Romanɛ 8:9 - Nyangbo New Testament

⁹ Wɔnɔ xɔnɔ anɛ kanɔ alɛ mɛ ɛkpã kpa ɛlɛ gbana ɔnɔ, pɔ Ɔfɔfuĩa nɔ, onupɛ Owusoso Akaa Ɔfɔfuĩa nɔ ɔlɛ ɔnɔ mɛ. Kɛlɛ onupɛ Kristo yɛ Ɔfɔfuĩa nɔ ɔma anɔ teli yɛahɔɛ, etinu Kristo yɛayɛ.

Romanɛ 8:9 Referans Kwoze

Galatianɛ 4:6

Gɛ beyì anyɛ nonu soɔ, Owusoso Akaa asɛsɛ Yɛeyianyɛ Ɔfɔfuĩa nɔ nɛ bɔlɔ etúɔ mɛ, Ɔfɔfuĩa nɔ gɛ okulu bɔdɔ̃ ɔsɛ, “Mɛakaa.”

Korintoanɛ 1 3:16

Nɔotinyi ɔsɛ Owusoso Akaavũɔ nɔonu pɛ Owusoso Akaa Ɔfɔfuĩa nɔ kpasɛ wɔnɔ mɛ dza?

Timoteo 2 1:14

Nyanà kibui gbangbã gɛ balɔkɔ akpɛ wɔ ahɔɛ mɛ ovunɔ piapii, nyanà ɛlɛ mɛ ovunɔ ɔganà Ɔfɔfuĩa Gbangbã gɛ ɔkpasɛ ɔlɔ mɛ tɛpɛplɛnɔ mɛ.

Korintoanɛ 1 6:19

Nɔotinyi ɔsɛ wɔnɔ ishupiɛ nu Owusoso Akaavũɔ ɔkɔ Ɔfɔfuĩa Gbangbã, gɛ lɔkpasɛ wɔnɔ mɛ, anunɔ gɛ nɔyɛkɛ odenɔ Owusoso Akaa ɔkɔɔ dza? Nɔma ɔkɔ wɔnɔ ishu,

Romanɛ 8:11

Kɛlɛ onupɛ anunɔ gɛ yɛ Ɔfɔfuĩa ɔlɛ ofeke Yesu edenɔ bekpuɔ mɛ ɔlɛ wɔnɔ mɛɛ, kɛlɛ yɛ gɛ efeke Kristo edenɔ bekpuɔ mɛɛ, yɛ ke abakɔ wɔnɔ ishupi tsitsí ɛlɛ ɛkpã ɔgana yɛ Ɔfɔfuĩa nɔ, gɛ ɔlɛ wɔnɔ mɛɛ.

Efesoanɛ 1:13

Kɛlɛ wɔnɔ tsyɛ ɔkpasɛ Kristoɔ nɛ kibeɛ gɛ nolũ kibuiɛ gɛinu kibui gbãa, kibui gbangbã gɛ yɛkɛ ɔnɔ lu nɛkpã. Gɛ nɔyɛkɛ ɔŋã soɔ, atsà kɛna ɔkɔ ɔnɔ elu pɛ balɔkɔ adadã edere ɔnɔ ulũ, nɛ̀ Ɔfɔfuĩa Gbangbã gɛ atɔɖɔ eluɔ akɔ ɔnɔ,

Galatianɛ 5:24

Bagɛ enu Kristo Yesu ayɛ xɔnɔ, bakpalà balɛ ebui kpa bhɛbhɛtɛ nɛ̀ kɛgɛ badɛmɛ nɔ nɛ̀ kɛgɛ bapɛ nɔ nɛ butsi osiɛ shu.

Efesoanɛ 2:22

Kɛlɛ yɛmɛ babhɔ ɔnɔ tsyɛ akpɛ itsù sɛ tɛ nɔodzì ɔzãkɔ gɛ Owusoso Akaa abazã nɛ̀ yɛ ɔfɔfuĩa nɔ.

Romanɛ 8:2

ɔmɔsɛ gana Kristo Yesu abha, ɔfɔfuĩa mɛ ɛkpã ɔsha oboele mɛ odenɔ kibui kpa ɔsha nɛ̀ butsí mɛ.

Filipianɛ 1:19

ɔmɔsɛ inyi sɛ ganà wɔnɔ Owusoso Akaa tikukulu nɛ̀ tɛpɛplɛnɔ gɛ Yesu Kristo ɔfɔfuĩa nɔ ɔkɔ mɛɛ, kɛgɛ ba mɛabha batsyina dzì mɛ tɛyɛyɛkɛ lu nɛ ɛkpã.

Yohanes 1 4:13

Bunyi sɛ bɔkpasɛ yɛmɛ kɛlɛ yɛtsyɛ akpasɛ bɔlɔ mɛ, Ɔmɔsɛ yɛakɔ ɔlɔ Ɔfɔfuĩa nɔ.

Yohanes 1 4:4

Wɔnɔ mɛeyi alɛ gɛ ɛdɛmɛ nɔ, Owusoso Akaa ɔkɔ nɔodè kɛlɛ nɔŋã alɛ abha, ɔmɔsɛ agɛ yɛakpasɛ wɔnɔ mɛɛ egbogblo adɛ agɛ yɛalɛ kanɔ nɔ̀ mɛ.

Korintoanɛ 1 15:23

Pɔ anɔ nyia anɔ nɛ yɛibè gɛ batɔɖɔ akɔɛ. Kristo gɛenu anɔ gɛiputɔ, gɛ onupɛ etsodzi aba ebefeke bagɛ benu yɛayɛ.

Yohanes 1 3:24

Bagɛ babhɛtɛ atɔɖɔ yɛɔsha nabha balɛ akpasɛ yɛmɛ, kɛlɛ yɛtsyɛ akpasɛ balɛ mɛ. Kana bɔbhɛtɛ pɛ buutì ɔsɛ akpasɛ bɔlɔ mɛ. Bunyi kibui ɛlɛ gana ɔfɔfuĩa nɔ gɛ ɔlɛ yɛakɔ ɔlɔ mɛ.

Korintoanɛ 2 6:16

Kibui nyanyã ɖuwoe gɛ kpasɛ Owusoso Akaavũɔ nɛ̀ ibudi ishi? Bɔlɛinu buvũɔ ɔkɔ Owusoso Akaa enunuɔ. Asɛ kana gɛ Owusoso Akaa aɖɔ asɛ, “Ɛbazã plɛnɔ balɛ kɛlɛ ɛbagã nɛ balɛishi, kɛlɛ ɛbadzi balɛ Owusoso Akaa, kɛlɛ bebèdzi mɛ banunɔ.”

Petro 1 1:11

gɛ baapɛ asɛ tɛ̀ betì kibeɛ nɛ̀ ebui nɔnɔ gɛ alɛishu Yesu Ɔfɔfuĩa nɔ gɛ ɔkpasɛ alɛ mɛ ɔzɔ ɖɔaɖɔ, aɖɔ Yesu bɔtɔ mɔmɔ akpɛ otugbà elu, nɛ̀ tɛdadalɛ gɛ babà nɛ̀ kɛlɛ idegbaa.

Kibui Bubú Kasɛ 20:15

Onupɛ bágɛmɔ anɔ teli yɛinye sɛ bafɔnɔ ɛlɛ akpɛ ɛkpãeplukpa mɛɛ, balɔkɔ yɛatɛ́ akpɛ kifu ɔɖɛklɛmɛ nɔ mɛ.

Kibui Bubú Kasɛ 13:8

Kesiakpa abha anɛ pete abakpɛ ɛtakpu esi akɔ agãhoeɛ, bagɛ alɛ enye bagɛ fɔnɔ akpɛ ɛkpã eplukpa gɛenu Obhoshieyiɛ gɛ beyiɛ ayɛ mɛ, denɔ kanɔ mɛ esi kpɛkpɛ mɛ.

Korintoanɛ 2 10:7

Wɔnɔ xɔnɔ kabha ebuiɛ ete nooɖì. Onupɛ anɔ teli ayɛkɛ yɛishu abha aŋã sɛ enu Kristoɔ ayɛ, ewlui eɖi kɛlɛ mɛ tɛ̀ amɔ asɛ bɔlɔ tsyɛ lɛ Kristo mɛ asɛ kɛlɛ gɛ alɛ ana.

Banɔkpɛkpɛ Axɔ̃ɛ 16:7

Gɛ bediku Misia bubò nabhaa, bapɛ asɛ etsoku Bitania, pɔ Yesu Ɔfɔfuĩa nɔ ɔgɛkɔ balɛ kidzo ana.

Romanɛ 7:5

Nɛ kibe ɛlɛ gɛ kanɔ mɛ ebuiɛ azagbana ɔlɔɔ, ebui nɔnɔ gɛ agbanà anɔ akpɛ ebui kpa mɛ nɛ ɔsha nulũɔ azã ɔlɔ mɛ, kɛlɛ agɛ bɔbhɛtɛ pete agbana ɔlɔ ɔkpɛ butsí mɛ.

Romanɛ 8:1

Otsiɛ alɛ, kɛpɔ bubu nanà ma ɔkɔ bagɛ alɛ Kristo Yesu mɛ,

Korintoanɛ 1 6:17

Pɔ anunɔ gɛ abhɛtɛ tenikpo nɛ Apaleteɛ, alɛ tenikpo nɛ yɛ nɛ ɔfɔfuĩa mɛ.

Efesoanɛ 3:17

sɛ tɛ Kristo azã wɔnɔ etúɔ mɛ ɔgana tɛyɛyɛkɛŋã mɛ. Kɛlɛ ikulu Owusoso Akaa sɛ tɛ nɔkpɛ igu tɛ wɔnɔ tɛdɛdɛmɛ nɔ gagalĩ,