Romanɛ 9:22 - Nyangbo New Testament

²² Kɛlɛ onupɛ Owusoso Akaa apɛ asɛ tɛ ebu yɛɔmɔpɔɛ nɛ̀ ohumi akasɛɛ, adɔ fɔ̃ɔ akɔ bagɛ alɛ shu yɛakpɛ ɔmɔpɔɛ nɔ, bagɛ abálɛ elu akɔ titsitsíɛ.

Romanɛ 9:22 Referans Kwoze

Yuda 1:4

Ɔmɔsɛ banɔ teli gɛ batɛ fɔnɔ balɛ ɛpɔ bubuɔ elù kibè tili gɛ bafalaa, banɔ alɛ abafala eku wɔnɔɛshi nɛ tikpukpũ mɛ. Benu banɔ gɛ betinyi Owusoso Akaa, gɛ balɔkɔ Owusoso Akaa tibhui bhuibuɔ asɛ kidzo kɔkɔ anɔ ɔkɔ kɛgɔlɔ ŋaŋã kɛlɛ bagɛ yɛkɛ Yesu Kristoɔ gɛenu bɔlɔ Apalete nɛ̀ Ekusi Gbagbla tenikpo nɔ.

Petro 1 2:8

kɛlɛ “Kɛklagbuɔ gɛkɔ asɛ bɔnɔ akpatà nɛ̀ ɔxɔa gɛɔkɔ asɛ baadɔ oboeɛ.” Bakpatà bɔdɔ̃ ɔmɔsɛ bagɛ yɛkɛ kibuiɛ, kibuiɛ gɛ babalɛ elu asɛ kɛba alɛ abha.

Romanɛ 9:21

Bɔdɔ̃ abhɔbhɔɔ pɔ, agɛmɔ idzo asɛ tɛ alɔkɔ tisiɛ gɛ etuɔ tili abhɔ kɛdɔ̃ gbangbã tili gɛ kɛpɔ ɖi alo sɛ tɛ alɔkɔ abhɔ kɛka nyia ka idi ɔkɔ kɛlɛ ishu axɔ̃ɛ wɔawɔaa dza?

Timoteo 2 2:20

Nɛ bɔpã hohoe mɛɛ, gɛnɛ sikã balɔkɔ abhɛtɛ kɛka nyia ka nɔ, pɔ babhɛtɛ tili tsyɛ nɛ̀ isi nɛ̀ tisi, teli alɛ akɔ ebui dadalɛ kɛlɛ teli tsyɛ alɛ akɔ ebui gɛ lagɛ dalɛ.

Tesalonikanɛ 1 2:16

babhɛtɛ ɛlɛ ana tɛ badã kidzo akɔ bɔlɔ tɛ bɔtɛ ɖɔ kibuiɛ ɔkɔ bagɛ betinu Yudanɛ sɛ tɛ bayɛkɛ balɛ elu nɛkpã. Nɛidzo ɛlɛ nabhaa, bakaa bhɔ balɛ ebui kpa bhɛbhɛtɛ atɔɖɔ sɛ tɛ lewu kabha. Owusoso Akaa ɔmɔpɔɛ nɔ tɛba balɛ abha otsi alɛ.

Romanɛ 9:17

Owusoso Akaa etseɖe Farao asɛ, “Kɛgɛ ɛliso pɛ idzu wɔ bukusi kɛli nu ɔsɛ, tɛ mɛgã wɔabha tɛ mɛibu mɛohumi nɔ kasɛ, kɛlɛ sɛ tɛ mɛinye yi fala nɛ kesiakpa nyɔ̃ɔ abha.”

Petro 2 2:3

Nɛ balɛ awuhũ dzadzã nɛ bɔdɔ̃ shu soɔ, asɛnɛ badɔkasɛ alɛ abalɔkɔ alɛ ɛdzɛdzɛ gɛ bafatɛ zhinì wɔnɔ kpɛ nɔ. Balɛ ɛpɔ bubuɔ dzi po alɛ kukuku, kɛlɛ kɛgɛ bayì alɛ, lɛ nɛ̀ awɔ̃.

Tesalonikanɛ 1 5:9

Ɔmɔsɛ Owusoso Akaa egi bu ɔlɔ asɛ tɛ bɔtɔ nɛ ɔmɔpɔɛ esi, pɔ tɛ bɔyɛkɛ tibubu ɔgana Apalete Yesu Kristo abha.

Petro 2 3:15

Nɔkɔ kɛzã wɔnɔ ekpeɖekpeɖe mɛ ɔsɛ, Apaleteɛ tɛdɔdɔ fɔ̃ɔ nu tɛyɛyɛkɛ kɔ ɔlɔ, asɛ kana gɛ Paulo bɔlɔ adzya gɛ bɔdɛmɛ nɔ̀ tsyɛ alɔkɔ bubutiɛ gɛ Owusoso Akaa akɔɛ afɔnɔ keplukpa akɔ wɔnɔ nɔ.

Petro 2 2:9

onupɛ ana kɛlɛ́ɛ, kɛlɛ notì ɔsɛ Apaleteɛ enyi ibu gɛ ebebù bagɛ adɛmɛ nɛ̀ Owusoso Akaa odenɔ tifefekeɖi mɛ, bagɛ atɛ abhɛtɛ ebui gbã nɛ kebhu kukulu iwui nabha, nɛ kibeɛ gɛ batɔ̃ pɔpɔ̃ kɔ alɛ ɛtsiɖi ɛlɛ abha avɛ.

Petro 1 3:20

ɔfɔfuĩa nɔ gɛ lɛgagalĩ batɔ̃ mɛ kibe dzlolo nɛlɛ gɛ Owusoso Akaa adɔ yɔɔ nɛ Noa ibèɛ gɛ azafatɛ aɖakaohu hohoeɛ. Banɔ kasasà tieli balɛ azã aɖakaohu hohoeɛ mɛ, banɔ tasɛ balɛ bayɛkɛ odenɔ bulĩɛ mɛ,

Romanɛ 1:18

Bebu Owusoso Akaa yɛɔmɔpɔɛ nɛ banunɔ nyɔ̃ɔ gɛ betisì yɛifuɔ akasɛ odenɔ kititíɛ ke, kɛlɛ kɛtakpu mɛ gagalĩeleteɛ gɛ ezhinɔ kibuiɛ gɛlɛ ɛlɛ ɔzãkɔ akpɛ esi ɔgana balɛ ɛtakpu mɛ gagalĩ ebui bhɛbhɛtɛ mɛɛ,

Romanɛ 9:20

Pɔ, anɔdzyrame, afana wonu sɛ tɛ obu kibui ulũ ɔkɔ Owusoso Akaa? Pɔ kɛdɔ̃ tili gɛ anɔ teli abhɔ nɛ̀ tɛbhɔɔ balà bisi anunɔ gɛ abhɔ ɛlɛ asɛ, “Kiɖeso pɛ abhɔ mɛ asɛ kɛlɛ gɛ ɛlɛɛ dza?”