Romanɛ 8:17 - Nyangbo New Testament

¹⁷ Kliso onupɛ yɛeyi alɛ bunuɔ, kɛlɛ budzi kaŋãsiɛelete-Owusoso Akaa kaŋãsiɛelete ɔplɛnɔ Kristo. Kɛmɔ̀ gɛ bɔmɔ̀ ɔtɔ ɔplɛnɔ Kristoɔ, kidzo ɛlɛ nabha babakpɛ bɔlɔ tsyɛ nɛ kitití ɔmɔ asɛ yɛ ana.

Romanɛ 8:17 Referans Kwoze

Galatianɛ 4:7

Klisoɔ, oti konu anɔ dzidzi, pɔ eyì anyɛ wɔonu, kɛlɛ gɛ eyì anyɛ wɔonu soɔ, Owusoso Akaa abhɛtɛ wɔ tsyɛ ɔsɛ tɛ odzì kaŋãsi elete.

Galatianɛ 3:29

Onupɛ onu Kristo ayɛ, kɛlɛ onu Abraham yɛeshui, nɛ̀ kaŋãsi elete nɛ kɛgɛ batɔɖɔ elu nulũ.

Efesoanɛ 3:6

Kibui kpukpũ ɛlɛ kɛlɛinu ɔsɛ ɔgana kibui gbangbã nabha, bagɛ etinu Yudanɛ tsyɛ abamɔ̃ kaŋãsiɛ ɔplɛnɔ Israel, gɛ bebedzi banɔ tenikpo gɛede ishudzya tinikpo mɛ, nɛ̀ banɔ gɛ aba yɛkɛ ɔdɔ̃ itsù nɛ tɛtɔtɔɖɔ lu nulũ nɛ Kristo Yesu mɛ.

Kibui Bubú Kasɛ 21:7

Anunɔ gɛ aŋã abhaa, bɔdɔ̃ ɛlɛ nyɔ̃ɔ badzi yɛɔyɛ, kɛlɛ ɛbadzi yɛ Owusoso Akaa, kɛlɛ yɛtsyɛ ebedzi mɛeyi.

Petro 1 4:13

Pɔ nɔmɔ same sɛ nɔɔtɔ̀ asɛ Kristo ana, sɛ tɛ̀ nɔbɔ mɔ same ɔfalanɔ kifu gɛ onupɛ bebebù yɛishu dadalɛ akasɛ.

Petro 1 1:4

nɛ̀ kaŋãsiɛ gɛetibe belè ɖìɛ mɛ, gɛ ketìbezĩ alo pɛ kalɛ ulũ bafalàa, kalɛ babalɛ nɛititíɛ elu akɔ wɔnɔ

Tito 3:7

sɛ tɛ, onupɛ bebhui bɔtsyɔa akɔ ɔlɔ gana yɛ tibhui bhuibuɔ mɛɛ, bɔbadzi kaŋãsi elete gɛ bɔbà ziɖi otugbàa mɛ ɔkɔ ɛkpã tihɔɔ nɔ.

Hebrianɛ 6:17

Gɛ Owusoso Akaa apɛ asɛ tɛ akasɛ asɛ yɛtɛtɔtɔɖɔ ɛlɛ tɛbà tsyina ɔkɔ bagɛ abaŋã kaŋãsiɛ eɖi soɔ, atanà ɔdɔ̃ atɔɖɔ ɛlɛ abha.

Yakobo 2:5

Mɛdzya alɛ gɛ ɛdɛmɛ nɔ, nɔtɛ atɔ̃ tɛ nolũ. Pɛnɔsɛ anɛ bagɛ beɖì asɛ balɛ enu betsyutsyuiɛ, balɛ Owusoso Akaa xɔnɔ ebú bedzi ehoeyielete nɛ tɛyɛyɛkɛŋã mɛ, kɛlɛ anɛ balɛ abaŋã itití ukusiɛ gɛ atɔɖɔ elu akɔ agɛ adɛmɛ yɛibuiɛ mɔɔ dza?

Filipianɛ 1:29

Ɔmɔsɛ batɛ dɛmɛ atɔɖɔ ɛlɛ abha nɛ Kristo inyeɛ mɛ ɔsɛ, gɛnɛ yɛabha tɛyɛyɛkɛŋã ete, pɔ tɛ nɔmɔ bɔtɔ ɔplɛni tsyɛ,

Korintoanɛ 2 1:7

Bɔlɔ kidzo mɛ ɖiɖi ɔkɔ wɔnɔ ɔlɛ gagalĩ, ɔmɔsɛ bunyi sɛ kana gɛ nɔmɔ bɔtɔ ɔplɛnɔ bɔlɔɔ, kidzo ɛlɛ nabha nɔmɔ ishumɛ yɔyɔ tsyɛ ɔplɛnɔ bɔlɔ.

Romanɛ 5:17

Onupɛ gana anɔ tenikpo alɛ esi tatá mɛ butsí ŋã bukusi ɔgana yɛtakpuɔ, kɛlɛ́ kɛbazã ɔkɔ bagɛ ayɛkɛ Owusoso Akaa tibhui bhuibu gelee nɔ nɛ̀ ɛlɛ ɔdɔ̃ kɔkɔ ginu ishu dadalɛ ɛkpã ukusi ŋaŋã ɔgana anɔ tenikpo alɛ gɛenu Yesu Kristoɔ abha dza?

Hebrianɛ 1:14

Baxɔ̃ɛdɛ petee nɔ pɔ, anɛ ɔfɔfuĩa mɛ axɔ̃ɛ badɛ, gɛ Owusoso Akaa akpɛ alɛ asɛ tɛ baplɛnɔ bagɛ babà yɛkɛ edzu nɛ ɛkpãa dza?

Kibui Bubú Kasɛ 3:21

Anunɔ gɛ aŋã abhaa, ɛbakɔ yɛidzo yɛazã aplɛnɔ mɛ nɛ mɛekusiegbu nabha, ɔmɔ asɛ kɛŋã gɛ ɛŋã abha, pɛ izhidzi plɛnɔ Mɛakaa, nɛ yɛekusiegbu nabha.

Korintoanɛ 1 2:9

Asɛ kana gɛ bafɔnɔ elu asɛ, “Ebuiɛ gɛ awuhũ nanà akamɔ eɖiɛ, pɛ batɔ̃ eke elũ eɖiɛ, pɛ kɛka ba ananà ekpeɖekpeɖe mɛ tsyɛ eɖiɛ, alɛ Owusoso Akaa abalɛ elu akɔ bagɛ badɛmɛ yɛibuiɛ”

Romanɛ 8:3

Kɛgɛ ɔsha ɔgɛmɔ ohumi ɔbhɛtɛ, ɔmɔsɛ kanɔ alɛ mɛ ɛkpã kpa ŋã ɔlɛ abha soɔ, kɛlɛ Owusoso Akaa abhɛtɛ aganà yɛahɔɛ Eyiɛ gɛ asɛsɛ nɛ ebui kpa bhɛbhɛtɛ anɔ tɛzazã mɛ, tɛ edzi asɛ kɛdɔ̃ kɔkɔ nɛ ebui kpa ɛtakpu ana. Kliso ebu kibui kpa ɛpɔ nɛ kibui kpa bhɛbhɛtɛ anɔ mɛ,

Banɔkpɛkpɛ Axɔ̃ɛ 20:32

“Otsiɛ nɔ, ɛɛlɔkɔ̀ wɔnɔ ɔkpɛ ahɔɛ akɔ Owusoso Akaa nɛ̀ yɛibuiɛ gɛ alɔkɔ ebhui bɔlɔ ebuɔ nɔ̀. Kɛlɛ bàbhɔ wɔnɔ wunu kabha pɛ kɛbàkɔ wɔnɔ bagɛ badalɛ wɔnɔ shuɔ petee kaŋãsiɛ.

Banɔkpɛkpɛ Axɔ̃ɛ 14:22

pɛ bazakpɛ badɔkpasɛnɛ ohumi nɛ̀ kemi tɛ̀ bazã tɛyɛyɛkɛŋã gɛinu kibui gbã nabha. “Kɛlɛ ɔsɛ bɔgã bɔtɔ̀ gele mɛ flogo tɛ bɔmɔ kidzo ɔvɛ Owusoso Akaa bukusi ŋaŋã mɛ.”

Banɔkpɛkpɛ Axɔ̃ɛ 26:18

tɛ̀ ɔkpà balɛ awuhũɔ, tɛ̀ otsyinà alɛ odenɔ otumũ mɛ̀, ɔmana kanɔ dadalɛ mɛ̀, nɛ̀ odenɔ Satana yɛohumi ahɔɛ mɛ̀, ɔmana Owusoso Akaa ɔkɔ. Sɛ tɛ̀ balɔkɔ ebui kpa etsye alɛ, tɛ̀ bamɔ ɔzãkɔ nɛ bagɛ badalɛ balɛ ishu ɔganà mɛabha tɛyɛyɛkɛŋã mɛ.’

Korintoanɛ 2 1:5

Kɛba gɛ Kristo yɛ bɔtɔ ba bɔlɔ ɛkpã mɛɛ, kidzo ɛlɛ nabha gana Kristo abhaa, ishumɛ yɔyɔ ɔkɔ bɔlɔ yuku balɛ.

Filipianɛ 3:10

Ɛpɛ sɛ tɛ mɛiti Kristo nɛ̀ ohumi nɔ gɛ ɔlɔkɔ yɛalɔ edenɔ bekpuɔ mɛ, nɛ̀ ɔhakpɛkpɛ gɛ ɔkɔ sɛ bɔmɔ ɔtɔ ɔlɛ plɛni, tɛ budzi asɛ yɛ ana nɛ yɛutsi mɛ,

Koloseanɛ 1:24

Otsi alɛ ɛmɔ samɛ nɛ kɛgɛ ɛlɛ shu mɛtɔ ɔkɔ ɔnɔ, kɛlɛ mɛishu dzya mɛ yuku nɛ̀ kɛgɛ ma mɛahɔɛ nɛ Kristo ɔtɔ shuɔ, ɔmɔsɛ nɛ yɛishu dzya shu soɔ, gɛenu ɔhaa

Hebrianɛ 1:2

pɔ nɛ ewui gɔgɔ̃ɛ alɛ mɛɛ, aaɖɔaɖɔ akɔ ɔlɔ ɔgãna Yɛeyi nabha, anunɔ gɛ alɔkɔ edzu yɛaŋãsi mɛɔdɔ̃ nulũ, kɛlɛ yɛabha yɛagã abhɛtɛ kanɔ nɔ̀ mɛ.