Romanɛ 8:3 - Nyangbo New Testament

³ Kɛgɛ ɔsha ɔgɛmɔ ohumi ɔbhɛtɛ, ɔmɔsɛ kanɔ alɛ mɛ ɛkpã kpa ŋã ɔlɛ abha soɔ, kɛlɛ Owusoso Akaa abhɛtɛ aganà yɛahɔɛ Eyiɛ gɛ asɛsɛ nɛ ebui kpa bhɛbhɛtɛ anɔ tɛzazã mɛ, tɛ edzi asɛ kɛdɔ̃ kɔkɔ nɛ ebui kpa ɛtakpu ana. Kliso ebu kibui kpa ɛpɔ nɛ kibui kpa bhɛbhɛtɛ anɔ mɛ,

Romanɛ 8:3 Referans Kwoze

Banɔkpɛkpɛ Axɔ̃ɛ 13:39

Gana yɛabha anɔ nyia anɔ gɛ ayɛkɛ aŋã, bebè bhui bɔtsyɔa akɔɛ odenɔ kɛka nyia ka mɛ batɛ balɔkɔ bɔtyɔa bhui bhui akɔ wɔ nɛ Mose ɔshaa nulũ.

Galatianɛ 3:13

Kristo ebu ɔlɔ odenɔ kibuiɛ gɛ baɖɔ akpɛ ɔlɔ ɔsha niesi, kɛlɛ yɛebedzi kibuiɛ gɛ baɖɔ akpɛ ɔlɔ, ɔmɔsɛ bafɔnɔ elu asɛ, “Baɖɔ kibui akpɛ anɔ ka nyia ka gɛ akpɛ ohui oli nɛ busi mɛ.”

Korintoanɛ 2 5:21

Owusoso Akaa bhɛtɛ anɔ nɔ gɛ yɛishu kibui kpa ma sɛ tɛ edzi kibui kpa nɛ bɔlɔ kɛtakpu, sɛ tɛ gana yɛabhaa, budzi Owusoso Akaa anɔ dadalɛ.

Hebrianɛ 10:14

ɔmɔsɛ gana bɔdɔ̃ pɔpɔɛ tunikpo mɛɛ, abhɛtɛ bagɛ balɛishu badalɛɛ, bamɔ tɛdadalɛ tihɔɔ.

Petro 1 2:24

Yɛalɔkɔ bɔlɔ ebui kpa akpɛ yɛishuɔ mɛ̀ nɛ busiɛ shu, sɛ tɛ butsì ɔkɔ kibui kpa bhɛbhɛtɛ tɛ̀ bɔzã nɛkpã ɔkɔ kibui gbangbã tɛbhɛbhɛtɛ, ganà yɛapɔ̃ mɛ bebu banyã akɔ wɔnɔ.

Romanɛ 6:6

Ɔmɔsɛ bunyi sɛ bakpala bɔlɔ ɛkpã kukuɔ nɛ̀ Kristo tɛ kɛkɔ ɔsɛ bɔshɛnɛ ahɔɛ nɛ ishupiɛ gɛ dɛmɛ ebui kpa bhɛbhɛtɛ shu lu, sɛ tɛ bɔtadzi banɔ dzidzi ɔkɔ ebui kpa-

Galatianɛ 3:21

Ɔshaa pɔ, bafɔnɔ ɔlɛ alɔkɔ alɔɛtití nɛ Owusoso Akaa yɛibuiɛ gɛ atɔɖɔ eluɔ shu dza? Gɛnɛ kana kɛlɛ! Ɔmɔsɛ onupɛ bakpɛ ɔsha toli olu gɛ lobo tsyina banɔ ɛkpãa, kɛlɛ kibui gbangbã bhɛbhɛtɛ tade koeyi nɛ ɔshaa mɛ xɔ̃ɔ.

Romanɛ 8:32

Owusoso Akaa alɛ gɛ agɛkɔ ɛtakpu asɛ atɛ ashɛnɛ ahɔɛ nɛ Yɛeyiɛ shu, pɔ ashɛnɛ ahɔɛ nɛ yɛishu akɔ ɔlɔ petee nɔ, kiɖeso pɛ atɛ alɔkɔ bɔdɔ̃ pete tsyɛ aplɛnɔ akɔ ɔlɔ nɛ̀ sameɛ dza?

Romanɛ 3:20

Kliso batɛ balɔkɔ anɔ nanà asɛ enu anɔ gbangbã nɛ Owusoso Akaa namɛ, sɛ gɛ abhɛtɛ ɔsha nabha so, pɔ gana ɔsha mɛ boŋuɔ, buuti sɛ ebui kpa bhɛbhɛtɛ alɛ.

Hebrianɛ 2:14

Gɛ ishupi nɛ̀ dzyosu alɛ beyi alɛ mɛɛ, Yesu tsyɛ ezhinɔ ishu esi asɛ balɛ ana, sɛ tɛ gana yɛutsíɛ mɛɛ, tɛ etũ ɔtsɛɖɛ ayɛ Satana gɛ yɛahɔɛ mɛ butsí ohumi nɔ ɔlɛɛ, gɛ yɛenu anɔ zizĩɛ

Filipianɛ 2:7

pɔ abhɛtɛ ishu asɛ etinu kɛdɔ̃ nanà, pɛ abhɛtɛ yɛishu asɛ axɔ̃ɛdɛ ana, gɛ babhɛtɛ yɛ nɛ anɔdzyrame yɛ tɛlɛlɛ mɛ.

Hebrianɛ 10:12

Pɔ gɛ Kristo abalɔkɔ yɛishu akɔ, bɔkɔ tunikpo, nɛ ebui kpa nɛ takpu, nɛ ebeɛ pete ulũɔ, adɛzã esi nɛ Owusoso Akaa nɛ ŋã mɛ.

Hebrianɛ 4:15

Ɔmɔsɛ anɛ banɔlũazazã gɛ atɛ balà elũ bɔtɔ gɛlɛ ɔlɔ shuɔ, yɛalɛ ɔlɔ ahɔɛ, pɔ enu anɔ gɛ befekeɖi nɛ kɛka nyia ka mɛ ɔmɔ asɛ bɔlɔ ana-pɔ yɛxɔnɔ kibui kpa nanà gɛzã yɛishu.

Hebrianɛ 2:17

Klisoɔ, kɛlɛ sɛ babhɛtɛi asɛ yɛadzya alɛ nɛidzo ka nyia ka abha, sɛ tɛ edzi banɔlũazazã gbagbla gɛ abalà eɖi ashagabui pɛ ababhɛtɛ ibui gɛlɛ ɛlɛ ɔzãkɔ, nɛ Owusoso Akaa ɛxɔ̃ɛ mɛ, sɛ tɛ alɔkɔ yɛishu akɔ nɛ banunɔ ebui kpa bhɛbhɛtɛ shu.

Romanɛ 9:3

Pɔ kɛta dzi mɛ tɛpɛpɛ ɔsɛ tɛ baɖɔ kibui akpɛ mɛ, kɛlɛ tɛ bebhui mɛ atɛɛ nɛ Kristo shu nɛ mɛelɛ alɛ, nɛ̀ mɛepi anɛ,

Romanɛ 7:18

Gɛ anɔdzyrame mɛinu soɔ, inyi sɛ kɛgbangbã nanà ma mɛmɛ̀. Ɔmɔsɛ mɛ tɛpɛpɛ kinu ɔsɛ tɛ ɛbhɛtɛ kibui gbangbã flogo, pɔ ɛtɛlà kɛlɛ bhɛtɛ.