishi pɛ enu David yɛeshui nɔ. Kɛlɛ nu mɛibui gbangbã,

Timoteo 1 6:15

kɛgɛ Owusoso Akaa aba mana nɛ yɛahɔɛ kibeɛ gɛ atɔɖɔ mɛ, Owusoso Akaa gɛ beyula pɛ yɛete yɛaŋã Ukusiɛ, bekusiɛ petee balɛ Ekusi, nɛ̀ bapaleteɛ petee balɛ Apalete,

Korintoanɛ 1 14:16

Onupɛ ɔɔkpɛ̀ Owusoso Akaa nɛinye nɛitití nɛ wɔ ɔfɔfuĩa nɔ, kiɖe anunɔ gɛ akpasɛ bagɛ begilũ kɛliesi mɛ abaɖɔ sɛ “Amen” ɔkɔ ahɔɛ gɛ ohuɔ, nɛ kibeɛ gɛ egilũ kibui nɔnɔ gɛ kɛlɛ wɔɖɔ niesiɛ dza?

Kibui Bubú Kasɛ 5:14

bagã talɛ aɖɔ asɛ, “Amen,” kɛlɛ banɔ sheshè akpɛ bamɛ esi pɛ bakpɛ ɛtakpu esi akɔ Akaa.

Banɔkpɛkpɛ Axɔ̃ɛ 20:28

Nɔzanà awɔ̃ ɔkɔ wɔnɔ ishu tɛ nozoɖi ibhoshiɛ gɛ Ɔfɔfuĩa Gbangbã ɔkpɛ wɔnɔ ahɔɛ ɔsɛ nɔoɖi ɛlɛ abha. Nodzi ibhoshi agbagbana elete ɔkɔ Owusoso Akaa ɔhaa, gɛ edzi nɛ yɛ dzyosu nɔ.

Banɔkpɛkpɛ Axɔ̃ɛ 3:13

Abraham, Isak nɛ̀ Yakob balɛ Owusoso Akaa, bɔlɔ ashuĩ alɛ Owusoso Akaa yɛadalɛ yɛaxɔ̃ɛdɛ Yesu shu. Pɔ wɔnɔ xɔnɔ ɔlɔkɔɛ ɔkpɛ ahɔɛ asɛ beyii kɛlɛ nɔɖɔ nɛ Pilato yɛamɛ asɛ notinyi yɛ, pɔ yɛ xɔnɔ apɛ asɛ tɛ ashɛnɛ ahɔɛ nɛ yɛishu flogo.

Hebrianɛ 7:24

Gɛ Yesu pɔ alɛ nɛ ɛkpã tihɔɔ soɔ, etsyina edzi banɔlũazazã ɔvɛnɔ tihɔ, tihɔ.