Romanɛ 7:15 - Nyangbo New Testament

¹⁵ Itilũ kɛgɛ ɛbhɛtɛɛ, niesi. Ɔmɔsɛ kɛgɛ ɛpɛ sɛ tɛ ɛbhɛtɛɛ, ɛtɛlà kɛlɛ bhɛtɛ, pɔ kɛgɛ ɛgɛdɛ mɛɛ, mɛbhɛtɛ.

Romanɛ 7:15 Referans Kwoze

Galatianɛ 5:17

Ɔmɔsɛ kɛgɛ kanɔ mɛ ebui kpa adɛmɛ nɔ agã ɔtɔ nɛ agɛ Ɔfɔfuĩa nɔ dɛmɛ nɔ shu, kɛlɛ Ɔfɔfuĩa nɔ tsyɛ ɔgã ɔtɔ nɛ kɛgɛ kanɔ mɛ ebui kpa adɛmɛ nɔ. Balɔɛtití nɛ bagɔlɔ shu, sɛ tɛ ɔtɛ bhɛtɛ kɛgɛ ɔpɛɛ nɔ.

Yakobo 3:2

Bɔlɔ pete ɛta esi nɛ ebui gelee mɛ. Onupɛ anɔ teli atɛtà esi nɛ kɛgɛ aɖɔ mɛɛ, kɛlɛ anɔ alɛ ana piapii, kɛlɛ abalà eɖi yɛishu pete tsyɛ abha.

Romanɛ 12:9

Nɔkɔ wɔnɔ tɛdɛdɛmɛ nɔ nɛ̀ banɔ nɔ̀ ode ɛya gbangbã mɛ. Nɔtɛ dɛmɛ nɔ nɛ kibui zizĩ, nɔnyana kibui gbangbã bhɛbhɛtɛ mɛ ovunɔ.

Yuda 1:23

nɔbhɛ̃ bagɔgɔɛ odenɔ kifúɔ gɛta mɛ tɛ̀ nɔyɛkɛ ɔkɔ alɛ. Banɔ gɔgɔɛ nɔ nɔobì alɛ ashagabui nɛ kifu sisi mɛ̀, kɛlɛ nɔtɛ dɛmɛnɔ nɛ̀ balɛ akpɛkpɛ gɛ etuturu edenɔ ebui kpa bhɛbhɛtɛ mɛɛ tsyɛ.

Romanɛ 14:22

Kliso kɔ kɛgɛ ɔyɛkɛ ɔŋãa nɛ ebui alɛ shuɔ azã wɔ nɛ̀ Owusoso Akaa ete ko ishi. Tiyuyula kinu ɔkɔ anunɔ gɛ atɛ ebu yɛibuiɛ gɛ atɔɖɔ ahɔɛ nɛ kɛlɛ abhaa, nɛpɔ.

Timoteo 2 2:19

Pɔ, Owusoso Akaa uvũ esi kpɛkpɛ klagbuɔ xɔnɔ dzi gɛ ɛtɛbà hɔa, pɛ badã ɛlɛ ɔdɔ̃ nɛ̀ kibui fɔfɔnɔ ɛlɛ ɔsɛ, “Apaleteɛ enyi bagɛ enu yɛayɛ, kɛlɛ anɔ ka nyia ka gɛ adalɛ Apaleteɛ nɛinye shuɔ, kɛlɛ sɛ eyidè nɛ kɛtakpu mɛ gagalĩ ebui shu.”

Hebrianɛ 1:9

Ɔdɛmɛ nɔ nɛ̀ ɛkpã gbangbã, kɛtakpu mɛ gagalĩ xɔnɔ ɔgɛpɛ, kliso wɔ Owusoso Akaa edzu wɔ nɛ ɔɖaɖama ɔkɔ ɔdɛ wɔhayɛ ɔgana same bɔbɔ̀ sasará kɔwɔ mɛ.”

Romanɛ 7:16

Onupɛ kɛgɛ ɛtɛdɛmɛ sɛ tɛ mɛbhɛtɛ pɛ kɛlɛ mɛbhɛtɛɛ, kɛlɛ ɛdɛmɛ tɔɖɔ ɔsɛ ɔsha ɔpɛ.