Romanɛ 8:34 - Nyangbo New Testament

³⁴ Afana gɛ yɛebu kɛpɔ? Kristo Yesu, anunɔ gɛ yɛetsíɛ, kɛgɛ plɛnɔ ɔdɛɛ yɛenu anunɔ gɛ befeke edenɔ bekpu mɛ pɛ alɛ nɛ ɛkpã, adɛzã Owusoso Akaa nɛ̀ ɛŋã mɛ, kɛlɛ akɔ yɛtakpu tsyɛ nɛ bɔlɔ lũ.

Romanɛ 8:34 Referans Kwoze

Hebrianɛ 7:25

Kliso Yesu alà ebu bagɛ aba Owusoso Akaa ɔkɔ, ɔgana yɛabha, ɔmɔsɛ alɛ nɛ ɛkpã gɛ ayɛkɛ ebui nɛ alɛ ulũ.

Romanɛ 8:27

Owusoso Akaa gɛ amɔ pɛ enyi bɔlɔ etúɔ mɛɛ, enyi Ɔfɔfuĩa nɔ ekpeɖekpeɖe mɛ, ɔmɔsɛ Ɔfɔfuĩa nɔ ɔyɛkɛ ebui nɛ banɔ dadalɛ nulũ, nɛ Owusoso Akaa tɛpɛpɛ ulũ.

Petro 1 3:22

anɔ gɛavɛ kititiɛ pɛ avɛ Owusoso Akaa kɛŋã mɛ, ɔplɛnɔ baxɔ̃ɛdɛ, ɔshaeleteɛ nɛ̀ ihumieleteɛ tɛ bezhinì balɛ ishu esì akɔɛ.

Hebrianɛ 9:24

Ɔmɔsɛ Kristo egitsoku trɛwɔɛagba gɛ banɔ bedzu pɛ kenu kagbangbã ɔdɛ ɛtɔwui ɛyɛ mɛ. Kitití boŋ yɛavɛ pɛ alɛ Owusoso Akaa na mɛ nɛ bɔlɔ inye mɛ.

Romanɛ 8:1

Otsiɛ alɛ, kɛpɔ bubu nanà ma ɔkɔ bagɛ alɛ Kristo Yesu mɛ,

Koloseanɛ 3:1

Gɛ befeke ɔnɔ nɛ̀ Kristo soɔ, nɔlɔkɔ ɔnɔ etúɔ ɔtɔɖɔ kititì ɔdɔ̃ nabha, nɛ ɛkɛlɛ gɛ Kristo azã esi nɛ Owusoso Akaa nɛŋã mɛɛ.

Kibui Bubú Kasɛ 1:18

Mɛinu Enunuɔ, ititsí bafalanɔ, pɔ otsi alɛ ɛlɛ nɛ ɛkpã tihɔ, tihɔ! Kɛlɛ butsí nɛ̀ bekpu ipupukɔɔ lɛ mɛahɔɛ.

Romanɛ 14:9

Kɛlɛ̀ nɛ̀ ɛtakpu so ko pɛ gɛ Kristo etsíɛ, alɔ pɛ alɛ nɛ ɛkpã sɛ tɛ edzi Apalete akɔ bavɛvɛ nɛ̀ bagɛ alɛ nɛ ɛkpãa.

Romanɛ 4:25

Balɔkɔɛ akpɛ ahɔɛ akɔ butsi nɛ bɔlɔ ebui kpa ɛtakpu, pɔ Kitití ayɛ akɔ yɛalɔ nɛ bekpuɔ mɛ, sɛ tɛ balɔkɔ bɔlɔ asɛ bunu banɔ gbangbã.

Petro 1 3:18

Ɔmɔsɛ Kristo etsí butsì tunikpo akɔ ɔlɔ ebui kpa, anɔ gbangbã ebetsí akɔ ebui kpa bhɛbhɛtɛ eleteɛ sɛ tɛ̀ agbanà wɔnɔ amana Owusoso Akaa ɔkɔ. Beyíi nɛ ishudzya mɛ, pɔ ɔfɔfuĩa nɔ ɔkɔ yɛazã nɛ ɛkpã,

Hebrianɛ 1:3

Eyianyɛ alɛ yɛebu Owusoso Akaa yɛishu dadalɛ akasɛ, nɛ kɛlɛ gɛ alɛ nulũ, gɛ abhɛtɛ ebuiɛ pete aganà yɛohumi ebui ɖɔɖɔ nabha. Gɛ alɔkɔ yɛishu akɔ nɛ ɔlɔ ebui kpa bhɛbhɛtɛ ɛtakpu shu ebekeɛ, avɛ adɛzã esi nɛ Ohumielete nɛ ɛŋã mɛ nɛititíɛ.

Romanɛ 14:13

Kɛlɛ̀ soɔ, nɔkɔ bɔyɔlɔ bubhu tikuklu nɛ̀ bagɔlɔ. Nɛ kɛlɛ́ nɛinye mɛɛ, anɔ na nà atɛ lɔkɔ kɛdɔ̃ gɛ bakpata alo tɛ abhɛtɛ kibui alɔkɔ ebhui idzo mɛ akɔ yɛadzya nɔ.

Banɔkpɛkpɛ Axɔ̃ɛ 2:24

Pɔ Owusoso Akaa efeke yɛ odenɔ bekpuɔ mɛ, kɛlɛ ebui aganà butsíɛ bɔlɛ bɔtɔ mɔmɔ mɛ, ɔmɔsɛ butsí gɛmɔ kidzo tɛ bɔkɔ yɛawɔ bɔlɛ ahɔɛ mɛ.