Romanɛ 8:15 - Nyangbo New Testament

¹⁵ ɔmɔsɛ anɛ ɔfɔfuĩa nɔ gɛ lɔkɔ ɔsɛ tɛ anɔ dzidzi esi ifuɔ ɔlɛ lɛ wɔnɔ mɛ, pɔ Ɔfɔfuĩa nɔ gɛ lɔzã beyi mɛɛ, nɔyɛkɛ. Kliso bɔkpɛ ozĩ ɔsɛ, “Ao, lɔɛitití.”

Romanɛ 8:15 Referans Kwoze

Timoteo 2 1:7

Ɔmɔsɛ Owusoso Akaa agɛ kɔ ɔlɔ ɔfɔfuĩa gɛ lodzi yɔɔ nɔ, pɔ ɔfɔfuĩa nɔ gɛ ohumi ɔkpasɛ ɔlɛ mɛ pɛ lɔonu tɛdɛdɛmɛ nɔ, nɛ̀ ishu abha tɛŋaŋã.

Korintoanɛ 1 2:12

Gɛnɛ ɔfɔfuĩa nɔ gɛode kanɔ nɔ̀ mɛ bɔyɛkɛ, pɔ ɔfɔfuĩa nɔ gɛode Owusoso Akaa ɔkɔ bɔyɛkɛ, sɛ tɛ̀ bulũ kɛgɛ Owusoso Akaa akɔ bɔlɔ kɛbhɛ mabuia mabuia niesi.

Romanɛ 8:16

Ɔfɔfuĩa nɔ ɔbhɛtɛ tenikpo nɛ̀ bɔlɔ ɔyɛ, pɛ lɔdalɛ bɔlɔ ishu ɔsɛ Owusoso Akaa yɛeyi alɛ bunu.

Hebrianɛ 2:15

sɛ tɛ akɔ bagɛ butsí vũ alɛ asɛ banɔ dzidzi, pɛ bezesi utsí ifuɔ, ishu ahɔɛ mɛ zazã.

Efesoanɛ 1:5

atɛ tɔɖɔ ɛlɛ ɔsɛ ababhɛtɛ ɔlɔ akpɛ otugbà tɛ budzi asɛ yɛeyi alɛ ana ɔgana Yesu Kristo abha, nɛ yɛ tɛpɛpɛ nɛ̀ tɛtɔtɔɖɔ ulũ,

Yohanes 1 4:18

Kifù sisi ma tɛdɛdɛmɛ nɔ mɛ. Pɔ tɛdɛdɛmɛ nɔ gɛnáa bu kifù sisi oyinɔ, ɔmɔsɛ kifusisi mɛ batɔ̃ pɔpɔ̃ azã. Anunɔ gɛ esi kifuɔ yɛ tɛdɛdɛmɛ nɔ tɛnà.

Romanɛ 8:23

Anɛ kanɔ mɛ bɔdɔ̃ ete, pɔ bɔlɔ bagɛ buputɔ nimi nɛ Ɔfɔfuĩa mɛ ɛdɔ̃ kɔkɔ shu tsyɛ, bunimi nɛ ɔlɔ ishu mɛ, nɛ kibeɛ gɛ bupo bɔlɔ tɛyɛyɛkɛ ɔmɔ asɛ beyi anà, tɛ bɔmɔ ɔlɔ ishu ahɔɛmɛ zazã.

Banɔkpɛkpɛ Axɔ̃ɛ 16:29

Ɔɖavũ abha eɖiɖieleteɛ ebisi asɛ bamana efú, kɛlɛ abhɛtɛ zia vɛ edi zhi ekumu pɛ eshuku gbagbà nɛ Paulo nɛ̀ Sila otugbà.

Banɔkpɛkpɛ Axɔ̃ɛ 2:37

Gɛ banunɔ elũ kibui ɛlɛ, kibhui balɛ kitúɔ ohui, kɛlɛ betseɖe Petro nɛ̀ banɔkpɛkpɛ gɔgɔɛ nɔ asɛ, “Mɛadzya alɛ mɔ, kiɖe bɔbabhɛtɛ?”

Yakobo 2:19

Nɔyɛkɛ ɔŋã ɔsɛ Owusoso Akaa tenikpo ko yɛalɛ. Gɛ kɛpɛ ana tsyɛ! Ɛfɔfuĩa zizĩɛ tsyɛ yɛkɛŋã ana-kɛlɛ ɛkɔ ɔsɛ tɛ lishuku wawawa.

Romanɛ 8:26

Kidzo ɛlɛ nabha ke Ɔfɔfuĩa nɔ ɔplɛnɔ ɔlɔ nɛ ɔlɔ tibobotsò mɛ. Butinyi kɛgɛ bɔbaɖɔ nɛ Owusoso Akaa tikukulu mɛ, pɔ Ɔfɔfuĩa nɔ ɔyɛkɛ ebuiɛ nɛ ɔlɔ lu nɛ tininimi gele gɛ olugbũ ɔtɛ bɔlà ɔɖɔɔ mɛ.

Romanɛ 9:4

gɛenu Israelanɛ, nɛ ɛtakpu. Balɛ Owusoso Akaa etsyina ayɛkɛ asɛ beyi pɛ ebu yɛishu dadalɛ akasɛ alɛ, anya olugbũ nɛ̀ balɛ pɛ bayɛkɛ yɛɔshaa, akasɛ alɛ kɛtakpu esi ɔkpɛkɔ, nɛ̀ yɛebui tɔtɔɖɔ olu ɔkɔ alɛ.

Korintoanɛ 2 11:4

Ɔmɔsɛ onupɛ anɔ teli aba wɔnɔ ɔkɔ pɛ abaɖɔ kibui nɛ Yesu teli shu ɔdɛ agɛ yɛ shu bɔɖɔ kaɖɔɔ, alo onupɛ nɔyɛkɛ ɔfɔfuĩa bhlatɔ ɔdɛ ɔgɛ ɔlɛ nɔtɛyɛkɛ shuɔ, alo kibui gbangbã bhlatɔ gɛ kɛgã ɔtɔ denɔ kɛgɛ kɛlɛ nɔtɛ yɛkɛ shuɔ, kɛlɛ notsyina tsiɔ̃ faanɔ.

Galatianɛ 2:4

Kibui ɛlɛ bayì ɔmɔsɛ asɛnɛ badzya teli aba afala eku bɔlɔ ɛzãkɔɔ tɛ belu awɔ̃ eɖi ɔlɔ ishuahɔɛmɛ zazã gɛ lɛ ɔlɔ ahɔɛ nɛ Kristo mɛ, tɛ̀ betsyina ɔlɔ budzì banɔ dzidzi.

Galatianɛ 5:1

Ishu ahɔɛmɛ zazã shu so pɛ Kristo akɔ ɔlɔ ishu ahɔɛmɛ zazã. Kliso nɔzã gagalĩi, kɛlɛ nɔtɛ ɔkɔ kɔ ɔwɔ̃nyɔnɔ zã wɔnɔ mɛ nɛ banɔ dzidzi ɛkɔɔ shu.