Romanɛ 8:1 - Nyangbo New Testament

¹ Otsiɛ alɛ, kɛpɔ bubu nanà ma ɔkɔ bagɛ alɛ Kristo Yesu mɛ,

Romanɛ 8:1 Referans Kwoze

Korintoanɛ 2 5:17

Klisoɔ, onupɛ anɔ teli akpasɛ Kristo mɛɛ, enu kɛdɔ̃ bhɛbhɛtɛ vɔvɔ, kɛdɔ̃ kukuɔ tɛba fala, kɛvɔvɔ ba otsi alɛ!

Galatianɛ 3:13

Kristo ebu ɔlɔ odenɔ kibuiɛ gɛ baɖɔ akpɛ ɔlɔ ɔsha niesi, kɛlɛ yɛebedzi kibuiɛ gɛ baɖɔ akpɛ ɔlɔ, ɔmɔsɛ bafɔnɔ elu asɛ, “Baɖɔ kibui akpɛ anɔ ka nyia ka gɛ akpɛ ohui oli nɛ busi mɛ.”

Romanɛ 5:1

Kliso gɛ balɔkɔ ɔlɔ asɛ bunu banɔ gbangbã ɔgana tɛyɛyɛkɛŋã mɛɛ, ishu yɔyɔ lɛ ɔlɔ nɛ̀ Owusoso Akaa nɛishi, ɔgana bɔlɔ Apalete Yesu Kristo abha,

Korintoanɛ 1 1:30

Yɛ sopɛ nɔkpasɛ Yesu Kristo mɛ, anɔ gɛ yɛakɔ ɔlɔ bubuti odenɔ Owusoso Akaa ɔkɔ, gɛ kɛlɛinù bɔlɔ tɛzazã piapii, ishudadalɛ nɛ̀ bɔlɔ tibubuyinɔ odenɔ ebui kpa bhɛbhɛtɛ mɛ.

Romanɛ 8:34

Afana gɛ yɛebu kɛpɔ? Kristo Yesu, anunɔ gɛ yɛetsíɛ, kɛgɛ plɛnɔ ɔdɛɛ yɛenu anunɔ gɛ befeke edenɔ bekpu mɛ pɛ alɛ nɛ ɛkpã, adɛzã Owusoso Akaa nɛ̀ ɛŋã mɛ, kɛlɛ akɔ yɛtakpu tsyɛ nɛ bɔlɔ lũ.

Filipianɛ 3:9

tɛ bamɔ mɛ tsyɛ nɛ yɛ mɛ, gɛnɛ sɛ tɛ ɛmɔ tɛzazã piapii gɛide ɔsha mɛ akɔ mɛishu, pɛ kide tɛyɛyɛkɛŋã nɛ Kristo mɛ gɛ kinu kibui gbangbã bhɛbhɛtɛ gɛide Owusoso Akaa mɛ pɛ kide tɛyɛyɛkɛŋã mɛ.

Romanɛ 8:14

ɔmɔsɛ bagɛ Owusoso Akaa Ɔfɔfuĩa nɔ ɔgbanaa, Owusoso Akaa yɛeyi alɛ benu,

Korintoanɛ 1 15:22

Asɛ kana gɛ denɔ Adam mɛ bɔlɔ nyɔ̃ɔ tsiɛɛ, kidzo ɛlɛ nabha gana Kristo abha banɔ nɔ nyɔ̃ɔ tsyɛ bamɔ ɛkpã.

Galatianɛ 5:16

Kliso ɛɖɔ sɛ, nɔzã nɛ̀ ɛkpã nɛ ɔfɔfuĩa nulũ, kɛlɛ nɔzɔkɔ kpɛ same nɛ̀ kanɔ alɛ mɛ ebui kpa tɛpɛpɛ nɔ shu.

Romanɛ 8:4

tɛ kɛkɔ ɔsɛ kɛpiapi nɔ gɛ bapɛ asɛ tɛ kɛna nɛ ɔsha nulũɔ, tɛ bamɔ kɛlɛ nɛ bɔlɔ mɛ. Bɔlɔ agɛ tɛzã nɛ̀ ebui kpa bhɛbhɛtɛ mɛ, pɔ pɛ bɔzã nɛ Ɔfɔfuĩa nɔ tɛpɛpɛ ulũ.

Romanɛ 8:39

ɔɖaɖama ɔkɔ alo odzudzukɔ alo kɛka nyia ka idi nɛ kanɔ alɛ pete mɛɛ, tɛ balà ebhui ulɔ ɔtɛ nɛ Owusoso Akaa tɛdɛdɛ mɛ nɔ gɛ akɔ bɔmɔ odenɔ bɔlɔ Apalete Kristo Yesu mɛ shu.

Galatianɛ 5:25

Gɛ budzi nɛ ɛkpã nɛ Ɔfɔfuĩa nɔ mɛ soɔ, nɔkɔ bɔgã nɛ̀ ɔfɔfuĩa nɔ.

Galatianɛ 3:28

Yudaeyi alo Helaeyi nanà abha ma, anɔ dzidzi alo anɔ gɛ alɛ yɛishu ahɔɛ mɛ, anyɛ alo adzɛ abha ma, ɔmɔsɛ wɔnɔ petee odzi tenikpo nɛ Kristo Yesu mɛ.

Romanɛ 7:20

Onupɛ kɛgɛ ɛgɛpɛ ɔsɛ tɛ mɛbhɛtɛ pɛ kɛlɛ mɛbhɛtɛɛ otsiɛ nɔ, kɛlɛ anɛ mɛbhɛtɛ ɛlɛ, pɔ kibui kpa gɛ kpasɛ mɛ mɛɛ, kɛlɛ bhɛtɛ ɛlɛ.

Romanɛ 7:17

So kɛgɛ ɛbhɛtɛɛ otsiɛ nɔ anɛ mɛ alɛ mɛbhɛtɛ ɛlɛ, pɔ kibui kpaa gɛlɛ mɛ mɛɛ kɛlɛ bhɛtɛ.

Korintoanɛ 2 12:2

Inyi anyɛ teli gɛ akpasɛ Apaleteɛ mɛ gɛ asɛ agɔ lɔfɔ nɛ talɛ nɛ alɛ befeke yɛ avɛnɔ kititi tramɛ mɛ. Onupɛ ishupi mɛ alo gɛnɛ ishupi mɛ o, mɛxɔnɔ itinyi, Owusoso Akaa xɔnɔ enyi ɛlɛ.

Romanɛ 16:7

Sɛnɔ mɛeshopo alɛ Androniko nɛ̀ Yunio, balɛ nɛ̀ mɛ bɔzã ɔɖavũ. Banɔkpɛkpɛ enyi alɛ piapii gɛ bedzi Kristoelete akpɛ otugbà akɔ mɛ.

Romanɛ 16:3

Nɔsɛnɔ Priskila nɛ̀ Akwila, mɛaxɔ̃ɛdɛ ɔhagbo alɛ nɛ Yesu Kristo mɛ.

Romanɛ 5:16

Kɛdɔ̃ gɛ Owusoso Akaa akɔɔ, tinu anɔ tenikpo alɛ ete esi tatá shu ibui. Kebhu kukulu ɔkɔ kibui kpa tinikpo nɔ mana kɛpɔ bubu, pɔ kɛdɔ̃ kɔkɔ xɔnɔ kɔ ɔsɛ banɔ gelee gɛ atá esiɛ, bebhui bɔtsyɔa akɔ alɛ.

Romanɛ 8:2

ɔmɔsɛ gana Kristo Yesu abha, ɔfɔfuĩa mɛ ɛkpã ɔsha oboele mɛ odenɔ kibui kpa ɔsha nɛ̀ butsí mɛ.

Romanɛ 8:9

Wɔnɔ xɔnɔ anɛ kanɔ alɛ mɛ ɛkpã kpa ɛlɛ gbana ɔnɔ, pɔ Ɔfɔfuĩa nɔ, onupɛ Owusoso Akaa Ɔfɔfuĩa nɔ ɔlɛ ɔnɔ mɛ. Kɛlɛ onupɛ Kristo yɛ Ɔfɔfuĩa nɔ ɔma anɔ teli yɛahɔɛ, etinu Kristo yɛayɛ.

Romanɛ 8:11

Kɛlɛ onupɛ anunɔ gɛ yɛ Ɔfɔfuĩa ɔlɛ ofeke Yesu edenɔ bekpuɔ mɛ ɔlɛ wɔnɔ mɛɛ, kɛlɛ yɛ gɛ efeke Kristo edenɔ bekpuɔ mɛɛ, yɛ ke abakɔ wɔnɔ ishupi tsitsí ɛlɛ ɛkpã ɔgana yɛ Ɔfɔfuĩa nɔ, gɛ ɔlɛ wɔnɔ mɛɛ.

Galatianɛ 3:26

Beyì wɔnɔ petee onu ɔkɔ Owusoso Akaa ɔgana tɛyɛyɛkɛŋã gɛ ɛlɛ Kristo Yesu mɛ,

Efesoanɛ 1:1

Mɛ Paulo gɛedzi anɔkpɛkpɛ ɔkɔ Kristo Yesuɔ nɛ Owusoso Akaa tɛtɔtɔɖɔ ulũ, Mɛ sɛsɛ̀ bagɛ ayɛkɛ aŋã nɛ Efeso pɛ bakpasɛ Kristo Yesu mɛ keplukpa alɛ,