Romanɛ 8:30 - Nyangbo New Testament

³⁰ Bagɛ balɛishu yɛabhɛtɛ tɛtɔtɔɖɔ ɛlɛ elu akɔɔ, balɛ tsyɛ yɛekulu, bagɛ ekuluɔ balɛ tsyɛ yɛebhui utsyɔa akɔ, kɛlɛ bagɛ balɛ yɛebhui utsyɔa akɔɔ, balɛ tsyɛ shu yɛadalɛ.

Romanɛ 8:30 Referans Kwoze

Kibui Bubú Kasɛ 17:14

Babà lɔkɔ eyu nɛ Obhoshieyiɛ shu, pɔ Obhoshieyiɛ abaŋã alɛ abha, ɔmɔsɛ yɛenu Apalete akɔ bapaleteɛ nɛ̀ Ekusi akɔ bekusiɛ-bagɛ babà plɛni yɛɛ, balɛ enu bagɛ ekuluɔ, bagɛ ebuɔ nɛ̀ bagɛ ayɛkɛ yɛabha aŋãa.”

Romanɛ 8:28

Bunyi nɛ kɛka nyia ka mɛɛ ɔsɛ, Owusoso Akaa abhɛtɛ ɛlɛ kidzi kɛgbangbã ɔkɔ bagɛ adɛmɛ nɛ yɛ, bagɛ alɛ yɛekulu nɛ yɛtɛtɔtɔɖɔ ɔluɔ.

Efesoanɛ 1:11

Yɛ mɛ bebu ɔlɔ tsyɛ, gɛ atɔɖɔ ɛlɛ asɛ ababhɛtɛ ɔlɔ akpɛ otugbà nɛ yɛ tɛtɔtɔɖɔ ulũ, anɔ gɛ yɛawɔa axɔ̃ɛ sɛ labhɛtɛ tenikpo nɛ kɛgɛ yɛatɔɖɔ nɛ̀ kɛgɛ yɛapɛ ulũ,

Hebrianɛ 9:15

Nɛ kidzo ɛlɛ nabhaa, Kristo edzi iboe evuvũ akɔ olũgbu nyanyã vɔvɔ ɔlɛ, sɛ tɛ bagɛ bekuluɔ tɛ bamɔ kaŋãsi tihɔɔ ayɛkɛ nɛ tɛtɔtɔɖɔ nulũ, Kristo ebetsí sɛ tɛ ebu balɛ eyinɔ nɛ balɛ ebui kpaa gɛ babhɛtɛ nɛ olugbũ nyanyã gɛ oputɔ nɛibeɛ.

Efesoanɛ 1:5

atɛ tɔɖɔ ɛlɛ ɔsɛ ababhɛtɛ ɔlɔ akpɛ otugbà tɛ budzi asɛ yɛeyi alɛ ana ɔgana Yesu Kristo abha, nɛ yɛ tɛpɛpɛ nɛ̀ tɛtɔtɔɖɔ ulũ,

Petro 1 2:9

Pɔ nɔonu banɔ gɛ bebú elú, bukusi ɔŋakɔ gɛ nɔonu ekusi, kɛmadi gɛdalɛ, banɔ gɛ benu Owusoso Akaa ayɛ, sɛ tɛ nɔɖɔaɖɔ ɔkpɛ anunɔ gɛ ekulu wɔnɔ yɛinyeɛ nɛitití, anunɔ gɛ ebu wɔnɔ eyinɔ odenɔ otumũɔ mɛ amana tɛdadalɛ gɛ bhɛtɛ ibiɛ mɛ.

Korintoanɛ 1 6:11

Ebui alɛ wɔnɔ mɛ banɔ teli aza abhɛtɛ. Pɔ beplu wɔnɔ ishu, badalɛ wɔnɔ shu, kɛlɛ bebhui bɔtyɔa akɔ wɔnɔ nɛ Apalete Yesu Kristoɔ nɛ Owusoso Akaa Ɔfɔfuĩa nɛinyeɛ mɛ.

Petro 1 3:9

Nɔtɛ lɔkɔ kibui kpa ɔlɔkɔ buia kɛbhɛ ɔkɔ kibui kpa nɔ, alo nɔtsɛɖakɛ̀ aklɔatu, pɔ nɔoyulà ɔkɔ bagɔlɔ, ɔmɔsɛ kibui ɛlɛ shu so pɛ bekulu wɔnɔ sɛ tɛ̀ nɔbɔmɔ tiyuyulà.

Petro 2 1:10

Klisoɔ, mɛadzya alɛ mɔ, nɔ owlui ɔkpɛ emi gagalĩ tɛ kɛkasɛ ɔsɛ wɔnɔ tikukuluɔ nɛ̀ tibubuɔ lɛ ɛlɛ ɔzakɔ. Ɔmɔsɛ onupɛ nɔbhɛtɛ̀ ana, nɔtɛ bɔdɔ̃ oboe oɖi,

Korintoanɛ 1 1:9

Owusoso Akaa gɛ yɛekulu wɔnɔ akɔ ɔhakpɛkpɛ nɛ̀ Yɛeyianyɛ Yesu Kristo gɛenu bɔlɔ Apaleteɛ, enu kibui gɛlɛ kɛlɛ ɔzãkɔ abhɛbhɛtɛ elete.

Tesalonikanɛ 1 2:12

pɛ bɔkpɛ wɔnɔ kemi, bɔyɔ wɔnɔ ishuɔ mɛ̀ pɛ bɔkpalà wɔnɔ ɔsɛ tɛ nɔza nɛ̀ ɛkpã gɛ pɛ ɔkɔ Owusoso Akaa, anɔ gɛ yɛekulu wɔnɔ ɔkpɛ yɛ bukusiŋaŋã nɛ̀ tɛdadalɛ mɛ.

Korintoanɛ 1 1:2

Ɛfɔnɔ kalɛ sɛsɛ Owusoso Akaa ɔha gɛalɛ Korinto, nɛ̀ bagɛ badalɛ balɛishu nɛ Yesu Kristo mɛ pɛ balɛishu dalɛ, ɔlɔkɔ plɛnɔ bagɛ balɛ ɔkɔ nyia ɔkɔ pɛ beekulu Apalete Yesu Kristoɔ inyeɛ, anɔ gɛenu balɛ Apaleteɛ nɛ̀ bɔlɔ ayɛ.

Timoteo 2 2:11

Kɛlɛ nu kibui gɛlɛ ɛlɛ ɔzãkɔ gɛ baɖɔ asɛ, Onupɛ butsi plɛnɔ yɛɛ, bɔba zã nɛ ɛkpã nɛ yɛ tsyɛ,

Kibui Bubú Kasɛ 19:9

Kɛlɛ axɔ̃ɛdɛ etseɖe mɛasɛ, “Fɔnɔ olu ɔsɛ, ‘Beyula akɔ bagɛ bekulu alɛ amana Obhoshieyiɛ adzɛ gbagbana ɔwlɔago ɔdɔ̃ ɔŋãkɔɔ!’ ” Kɛlɛ aɖɔ aplɛnɔ asɛ, “Owusoso Akaa, yɛolugbũ mɛ ebuiɛ gɛenu ɛgbã nu alɛ.”

Petro 1 5:10

Kɛlɛ Owusoso Akaa gɛenu tibhui bhuibu eleteɛ petee nɔ, anɔ gɛ yɛekulu wɔnɔ amana Kristo yɛ sameɛ gɛ etibeleɛ mɛɛ, gɛ onupɛ nɔmɔ bɔtɔ̀ ebekeɛ nɛ kibè gulũi lɛ, yɛabàkɔ nɔzã gagalĩi pɛ nɔ otɛbɔ hɔa.

Koloseanɛ 3:4

Onupɛ Kristoɔ gɛenu ɔnɔ ɛkpã ebe koeyiɛ, kɛlɛ wɔnɔ tsyɛ obokoeyì ɔplɛnii nɛ ishu dadalɛ mɛ.

Efesoanɛ 4:4

Ishudzya tinikpo nɛ̀ Ɔfɔfuĩa tonikpo ɔlɔ lɛ, asɛ kana gɛ bekulu ɔnɔ akɔ kidzo mɛ ɖiɖi tinikpo nɛ kibeɛ gɛ bekulu ɔnɔ.

Korintoanɛ 2 4:17

Ɔmɔsɛ bɔlɔ bɔtɔ lɛ gidzi foele pɛ bɔfalà gulũi nɔ, bakɔ bɔlɔ̀ tɛdadalɛ gɛbazã tihɔɔ gɛ dɛ kɛka nyia ka.

Efesoanɛ 2:6

Kɛlɛ Owusoso Akaa efeke ɔlɔ aplɛnɔ Kristo kɛlɛ alɔkɔ ɔlɔ adɛzã esi ɔplɛnɔ yɛishu nɛ kititì bukusi ɔŋãkɔ nɛ Kristo Yesu mɛ,

Romanɛ 8:1

Otsiɛ alɛ, kɛpɔ bubu nanà ma ɔkɔ bagɛ alɛ Kristo Yesu mɛ,

Romanɛ 1:6

Kɛlɛ wɔnɔ Romanɛ tsyɛ nɔkpasɛ bagɛ bekulu asɛ bedzi Yesu Kristoanɛ nɛishi.

Romanɛ 8:21

sɛ kiwui tiliɛ kanɔ mɛ bɔdɔ̃ pete baboele ishu odenɔ nɛ banɔ esi, kɛlɛ beti betsí atsɔmɔ, kɛlɛ babà mana alɛ nɛ ishu ahɔɛ mɛ zazã dadalɛ gbangbã mɛ, gɛ babàkɔ Owusoso Akaa yɛeyi alɛ.

Romanɛ 11:29

ɔmɔsɛ Owusoso Akaa yɛbɔdɔ̃ kɔkɔ anɔ nɛ̀ yɛ banɔ tikukuluɔ titsyina ɖa.

Korintoanɛ 1 2:7

Oo, Owusoso Akaa bubutiɛ gɛ bukpũɔ shu bɔɖɔ kaɖɔ, bubutìɛ gɛ bekpũ bɔlɛ pɛ Owusoso Akaa abalɛ elú akɔ bɔlɔ shu dadalɛ flogo pɛ kanɔ nɔ̀ abakpɛ kesi.

Galatianɛ 1:6

Kɛbhɛtɛ mɛibi ɔsɛ tsiɔ̃ ɔlɛ koɔ, nɔ vɛlɛ shɛnɛ ahɔɛ nɛ anunɔ gɛ yɛekulu ɔnɔ amana Kristo yɛ tibhui bhuibuɔ mɛ shu olú, pɛ nɔ otsyina ɔvɛ ebui bhlatɔ gɛ bafɔnɔ eluɔ shu,

Galatianɛ 1:15

Pɔ Owusoso Akaa anɔ gɛ yɛebu mɛ elu flogo pɛ baba mɔ mɛ, pɛ yɛekulu mɛ akpɛ yɛ tibhui bhuibuɔ mɛɛ, same ebekui

Galatianɛ 5:8

Bulũ wɔɛwɔɛ ɛlɛ nɛidi gɛide agɛ yɛekulu ɔnɔ ɔkɔ.

Efesoanɛ 3:11

nɛ kɛgɛ atɔɖɔ ɔkɔ ɛkpã tihɔɔ nɔ, gɛ abhɛtɛ ɛlɛ ebeke ɔgana Kristo Yesu bɔlɔ Apaleteɛ mɛ.