Romanɛ 9:23 - Nyangbo New Testament

²³ Kɛlɛ kɛbazã onupɛ Owusoso Akaa apɛ asɛ tɛ ebu yɛehoeyiudɔ̃ gɛlɛ yɛishu dadalɛ mɛ akasɛ bagɛ eɖi ashagabui pɛ etiputɔ abalɛ elu akɔ yɛishu dadalɛ,

Romanɛ 9:23 Referans Kwoze

Romanɛ 2:4

Pɛnɔsɛ mabomabo nɔlɔkɔ ɔkɔɛ nɛ yɛyamɛ gbangbã tɛbhɛbhɛtɛ, yɛemi kpɛkpɛ nɛ̀ yɛtɛdɔdɔ fɔ̃ɔ ɔkɔ ɔnɔɔ shu, pɔ nɔtɛ ɔmɔsɛ yɛyamɛ gbangbã gɛ abhɛtɛɛ kɛkɔ ɔsɛ notsyina etú mɛɛ dza?

Efesoanɛ 3:16

Ikulu Owusoso Akaa asɛ odenɔ yɛ ehoeyi ɔdɔ̃ dadalɛ mɛɛ, tɛ akɔ nɔ gagalĩ nɛ̀ yɛohumi nɔ ɔgana yɛ Ɔfɔfuĩa nɔ gɛ ɔlɛ ɔnɔ mɛ,

Efesoanɛ 2:10

Owusoso Akaa ahɔɛ ɛdɔ̃ bhɛbhɛtɛ bunu, gɛ babhɛtɛ nɛ Kristo Yesu mɛ sɛ tɛ bɔwɔa axɔ̃ɛ gbangbã, gɛ Owusoso Akaa eputɔ abalɛ elu akɔ ɔlɔ sɛ bɔbhɛtɛ.

Timoteo 2 2:21

Onupɛ anɔ teli eplu yɛishu edenɔ ebui kukuɔ mɛɛ, ebedzi anɔ gɛ abazã akɔ ebui piapii, gɛ babhɛtɛ ladalɛ, pɛ lapɛ̃ akɔ Apaleteɛ asɛ alɔkɔ awɔa axɔ̃ɛ gbangbã ka nyia ka ɛdi nɔ.

Koloseanɛ 1:27

Balɛ Owusoso Akaa ebu elu asɛ bakɔ bagɛ etinu Yudanɛ etì nɛ ehoeyi ɔdɔ̃ dadalɛ gɛlɛ ebui kpukpũ alɛ shu, gɛenu Kristoɔ gɛ akpasɛ ɔnɔ mɛ, yɛabha bulũ awɔ̃ akɔ ebui dadalɛ.

Efesoanɛ 2:7

sɛ tɛ nɛ agɔɔ gɛ lababaa mɛɛ, aba kasɛ yɛ ehoeyi ɔdɔ̃ gɛ batɛ balà alɔkɔ shɔnɔ bɔnanà ɔgana tibhui bhuibu mɛ, gɛ akasɛ nɛ yɛ ɛyamɛ gbangbã bhɛbhɛtɛ ɔkɔ ɔlɔ nɛ Kristo Yesu mɛ.

Efesoanɛ 1:18

Ikulu Owusoso Akaa tsyɛ ɔsɛ tɛ ebui mɛ adalɛ akɔ ɔnɔ etú mɛ awuhũɔ sɛ tɛ nɔotì tɛtɔtɔɖɔ nɔnɔ ɛtakpu so pɛ ekulu ɔnɔ, ehoeyi ɔdɔ̃ gɛ lɛ ɔkɔ kaŋãsi dadalɛ gɛakpɛ banɔ dadalɛ mɛ,

Romanɛ 8:29

Bagɛ Owusoso Akaa enyi elu kukukuɔ, balɛ ke yɛebu asɛ bazã nɛ ɛkpã asɛ Yɛeyiɛ, sɛ tɛ ebedzi Yɛeyi gɛ eputɔ nɛ beyianyɛ gelee ishi.

Tesalonikanɛ 1 5:9

Ɔmɔsɛ Owusoso Akaa egi bu ɔlɔ asɛ tɛ bɔtɔ nɛ ɔmɔpɔɛ esi, pɔ tɛ bɔyɛkɛ tibubu ɔgana Apalete Yesu Kristo abha.

Koloseanɛ 1:12

ahɔɛ nɛ̀ same, anɔ gɛ akɔ nɔ shɔnɔ sɛ nɔmɔ tili odenɔ banɔ dadalɛ kaŋãsiɛ gɛalɛ bukusi ɔŋãkɔ gɛ dalɛ.

Efesoanɛ 3:8

Gɛ mɛinu anɔ bhlui ɔdɛ nɛ bagɛ edzì bhlui nɛ Owusoso Akaa yɛanɔ petee ishi tsyɛ elo, mɛ ɛyɛkɛ tibhui bhui ebu ɛlɛ, sɛ tɛ mɛɖɔ Kristo ehoeyi ɔdɔ̃ gɛ ɔtɛ bɔmɔ nɛ ɔkɔ nanà ibui otseɖe bagɛ etinu Yudanɛ,

Banɔkpɛkpɛ Axɔ̃ɛ 9:15

Pɔ Apaleteɛ etseɖe Anania asɛ, “Gavɛ! Anyɛ alɛ enu anɔ gɛ ibú ɔsɛ tɛ̀ alɔkɔ mɛinyeɛ avɛnɔ bagɛ betinu Yudanɛ nɛ̀ balɛ bekusiɛ nɛ̀ Israel kɛmadiɛ ɔkɔ.

Romanɛ 8:30

Bagɛ balɛishu yɛabhɛtɛ tɛtɔtɔɖɔ ɛlɛ elu akɔɔ, balɛ tsyɛ yɛekulu, bagɛ ekuluɔ balɛ tsyɛ yɛebhui utsyɔa akɔ, kɛlɛ bagɛ balɛ yɛebhui utsyɔa akɔɔ, balɛ tsyɛ shu yɛadalɛ.