Romanɛ 8:6 - Nyangbo New Testament

⁶ Kɛgɛinu ebui kpaelete yɛtɛtɔtɔɖɔɔ, kɛmana butsí, pɔ ekpeɖekpeɖeɛ gɛ Ɔfɔfuĩa nɔ lɔgbana xɔnɔ lonu ɛkpã nɛ̀ ishu yɔyɔ,

Romanɛ 8:6 Referans Kwoze

Galatianɛ 6:8

Anunɔ gɛ aɖa bɔdɔ̃ sɛ tɛ eku yɛebui kpa gɛ abhɛtɛ nawɔ̃ɔ, denɔ kibui kpa ɛlɛ mɛɛ, ebedzyinì butsí, anunɔ gɛ aɖa bɔdɔ̃ sɛ tɛ eku Ɔfɔfuĩa nɔ awɔ̃ɔ xɔnɔɔ, denɔ Ɔfɔfuĩa nɔ mɛɛ, abamɔ ɛkpã tihɔɔ.

Romanɛ 8:7

ebui kpa bhɛbhɛtɛ ekpeɖekpeɖe enu kitití lɔlɔ nɛ Owusoso Akaa shu. Atɛ bhɛtɛ Owusoso Akaa ɔsha nabha, kɛlɛ atɛ balà abhɛtɛ tsyɛ.

Romanɛ 8:13

Onupɛ nɔzã nɛ̀ ɛkpã nɛ kanɔ alɛ ɛkpã kpa ulũɔ, nobotsí, pɔ onupɛ nɔlɔkɔ Ɔfɔfuĩa nɔ oyí kanɔ mɛ ebui kpa gɛ nɔdɛmɛ nɔ nɔ̀ɔ, nɔbɔzã nɛ ɛkpã,

Romanɛ 13:14

Nɛ alɛ nɛinye mɛɛ, nɔkɔ bɔlɔkɔ Apalete Yesu Kristo kpɛ ishu asɛ akpɛkpɛ ana, tɛ bɔta zɛbhɛtɛ ekpeɖekpeɖe mɛ nɛ kɛmɔ gɛ bɔmɔ same nɛ kanɔ alɛ mɛebui kpa bhɛbhɛtɛ shu.

Romanɛ 6:23

Ɔmɔsɛ kɛbhɛ gɛ babuia ɔkɔ ebui kpa bhɛbhɛtɛ, kɛli nu butsí, pɔ Owusoso Akaa yɛdɔ̃ kɔkɔ kɛli nu ɛkpã tihɔɔ nɛ Kristo Yesu bɔlɔ Apaleteɛ mɛ.

Galatianɛ 5:22

Pɔ Ɔfɔfuĩa nɔ eyuyuɔ yɛenu tɛdɛdɛmɛ nɔ, same mɔmɔ, ishu yɔyɔ, tɛdɔdɔ fɔ̃ɔ, ɛyamɛ gbangbã tɛbhɛbhɛtɛ, kibui gbangbã tɛbhɛbhɛtɛ, kibui gbã tɛɖɔɖɔ,

Romanɛ 6:21

Kiɖe nɔmɔ odenɔ kibe ɛlɛ ebui bhɛbhɛtɛ gɛ lenu awuĩ ebui ɔkɔ ɔnɔ otsiɛ nɔ mɛɛ dza? Ebui alɛ agbana anɔ avɛnɔ butsí mɛ.

Romanɛ 14:17

Ɔmɔsɛ Owusoso Akaa bukusi ŋaŋãa, itinu bɔdɔ̃ ŋaŋã nɛ̀ bɔdɔ̃ wɔɛwɔɛ ibui, pɔ kinu tɛzazã piapii, ishu yɔyɔ nɛ̀ same mɔmɔ nɛ̀ Ɔfɔfuĩa Gbangbã mɛ ibui.

Romanɛ 7:5

Nɛ kibe ɛlɛ gɛ kanɔ mɛ ebuiɛ azagbana ɔlɔɔ, ebui nɔnɔ gɛ agbanà anɔ akpɛ ebui kpa mɛ nɛ ɔsha nulũɔ azã ɔlɔ mɛ, kɛlɛ agɛ bɔbhɛtɛ pete agbana ɔlɔ ɔkpɛ butsí mɛ.

Romanɛ 7:11

Pɔ gɛ kibui kpa bhɛbhɛtɛ mɔɛ idzo nɛ ɔsha nabha soɔ, kibui kpa wɔɛ mɛ, kɛlɛ nɛ ɔsha nulũɔ butsí ba mabha.

Romanɛ 5:10

Ɔmɔsɛ nɛ kibeɛ gɛ bɔgɛ dɛmɛ nɛ Owusoso Akaa, Yɛeyiɛ ebevũ iboe nɛ bɔlɔɛishi, ɔgana yɛutsíɛ mɛ. Gɛ evũ iboe ɛlɛ anaa, kɛlɛ́ pɛ atɛ balà ɔlɔ ebu ɔgana yɛkpã gɛ alɔkɔ eluɔ mɛɛ dza?

Romanɛ 5:1

Kliso gɛ balɔkɔ ɔlɔ asɛ bunu banɔ gbangbã ɔgana tɛyɛyɛkɛŋã mɛɛ, ishu yɔyɔ lɛ ɔlɔ nɛ̀ Owusoso Akaa nɛishi, ɔgana bɔlɔ Apalete Yesu Kristo abha,

Romanɛ 8:27

Owusoso Akaa gɛ amɔ pɛ enyi bɔlɔ etúɔ mɛɛ, enyi Ɔfɔfuĩa nɔ ekpeɖekpeɖe mɛ, ɔmɔsɛ Ɔfɔfuĩa nɔ ɔyɛkɛ ebui nɛ banɔ dadalɛ nulũ, nɛ Owusoso Akaa tɛpɛpɛ ulũ.