Romanɛ 8:19 - Nyangbo New Testament

¹⁹ Kanɔ mɛ bɔdɔ̃ bhɛbhɛtɛ pete epo nɛ̀ awuhũ dzadzã ɔkɔ Owusoso Akaa yɛeyi alɛ tibubu kasɛ.

Romanɛ 8:19 Referans Kwoze

Yohanes 1 3:2

Mɛadzya alɛ gɛ ɛdɛmɛ nɔɔ, otsi alɛ bunu Owusoso Akaa yɛeyi alɛ, kɛlɛ bekebu kɛgɛ bɔbà dziɛ kasɛ. Pɔ bunyi sɛ onupɛ ebekoeyìɛ, bɔbà zã asɛ yɛanà, ɔmɔsɛ bɔbà mɔ yɛ asɛ kana gɛ alɛɛ ana.

Romanɛ 8:23

Anɛ kanɔ mɛ bɔdɔ̃ ete, pɔ bɔlɔ bagɛ buputɔ nimi nɛ Ɔfɔfuĩa mɛ ɛdɔ̃ kɔkɔ shu tsyɛ, bunimi nɛ ɔlɔ ishu mɛ, nɛ kibeɛ gɛ bupo bɔlɔ tɛyɛyɛkɛ ɔmɔ asɛ beyi anà, tɛ bɔmɔ ɔlɔ ishu ahɔɛmɛ zazã.

Filipianɛ 1:20

Iɖi idzo mɛ gagalĩi pɛ ilu awɔ̃ sɛ ɛtɛ bà ŋã kiwũi nɛidzo nanà abha, pɔ ɛba mɔ̃ kemì kpɛkpɛ gelee, sɛ tɛ otsiɛ nɔ gɛ babà zakpɛ̀ Kristo inyeɛ nɛitití nɛ mɛ mɛ̀, kɛbà gã ɛkpã mɛ alo butsì mɛ tsyɛo.

Banɔkpɛkpɛ Axɔ̃ɛ 3:21

Kɛlɛ ɔsɛ tɛ Yesu azã kititiɛ, ɔvɛnɔ sɛ kibeɛ na ɔsɛ tɛ Owusoso Akaa edzinɔ kɛka nyia ka ewoese, asɛ gɛ atɔɖɔ elú abafalanɔ ɔgana yɛebuiɖɔlunɛ gɛ balɛishuɔ dalɛ nabha.

Romanɛ 8:14

ɔmɔsɛ bagɛ Owusoso Akaa Ɔfɔfuĩa nɔ ɔgbanaa, Owusoso Akaa yɛeyi alɛ benu,

Romanɛ 8:16

Ɔfɔfuĩa nɔ ɔbhɛtɛ tenikpo nɛ̀ bɔlɔ ɔyɛ, pɛ lɔdalɛ bɔlɔ ishu ɔsɛ Owusoso Akaa yɛeyi alɛ bunu.

Romanɛ 8:18

Nɛ mɛɔdɔ̃ mɔmɔ lũɔ, kibe ɛlɛ ɔtɔ tinu kɛdɔ̃ gɛ babalà alɔkɔ ashɔnɔ ishu dadalɛ gɛ bebebu akasɛ nɛ ɔlɔ mɛɛ.

Romanɛ 9:26

Kɛlɛ, “Kɛbàba ɛlɛ mɛ ɔsɛ ɛkɛlɛ tututu gɛ baɖɔ etseɖe balɛ asɛ, ‘Gɛnɛ mɛanɔ nonu,’ bebekulu balɛ asɛ, ‘Owusoso Akaa enunuɔ yɛeyi alɛ.’ ”

Korintoanɛ 1 1:7

Klisoɔ, nɔtɛ ɔpɛɛ ɔfɔfuĩa mɛ kɛdɔ̃ kɔkɔ nanà gɛ noɖì kidzo mɛ gagalĩi ɔkɔ bɔlɔ Apalete Yesu Kristo yɛ tibubu kasɛɛ.

Korintoanɛ 1 1:8

Abakɔ nɔzã gagalĩ ɔvɛnɔ kiwui gɔgɔ nabha, kɛba kɔsɛ nɔtɛ bɔmɔ bamɛ tsitsí nɛ bɔlɔ Apalete Yesu Kristo yɛiwui nabha.

Korintoanɛ 2 6:18

“Ɛbadzi Akaa ɔkɔ wɔnɔ kɛlɛ nɔ obodzi mɛeyianyɛ nɛ̀ beyiadzɛ alɛ, kana Apaleteɛ gɛenu Ohumi petee eleteɛ aɖɔ.”

Galatianɛ 3:26

Beyì wɔnɔ petee onu ɔkɔ Owusoso Akaa ɔgana tɛyɛyɛkɛŋã gɛ ɛlɛ Kristo Yesu mɛ,

Koloseanɛ 3:4

Onupɛ Kristoɔ gɛenu ɔnɔ ɛkpã ebe koeyiɛ, kɛlɛ wɔnɔ tsyɛ obokoeyì ɔplɛnii nɛ ishu dadalɛ mɛ.

Hebrianɛ 12:27

Ebui alɛ asɛ, “Ɛzɛbabhɛtɛɛ” kɛkasɛ kibu gɛ bebèbu bɔdɔ̃ gɛ balà shukuɔ atɛɛ-gɛ bunu kanɔ mɛ ɔdɔ̃-sɛ tɛ kɛgɛ batɛ balà eshukuɔ tɛ kɛwɔ ɛlɛ ɔzãkɔ.

Petro 1 1:7

Ebui alɛ aba ɛlɛ mɛ ana sɛ tɛ̀ wɔnɔ tɛyɛyɛkɛŋã, gɛ kigbogbolo ɔdɛ sikãɛkpã gɛ bazĩ, gɛ balɔkɔ kifù adalɛ ɛlɛ shu nɔ pɔ flogo. Tɛ babhɛtɛ ɛlɛ kidzi kibui ɛgbã gɛ babakpɛ ɛlɛ inye nɛitití, pɛ ishu dadalɛ nɛ̀ inyè gbangbã tsyɛ bazã ɛlɛ shu gɛ onupɛ Yesu Kristo ebekoeyìɛ.

Petro 1 1:13

Klisoɔ, nɔ balɛ wɔnɔ ekpeɖekpeɖeɛ ɔkɔ kɛxɔ̃ɛ wɔawɔa, nɔŋã wɔnɔ shu abha tɛ nozoɖì kidzo mɛ ɔkɔ tibhui bhuibuɔ gɛ babà kɔ wɔnɔ gɛ onupɛ Yesu Kristo ebè ekoeyìɛ.

Yohanes 1 3:1

Tɛdɛdɛmɛ nɔ gbagbla ɖuwoe idi nɛ ɛlɛ gɛ Akaa alɔkɔ akɔ ɔlɔ mɔ dza, sɛ̀ bekulu ɔlɔ asɛ yɛeyi alɛ bunu! Kɛlɛ yɛeyi alɛ bunu ɛgbã! Kɛgɛ kɛlɛ shu so pɛ kanɔ nɔ̀ etinyi ɔlɔ kɛlɛinu ɔsɛ gɛ betinyi yɛ so.

Kibui Bubú Kasɛ 21:7

Anunɔ gɛ aŋã abhaa, bɔdɔ̃ ɛlɛ nyɔ̃ɔ badzi yɛɔyɛ, kɛlɛ ɛbadzi yɛ Owusoso Akaa, kɛlɛ yɛtsyɛ ebedzi mɛeyi.