Romanɛ 6:6 - Nyangbo New Testament

⁶ Ɔmɔsɛ bunyi sɛ bakpala bɔlɔ ɛkpã kukuɔ nɛ̀ Kristo tɛ kɛkɔ ɔsɛ bɔshɛnɛ ahɔɛ nɛ ishupiɛ gɛ dɛmɛ ebui kpa bhɛbhɛtɛ shu lu, sɛ tɛ bɔtadzi banɔ dzidzi ɔkɔ ebui kpa-

Romanɛ 6:6 Referans Kwoze

Galatianɛ 2:20

Bakpalà mɛ ɔplɛnɔ Kristo nɛ butsi osiɛ shu kɛlɛ gɛnɛ mɛ kalɛ nɛkpã, pɔ Kristoɔ yɛakpasɛ mɛ mɛ̀. Ɛkpã gɛ ɛlɛ mɛidzinɔ nɛ ishudzya mɛɛ, idzi nɛ ɛlɛ nɛ tɛyɛyɛkɛŋã nɛ Owusoso Akaa Yɛeyianyɛ mɛ, anɔ gɛ adɛmɛ mɛibui pɛ alɔkɔ yɛishu akɔ nɛ mɛtakpu.

Efesoanɛ 4:22

Bakasɛ ɔnɔ ɔdɔ̃, nɛ ɛkpã gɛ nɔtɛ zã ɔbɔ falanɔ shu, sɛ tɛ nɔ shɛnɛ ahɔɛ nɛ edzo kukuɔ shu, edzoɔ gɛedzì ebui zizĩ ɔganà alɛ anɔ wɔɛwɔɛ gɛ badɛmɛ nabha,

Galatianɛ 5:24

Bagɛ enu Kristo Yesu ayɛ xɔnɔ, bakpalà balɛ ebui kpa bhɛbhɛtɛ nɛ̀ kɛgɛ badɛmɛ nɔ nɛ̀ kɛgɛ bapɛ nɔ nɛ butsi osiɛ shu.

Galatianɛ 6:14

Kɛnanà tɛkɔ mɛitũ mɛitelũ ɖi, ɔdɛ Apalete Yesu Kristo yɛ butsi osiɛ shu ibui ete, gɛ ɔgana yɛabhaa bakpalà kanɔ nɔ̀ nɛ butsi osiɛ shu akɔ mɛ, kɛlɛ mɛtsyɛ kɔ kanɔ nɔ̀.

Koloseanɛ 3:5

Klisoɔ nɔŋã kanɔ alɛ mɛ kɛka nyia ka idi gɛ kpasɛ ɔnɔ mɛ nabha. Gɛinu asɛ ɔmamɛdɛdɛ, atsɔ̃bui, ishumɛ tɛlɔlɔ nɛ adzɛ shu, ebui zizĩ tɛtɔtɔɖɔ, nɛ̀ mɛ ete tɛpɛpɛ̃ gɛinu ibudi ebui.

Romanɛ 8:13

Onupɛ nɔzã nɛ̀ ɛkpã nɛ kanɔ alɛ ɛkpã kpa ulũɔ, nobotsí, pɔ onupɛ nɔlɔkɔ Ɔfɔfuĩa nɔ oyí kanɔ mɛ ebui kpa gɛ nɔdɛmɛ nɔ nɔ̀ɔ, nɔbɔzã nɛ ɛkpã,

Romanɛ 6:22

Otsi alɛ gɛ bebu ɔnɔ eyinɔ nɛ ebui kpa mɛ, pɛ nodzi Owusoso Akaa yɛanɔ dzidziɛ, kɛgɛ nɔbɔ mɔ odenɔ kɛlɛ mɛɛ, kɛba gbana ɔnɔ ɔvɛnɔ tɛdadalɛ mɛ, kɛlɛ kɛgɛ badekoeyì nɛ kɛlɛ mɛ badzi ɛkpã tihɔɔ.

Romanɛ 6:12

Kliso nɔtɛkɔ ɔsɛ ibui kpa aŋã ukusi nɛ wɔnɔ abha tɛ nɔzɛ ɔbhɛtɛ ɔtɔɖɔ kibui kpa tɛpɛpɛ ulũ.

Romanɛ 7:14

Bunyi ɔsha ɔsɛ ɔfɔfuĩa mɛibui lonu, kɛlɛ mɛ pɔɔ anɛ ɔfɔfuĩa mɛdɔ̃ mɛinu, gɛ ɛlɛ ɔmɔ asɛ anɔ dzidzì ɔkɔ kibui kpa ana.

Korintoanɛ 2 5:14

Ɔmɔsɛ Kristoɔ tɛdɛdɛmɛ nɔ tĩi bɔlɔ, ɔmɔsɛ kɛlɛ mɛ dalɛ kɔ bɔlɔ sɛ anɔ tenikpo etsí kɔ bɔlɔ petee, klisoɔ bɔlɔ petee tsí.

Tito 3:3

Kibè tili gɛ bafala, bɔlɔ tsyɛ zɛdɔ bɔga, bugizi lũ atɔ̃, bawɔɛ ɔlɔ budzi banɔ dzidzi ɔkɔ kanɔ mɛ bɔdɔ̃ nɛ̀ kalɛ mɛ same ebuiɛ petee. Bɔzana ɛkpã kpa kɛlɛ bɔkpɛ banɔ awɔ̃, bɔkɔ sɛ banɔ anyanã ɔlɔ akpɛ ɛyamɛ kɛlɛ bɔlɔ tsyɛ nyanã bagɔlɔ kpɛ ɛyamɛ.