Romanɛ 7:7 - Nyangbo New Testament

⁷ Otsiɛ nɔ pɔ, kiɖuwoe lu bɔbaɖɔ? Kibui kpa ɔsha onu dza? Ao, kɛma ɛlɛ mɛ ana! Kibui gbã kinu ɔsɛ, ɛgɛ tatì kɛdɔ̃ nɔnɔ gɛ kibui kpa nu, pɔ gana ɔshaa mɛɛ, iti ɛlɛ ana. Tsyɛ alo ɛgɛ tatì kɛgɛ inu kiwuhũ dzadzã nɛ anɔ teli idɔ̃ shu, onupɛ ɔsha ɔma ɔsɛ, “Tɛɔdzã kiwuhũ nɛ ɔhagbo ɛdɔ̃ shuɔ.”

Romanɛ 7:7 Referans Kwoze

Romanɛ 3:20

Kliso batɛ balɔkɔ anɔ nanà asɛ enu anɔ gbangbã nɛ Owusoso Akaa namɛ, sɛ gɛ abhɛtɛ ɔsha nabha so, pɔ gana ɔsha mɛ boŋuɔ, buuti sɛ ebui kpa bhɛbhɛtɛ alɛ.

Romanɛ 4:15

ɔmɔsɛ ɔmɔpɔɛ ibui ɔsha lɔmana. Kɛlɛ ɛkɛlɛ gɛ ɔsha ɔmaa, kibui kpa bhɛbhɛtɛ tsyɛ tɛzã.

Korintoanɛ 1 15:56

Kɛgɛ butsì lɔkɔ ɔtà banɔ nɔ kɛlɛinu kibui kpa bhɛbhɛtɛ, kɛlɛ kibui kpa kɛlɛ ohumi nɔ ɔlɛ onù ɔsha.

Romanɛ 13:9

Ɔsha ɔɖɔ ɔsɛ, “Tɛɔdɛ ɔma mɛ,” “tɛoyi anɔ,” “tɛozuru,” “Tɛɔdzã awuhũ nɛ wɔhagbo ɛdɔ̃ shu,” nɛ̀ ɔsha bhlatɔ pete nɛ ɛtakpu ibuiɛ gɛ kihu alɛ ɔtɔ̃ nu ɔsɛ, “Dɛmɛ nɛ wɔhagbo asɛ wɔshu ana.”

Romanɛ 7:8

Pɔ gɛ kibui kpa bhɛbhɛtɛ ŋã kibuiɛ gɛ ɔsha ɔɖɔ nabha soɔ, kɛkɔ ɔsɛ kawɔ̃kpɛ nɛ anɔ ɛdɔ̃ shu kpasɛ mɛ mɛ̀. Onupɛ ɔsha ɔmaa, kɛlɛ kibui kpa tsyɛ ma.

Tesalonikanɛ 1 4:5

gɛnɛ sɛ tɛ tɛwɔwɔsɔ̃ nɛ̀ bagɔlɔ zɛlɔ̀ nɛ wɔnɔ shu mɛ asɛ bagɛ bakpɛ kɛtakpu esi akɔ ibudi gɛ betinyi Owusoso Akaa,

Romanɛ 3:5

Onupɛ bɔlɔ ebui abha mabhɛtɛ mabhɛtɛ lakɔ asɛ Owusoso Akaa ebui abha tɛbhɛbhɛtɛ xɔnɔ awɔ̃ɛ piapii nɔ, kiɖuwoe bɔbaɖɔo? Bɔbaɖɔ ɔsɛ Owusoso Akaa agɛna bhɛtɛ onupɛ akpɛ ɔmɔpɔɛ nɛ ɔlɔ shuɔ dza? (Ɛpɔ̃ɛ ebui mɛ asɛ anɔdzyrame ana.)

Koloseanɛ 3:5

Klisoɔ nɔŋã kanɔ alɛ mɛ kɛka nyia ka idi gɛ kpasɛ ɔnɔ mɛ nabha. Gɛinu asɛ ɔmamɛdɛdɛ, atsɔ̃bui, ishumɛ tɛlɔlɔ nɛ adzɛ shu, ebui zizĩ tɛtɔtɔɖɔ, nɛ̀ mɛ ete tɛpɛpɛ̃ gɛinu ibudi ebui.

Efesoanɛ 5:3

Pɔ nɛ wɔnɔ ɛshiɛ, kɛma sɛ tɛ belũ ɔnɔ ɔdɔ̃ nɛ ɔmamɛ dɛdɛ shu, alo atsɔ̃bui ka nyia ka ɛdi shu, alo anɔ gɛ apɛɛ kɛdɔ̃ gbagbla adɛ, ɔmɔsɛ ebui alɛ agɛpɛ akɔ Owusoso Akaa yɛanɔ dadalɛ.

Romanɛ 7:13

Otsiɛ pɔ, kibuiɛ gɛinu kɛgbangbãa kɛli tsyina dzi butsí kɔ mɛɛ dza? Ao kɛma ɛlɛ mɛ ana! Pɔ tɛ kibui kpa bu ishu kasɛ asɛ kibui zizĩɛ, kɛgã kibui gbangbã nabha pɛ kibu butsí bakpɛ mɛ, so gana ɔsha kpɛkpɛ mɛɛ, sɛ tɛ kibui kpa wlui zĩ tɔɖɔ dɛ.

Romanɛ 7:11

Pɔ gɛ kibui kpa bhɛbhɛtɛ mɔɛ idzo nɛ ɔsha nabha soɔ, kibui kpa wɔɛ mɛ, kɛlɛ nɛ ɔsha nulũɔ butsí ba mabha.

Romanɛ 7:5

Nɛ kibe ɛlɛ gɛ kanɔ mɛ ebuiɛ azagbana ɔlɔɔ, ebui nɔnɔ gɛ agbanà anɔ akpɛ ebui kpa mɛ nɛ ɔsha nulũɔ azã ɔlɔ mɛ, kɛlɛ agɛ bɔbhɛtɛ pete agbana ɔlɔ ɔkpɛ butsí mɛ.

Romanɛ 6:15

Kiɖuwoe lu otsiɛ mɔ? Bɔbaa bhɛtɛ ibui kpa ɔmɔsɛ bɔma ɔsha niesi, pɔ tibhui bhuibu esi bɔlɛ soɔ dza? Kɛma ɛlɛ mɛ ana!

Romanɛ 4:1

Otsiɛ nɔ pɔ, kiɖuwoe lu bɔbaɖɔ nɛ bɔlɔ ashuĩ Abraham shu ɔsɛ amɔ nɛ kibui ɛlɛ mɛ?

Banɔkpɛkpɛ Axɔ̃ɛ 20:33

Ɛgɛ dzã kiwuhũ nɛ ananà sikãfufù, alo sikãɛkpã alo bɔdɔ̃ kpɛkpɛ shu.

Romanɛ 5:20

Bakɔ ɔsha aplɛnɔ, gɛ kɛkɔ ɔsɛ ɔshaa esi tatá tsyɛ iziwu abha. Pɔ ɛkɛlɛ gɛ ebui kpa bhɛbhɛtɛ ekpè atɔɖɔɔ, tibhui bhuibuɔ tsyɛ ikpè tɔɖɔ gelee ɔdɛ.

Hebrianɛ 7:19

(ɔmɔsɛ ɔsha gɛbhɛtɛ kɛnanà kɛna), bakɔ ɔlɔ idzo gbangbã bhlatɔ nɛ awɔ̃ lulú mɛ sɛ tɛ bɔlà tsoplɛnɔ Owusoso Akaa.