Romanɛ 6:4 - Nyangbo New Testament

⁴ Kliso bavɔbɔ ɔlɔ nii ɔgana bulĩ kpɛkpɛ mɛ ɔvɛnɔ butsí mɛ, sɛ tɛ kɛzã ɔmɔ asɛ kifeke gɛ befeke Kristo edenɔ bekpuɔ mɛ ɔgana Yɛakaa ishu dadalɛ mɛɛ, sɛ tɛ bɔlɔ tsyɛ zã nɛ ɛkpã vɔvɔ.

Romanɛ 6:4 Referans Kwoze

Korintoanɛ 2 5:17

Klisoɔ, onupɛ anɔ teli akpasɛ Kristo mɛɛ, enu kɛdɔ̃ bhɛbhɛtɛ vɔvɔ, kɛdɔ̃ kukuɔ tɛba fala, kɛvɔvɔ ba otsi alɛ!

Koloseanɛ 3:10

pɛ nɔlɔkɔ ɛkpã vɔvɔ ɔkpɛ, gɛ babhɛtɛ ɛlɛ avɔvɔ nɛ̀ kibuititì nɛ agɛ yɛabhɛtɛ kanɔ nɔ̀ kedzi avɔvɔ tɛzazã mɛ.

Romanɛ 7:6

Pɔ otsi alɛ gɛ buzitsí nɛ ɔsha gɛ ɔtɛ nya ɔlɔ oɖi shu oluɔ, bebu ɔlɔ edenɔ ɔshaa mɛ, tɛ kɛkɔ ɔsɛ bɔkpɛ ɛtakpu esi nɛ idzo vɔvɔ abha gana Ɔfɔfuĩa mɛ, kɛlɛ kitinu asɛ nɛ kidzo kukuɔ gɛ bafɔnɔ eluɔ nulũ.

Petro 1 3:21

kɛlɛ bulĩ ɛlɛ kasɛ bulĩkpɛkpɛ nɛ kɛtakpu ɔkɔ anɔ gɛ ayɛkɛ wɔnɔ elu nɛkpã otsiɛ. Gɛnɛ sɛ tɛ̀ bebù kibò nɛ anɔ shu, pɔ kibui tɔtɔɖɔ lu ɔganà kitú mɛibui gbangbã nɛ Owusoso Akaa shu. Kɛlɛ yɛkɛ ɔkɔ wɔnɔ ganà Yesu Kristo yɛ̀ tɛlɔlɔ odenɔ bekpuɔ mɛ,

Romanɛ 6:9

Ɔmɔsɛ bunyi sɛ gɛ bakɔ Kristo alɔ edenɔ bekpu mɛɛ, ezeke etsí, kɛlɛ butsí tɛka nu apalete nɛ yɛabha.

Korintoanɛ 2 13:4

Tɛ kɛzã tititì mɛ, bakpalɛ yɛ nɛ butsi osi shu nɛ tibobotsò mɛ, pɔ alɛ nɛkpã nɛ Owusoso Akaa ohumi mɛ. Kidzo ɛlɛ nabha bɔlɔ tsyɛ bubotso nɛ yɛ mɛ, pɔ nɛ Owusoso Akaa ohumi mɛ bɔbàza plɛni tɛ bɔdɛ axɔ̃ɛ kɔ wɔnɔ.

Romanɛ 6:3

Pɔɔ, notinyi ɔsɛ bɔlɔ pete gɛ bakpɛ ulĩ akɔ nɛ Kristo Yesu yɛinye mɛɛ, yɛutsíɛ mɛ tsyɛ bakpɛ ulĩɛ akɔ ɔlɔ dza?

Yohanes 1 2:6

Anunɔ gɛ aɖɔ asɛ akpasɛ yɛmɛɛ, kɛlɛ sɛ agã asɛ Yesu anà tsyɛ.

Korintoanɛ 1 6:14

Nɛ yɛ Ohumi nɔ mɛɛ, Owusoso Akaa efeke Apaleteɛ denɔ bekpuɔ mɛ, kana yɛebe feke bɔlɔ tsyɛ.

Romanɛ 8:11

Kɛlɛ onupɛ anunɔ gɛ yɛ Ɔfɔfuĩa ɔlɛ ofeke Yesu edenɔ bekpuɔ mɛ ɔlɛ wɔnɔ mɛɛ, kɛlɛ yɛ gɛ efeke Kristo edenɔ bekpuɔ mɛɛ, yɛ ke abakɔ wɔnɔ ishupi tsitsí ɛlɛ ɛkpã ɔgana yɛ Ɔfɔfuĩa nɔ, gɛ ɔlɛ wɔnɔ mɛɛ.

Efesoanɛ 4:17

Kliso itseɖe ɔnɔ ibui ɛlɛ, pɛ ɛɛtɔɖɔ̀ ɛklagbu nɛ ɛlɛ abha nɛ Apaleteɛ mɛ ɔsɛ, nɔtɛɔkɔ zã nɛkpã asɛ bagɛ etinu Yudanɛ, nɛ balɛ ekpeɖekpeɖeɛ gɛ ama kɛnanà mɛ.

Romanɛ 6:19

Ɛɖɔ kɛlɛ nɛ anɔdzyrame yɛekpeɖekpeɖe ulũ, ɔmɔsɛ nobotsò nɛ wɔnɔ tɛzazã mɛ. Asɛ kɛlɔkɔ gɛ nɔzɔlɔkɔ ɔnɔ ishuɔ ɛkɔ toli ɔkɔ asɛ banɔ dzidzi ɔkɔ atsɔ̃ ebui bhɛbhɛtɛ, nɛ̀ ɛtakpu mɛ gagalĩ ebui tɛ lekpè atɔɖɔɔ, kliso otsi alɛ nɔlɔkɔ ishu ɔkɔ asɛ banɔ dzidzi ɔkɔ kibui gbangbã gɛ gbanà anɔ ɔvɛnɔ tɛdadalɛ mɛ.

Banɔkpɛkpɛ Axɔ̃ɛ 2:24

Pɔ Owusoso Akaa efeke yɛ odenɔ bekpuɔ mɛ, kɛlɛ ebui aganà butsíɛ bɔlɛ bɔtɔ mɔmɔ mɛ, ɔmɔsɛ butsí gɛmɔ kidzo tɛ bɔkɔ yɛawɔ bɔlɛ ahɔɛ mɛ.

Koloseanɛ 4:1

Bapaleteɛ, nɔkɔ wɔnɔ anɔ dzidziɛ kɛgɛ shɔnɔ pɛ kɛpɛ̃ ɔsɛ nɔkɔ alɛ, ɔmɔsɛ nɔonyi ɔsɛ̀ wɔnɔ tsyɛ Apalete alɛ ɔnɔ ahɔɛ nɛititíɛ.

Efesoanɛ 5:8

Ɔmɔsɛ nɔ tɛzã otumũ mɛ oɖi, pɔ otsiɛ xɔnɔɔ nɔonu tɛdadalɛ nɛ Apaleteɛ mɛ. Nɔzã nɛ ɛkpã asɛ bunuvɔɛ gɛ balɛ amɛ adalɛ ana

Banɔkpɛkpɛ Axɔ̃ɛ 2:32

Owusoso Akaa efeke Yesu alɛ edenɔ bekpuɔ mɛ amana ɛkpã mɛ gɛ bɔlɔ pete zãmɔ kibui ɛlɛ ɔsɛ kɛba ɛlɛ mɛ kɛgbã.

Romanɛ 6:8

Kliso onupɛ butsí nɛ̀ Kristoɔ, bɔyɛkɛŋã sɛ bɔbazã nɛ̀ ɛkpã tsyɛ nii.