Romanɛ 7:23 - Nyangbo New Testament

²³ pɔ iwlui mɔ ɔsha bhlatɔ gɛ lɔwɔa axɔ̃ɛ nɛ mɛishu udzyaa mɛ, gɛ lɔlɔkɔ keyu nɛ mɛekpeɖekpeɖe mɛ bhɛbhɛtɛ shu, kɛlɛ lɔkpɛ mɛ ɔɖavũ anɔ ɔkɔ ɔsha kpa gɛ ɔwɔa axɔ̃ɛ nɛ mɛishu udzya mɛ.

Romanɛ 7:23 Referans Kwoze

Galatianɛ 5:17

Ɔmɔsɛ kɛgɛ kanɔ mɛ ebui kpa adɛmɛ nɔ agã ɔtɔ nɛ agɛ Ɔfɔfuĩa nɔ dɛmɛ nɔ shu, kɛlɛ Ɔfɔfuĩa nɔ tsyɛ ɔgã ɔtɔ nɛ kɛgɛ kanɔ mɛ ebui kpa adɛmɛ nɔ. Balɔɛtití nɛ bagɔlɔ shu, sɛ tɛ ɔtɛ bhɛtɛ kɛgɛ ɔpɛɛ nɔ.

Yakobo 4:1

Kiɖe gɛ mana ekpli tatá nɛ̀ ebala nɛ wɔnɔɛishi? Pɛnɔsɛ anɛ ebuiɛ gɛ lakpasɛ ɔnɔ mɛ pɛ latɛ eyu nɛ ɔnɔ mɛɛ ledeɛ dza?

Romanɛ 8:2

ɔmɔsɛ gana Kristo Yesu abha, ɔfɔfuĩa mɛ ɛkpã ɔsha oboele mɛ odenɔ kibui kpa ɔsha nɛ̀ butsí mɛ.

Romanɛ 6:19

Ɛɖɔ kɛlɛ nɛ anɔdzyrame yɛekpeɖekpeɖe ulũ, ɔmɔsɛ nobotsò nɛ wɔnɔ tɛzazã mɛ. Asɛ kɛlɔkɔ gɛ nɔzɔlɔkɔ ɔnɔ ishuɔ ɛkɔ toli ɔkɔ asɛ banɔ dzidzi ɔkɔ atsɔ̃ ebui bhɛbhɛtɛ, nɛ̀ ɛtakpu mɛ gagalĩ ebui tɛ lekpè atɔɖɔɔ, kliso otsi alɛ nɔlɔkɔ ishu ɔkɔ asɛ banɔ dzidzi ɔkɔ kibui gbangbã gɛ gbanà anɔ ɔvɛnɔ tɛdadalɛ mɛ.

Romanɛ 7:25

Buhu Owusoso Akaa ahɔɛ-ɔgana bɔlɔ Apalete Yesu Kristo abha! Kliso mɛ xɔnɔ nɛ mɛekpeɖekpeɖe nulũɔɔ, inu anɔ dzidzì ɔkɔ Owusoso Akaa yɛɔsha, pɔ mɛ asɛ anɔdzyrame anaa, inu anɔ dzidzì ɔkɔ ebui kpa ɔshaa.

Petro 1 2:11

Ɛbhia gɛ ɛdɛmɛ nɔ, ɛɛkpalà wɔnɔ, wɔnɔ asɛ beefù ana nɛ̀ bafafala nɛ kanɔ nɔ̀ mɛ, sɛ tɛ̀ nɔobu wɔnɔ ishu oyinɔ odenɔ tɛdɛdɛmɛ nɔ ebui kpa, gɛ laatà keyù nɛ̀ wɔnɔ atɔwuiɛ.

Hebrianɛ 12:4

Gɛ nɔgɔ̃lɛ nɛ̀ ebui kpa tsyɛ elo, kɛkà ba ɛlɛ mɛ sɛ tɛ bàbalɛ wɔnɔ dzyosu esi xɔnɔ.

Romanɛ 7:21

Kliso ilũ ɔsha axɔ̃ɛ wɔawɔa niesi ɔsɛ, onupɛ ɛpɛ sɛ tɛ mɛbhɛtɛ kibui gbangbãa, kibui zizĩɛ lɛ mɛɔbha nɛ ɛkɛlɛ.

Romanɛ 7:5

Nɛ kibe ɛlɛ gɛ kanɔ mɛ ebuiɛ azagbana ɔlɔɔ, ebui nɔnɔ gɛ agbanà anɔ akpɛ ebui kpa mɛ nɛ ɔsha nulũɔ azã ɔlɔ mɛ, kɛlɛ agɛ bɔbhɛtɛ pete agbana ɔlɔ ɔkpɛ butsí mɛ.

Romanɛ 6:13

Nɔtɛ shɛnɛ ahɔɛ nɛ wɔnɔ ishupiɛ shu ɔkɔ nanà ɔkɔ kibui kpa, asɛ kɛxɔ̃ɛwadɔ̃ ɔkɔ kɛtakpu mɛ gagalĩ ebui bhɛbhɛtɛ, pɔ nɔshɛnɛ ahɔɛ nɛ wɔnɔshu ɔkɔ Owusoso Akaa ɔmɔ asɛ banɔ gɛ bebu edenɔ butsí mɛ ɔmana ɛkpã mɛ ana, tɛ nɔshɛnɛ ahɔɛ nɛ wɔnɔ ishupiɛ shu ɔkɔ nyia ɔkɔ ɔkɔɛ, asɛ bɔxɔ̃ɛwɔadɔ̃ ɔkɔ kibui gbangbã tɛbhɛbhɛtɛ.

Romanɛ 7:14

Bunyi ɔsha ɔsɛ ɔfɔfuĩa mɛibui lonu, kɛlɛ mɛ pɔɔ anɛ ɔfɔfuĩa mɛdɔ̃ mɛinu, gɛ ɛlɛ ɔmɔ asɛ anɔ dzidzì ɔkɔ kibui kpa ana.

Yakobo 3:2

Bɔlɔ pete ɛta esi nɛ ebui gelee mɛ. Onupɛ anɔ teli atɛtà esi nɛ kɛgɛ aɖɔ mɛɛ, kɛlɛ anɔ alɛ ana piapii, kɛlɛ abalà eɖi yɛishu pete tsyɛ abha.