Romanɛ 8:25 - Nyangbo New Testament

²⁵ Pɔ onupɛ bulu awɔ̃ nɛ kɛdɔ̃ gɛ kaku ɔlɔ ahɔɛ mɛɛ, kɛlɛ bulú kitú esi ipo ɛlɛ.

Romanɛ 8:25 Referans Kwoze

Romanɛ 12:12

Awɔ̃ lulu azã wɔnɔ same mɔmɔ mɛ, tɛdɔdɔ fɔ̃ɔ nɛ banɔ luhũ ikpɛ ibe, nɔlɔkɔ tɛyɛyɛkɛŋã okulu Akaa nɔ.

Hebrianɛ 10:36

Nɔkpɛ emi, pɛ nɔbhɛtɛ nɛ Owusoso Akaa yɛtɛtɔtɔɖɔ lu abhaa, nɔbɔ yɛkɛ kɛgɛ atɔɖɔ elu asɛ abakɔ ɔnɔɔ.

Tesalonikanɛ 1 1:3

Butsiɖi ɛlɛ abha bakà wɔnɔ nɛ bɔlɔ Owusoso Akaa namɛ, anɔ gɛenu bɔlɔ Akaa nɛ wɔnɔ kɛxɔ̃ɛ wɔawɔa gɛ mana tɛyɛyɛkɛŋã shu, wɔnɔ bɔtɔ mana tɛdɛdɛmɛ nɔ, nɛ̀ wɔnɔ kemi kpɛkpɛ gɛ mana ohumi kpɛkpɛ nɛ bɔlɔ Apalete Yesu Kristo mɛ.

Koloseanɛ 1:11

tɛ̀ nɔzã gagalĩ nɛ̀ ohumi petee nɛ yɛ ohumi dadalɛ nulũ, sɛ tɛ̀ nɔmɔ kemi kpɛkpɛ nɛ̀ kitu esi lulu tɛ nozohu Akaa

Tesalonikanɛ 2 3:5

Nɔkɔ Apaleteɛ ashɔrɔ wɔnɔ etúɔ akpɛ tɛdɛdɛmɛ nɔ nɛ̀ Owusoso Akaa nɛ kemi kpɛkpɛ nɛ Kristo mɛ.

Romanɛ 8:23

Anɛ kanɔ mɛ bɔdɔ̃ ete, pɔ bɔlɔ bagɛ buputɔ nimi nɛ Ɔfɔfuĩa mɛ ɛdɔ̃ kɔkɔ shu tsyɛ, bunimi nɛ ɔlɔ ishu mɛ, nɛ kibeɛ gɛ bupo bɔlɔ tɛyɛyɛkɛ ɔmɔ asɛ beyi anà, tɛ bɔmɔ ɔlɔ ishu ahɔɛmɛ zazã.

Kibui Bubú Kasɛ 1:9

Mɛ, wɔnɔ adzya Yohanɛs, gɛ bɔzã itsu nɛ bɔtɔ mɛ pɛ bɔkpɛ emi, dɔ fɔ̃ɔ ɔkɔ bukusiɛ gɛinu ɔlɔ ɔyɛ ɔgana Yesu mɛ, ɛzã Patmo bulĩetukpɔ nabha, nɛ Owusoso Akaa ibuiɛ gɛ ɛɖɔ dalɛ Yesu shu so.

Hebrianɛ 6:12

Bɔgɛ pɛ sɛ nodzi banɔ zhɔzhɔrɛ, pɔ nɔkpasɛ bagɛ azã nɛ̀ ɛkpã ɔgana tɛyɛyɛkɛŋã nɛ̀ tɛdɔdɔ fɔ̃ɔ mɛ, pɛ bayɛkɛ kɛgɛ batɔɖɔ eluɔ.

Romanɛ 2:7

Bagɛ gana balɛ emi kpɛkpɛ mɛ pɛ baabhɛtɛ ebui gbangbã, pɛ bazapɛɛ inye gbangbã nɛ̀ bobo akɔ Owusoso Akaa, pɛ bazapɛ asɛ tɛ bazã nɛ̀ ɛkpã ɖaa nɔ, abakɔ alɛ ɛkpã tihɔɔ.

Kibui Bubú Kasɛ 14:12

Kɛlɛ sɛ tɛ bagɛ balɛishu badalɛ, pɛ babhɛtɛ nɛ Owusoso Akaa yɛɔsha nabha, pɛ begi tsodzi nɛ Yesu edeɛ, tɛbadɔ fɔ̃ɔ nɛ kemi kpɛkpɛ mɛ.

Kibui Bubú Kasɛ 13:10

Onupɛ kɛlɛ sɛ tɛ anɔ teli azã anɔ esiɛ, anɔ esi yɛbavɛ adɛzã. Onupɛ kɛlɛ sɛ bɛtɛ̀ balɔkɔ tɛ beyí anɔ teli nɔɔ, bɛtɛ̀ babàlɔkɔ eyí nɔ. Baɖɔ kɛlɛ ana, sɛ tɛ bagɛ badalɛ balɛishuɔ tɛ baadɔ fɔ̃ɔ nɛ̀ kemi kpɛkpɛ nɛ̀ tɛyɛyɛkɛŋã mɛ.

Hebrianɛ 6:15

So gɛ Abraham adɔ fɔ̃ pɛ epoɔ, abayɛkɛ kɛgɛ batɔɖɔ eluɔ.