Romanɛ 8:23 - Nyangbo New Testament

²³ Anɛ kanɔ mɛ bɔdɔ̃ ete, pɔ bɔlɔ bagɛ buputɔ nimi nɛ Ɔfɔfuĩa mɛ ɛdɔ̃ kɔkɔ shu tsyɛ, bunimi nɛ ɔlɔ ishu mɛ, nɛ kibeɛ gɛ bupo bɔlɔ tɛyɛyɛkɛ ɔmɔ asɛ beyi anà, tɛ bɔmɔ ɔlɔ ishu ahɔɛmɛ zazã.

Romanɛ 8:23 Referans Kwoze

Hebrianɛ 9:28

kliso Kristo alɔkɔ yɛishu akɔ nɛ kibe tinikpo mɛ, sɛ tɛ ebu banɔ gelee ebui kpa atɛ, kɛlɛ azababa bɔbhalà, anɛ ɔlɔ ebui kpa tɛyɛyɛkɛ so pɛ azababa, pɔ ababá sɛ tɛ ebu bagɛ belu awɔ̃ nɛ yɛtɛbabá nabhaa.

Efesoanɛ 1:14

gɛenu kɛdɔ̃ gɛ alɔkɔ akpɛ ide ɔkɔ ɔlɔ kaŋãsiɛ odiyinɔ kibeɛ gɛ bebu bagɛ enu Owusoso Akaa yɛanunɔ ɔkɔ yɛ tɛdadalɛ kpɛkpɛ nɛitití.

Efesoanɛ 4:30

Kɛlɛ nɔtɛ kɔ Owusoso Akaa Ɔfɔfuĩa Gbangbã ɔmɔ̃ ɔwɔ̃nyɔnɔ, gɛ ɔlɛ balɔkɔ adã ɔnɔ ɔdɔ̃ elu nɔ, odiyinɔ kiwuiɛ gɛ bebè bu ɔnɔ.

Tito 2:13

nɛ kibeɛ gɛ buɖi kidzo mɛ ɔkɔ tiyuyula gɛ buɖi kidzo mɛ ɔkɔɔ, nɛ kibeɛ gɛ bupo tiyuyula ɛwuiɛ gɛ buɖi kidzo mɛ ɔkɔ nɛ Owusoso Akaa gbagbla yɛ tɛdadalɛ nɛ̀ Yesu Kristo gɛ ebu ɔlɔ tɛbaba nabha,

Galatianɛ 5:5

Pɔ nɛ tɛyɛyɛkɛŋã mɛɛ, budzi ipo tɛzazã piapi nɔ gɛ buɖi kidzo mɛ ɔkɔ ɔganà Ɔfɔfuĩa nɔ mɛ gagalĩ.

Romanɛ 7:24

Ashagabui elete ɖuwoe lu idi nɛ alɛ mɛinuɔ mɔ! Afana gɛ ebebu mɛishupi ɛlɛ eyinɔ nɛ butsi lɛ mɛ?

Romanɛ 8:19

Kanɔ mɛ bɔdɔ̃ bhɛbhɛtɛ pete epo nɛ̀ awuhũ dzadzã ɔkɔ Owusoso Akaa yɛeyi alɛ tibubu kasɛ.

Yohanes 1 3:2

Mɛadzya alɛ gɛ ɛdɛmɛ nɔɔ, otsi alɛ bunu Owusoso Akaa yɛeyi alɛ, kɛlɛ bekebu kɛgɛ bɔbà dziɛ kasɛ. Pɔ bunyi sɛ onupɛ ebekoeyìɛ, bɔbà zã asɛ yɛanà, ɔmɔsɛ bɔbà mɔ yɛ asɛ kana gɛ alɛɛ ana.

Petro 1 1:7

Ebui alɛ aba ɛlɛ mɛ ana sɛ tɛ̀ wɔnɔ tɛyɛyɛkɛŋã, gɛ kigbogbolo ɔdɛ sikãɛkpã gɛ bazĩ, gɛ balɔkɔ kifù adalɛ ɛlɛ shu nɔ pɔ flogo. Tɛ babhɛtɛ ɛlɛ kidzi kibui ɛgbã gɛ babakpɛ ɛlɛ inye nɛitití, pɛ ishu dadalɛ nɛ̀ inyè gbangbã tsyɛ bazã ɛlɛ shu gɛ onupɛ Yesu Kristo ebekoeyìɛ.

Timoteo 2 4:8

Otsi alɛ xɔnɔ, balɔkɔ kibui gbangbã tɛbhɛbhɛtɛ kikutuɔ abalɛ elu akɔ mɛ, kɛgɛ Apalete gɛenu kebhu gbangbã kukulu eleteɛ, abalɔkɔ akɔ mɛ nɛ kiwui ɛlɛ nabhaa, kɛlɛ gɛnɛ mɛ ete yɛabakɔ, pɔ abakɔ bagɛ eɖi yɛ tɛbaba idzo mɛ tsyɛ.

Romanɛ 5:5

Kɛlɛ awɔ̃luluɔ atɛwɔɛ anɔ, ɔmɔsɛ Owusoso Akaa yɛtɛdɛdɛmɛ nɔ̀ɔ yɛalɔkɔ eyuku bɔlɔ etúɔ mɛ nɔ, ɔgana Ɔfɔfuĩa Gbangbã gɛ akɔ ɔlɔ mɛ.

Efesoanɛ 5:9

tɛ nɔ pɛɛ kɛgɛ ikù Apaleteɛ sameɛ,

Korintoanɛ 2 7:5

Ɔmɔsɛ gɛ bɔba Makedonia nɔ, bɔlɔ ishudzya ɛlɛ gimoele ɖi, pɔ bazã kpɛ bɔlɔ buluhũ nɛ kɛka nyia ka bhɛbhɛtɛ shu, ebela pɛpɛ ebui nɛ ɔtɔ̃ɔ, kɛmana kifu sisi nɛ bɔlɔ etúɔ mɛ.

Romanɛ 5:3

Anɛ kɛlɛ ete ko, pɔ bɔmɔ same tsyɛ nɛ bɔlɔ ɔtɔ mɛ, ɔmɔsɛ bunyi sɛ bɔtɔ kɔ sɛ anɔ akpɛemi,

Romanɛ 5:11

Anɛ kɛlɛ ete ko, pɔ bɔmɔ same tsyɛ nɛ Owusoso Akaa mɛ ɔgana bɔlɔ Apalete Yesu Kristo abha, anunɔ gɛ yɛabhaa bɔgã, pɛ bɔmɔ tenikpo bhɛbhɛtɛ.

Korintoanɛ 1 1:7

Klisoɔ, nɔtɛ ɔpɛɛ ɔfɔfuĩa mɛ kɛdɔ̃ kɔkɔ nanà gɛ noɖì kidzo mɛ gagalĩi ɔkɔ bɔlɔ Apalete Yesu Kristo yɛ tibubu kasɛɛ.

Korintoanɛ 2 1:22

alɔkɔ adadã gɛ akasɛ asɛ yayɛ bunuɔ adã bɔlɔ ulũ nɔ, kɛlɛ alɔkɔ yɛ Ɔfɔfuĩa nɔ akpɛ bɔlɔ etúɔ mɛ̀ asɛ kɛdɔ̃ gɛ alɔkɔ atɔɖɔ kɛklagbu nɛ kɛgɛ baba nabha.