Romanɛ 6:23 - Nyangbo New Testament

²³ Ɔmɔsɛ kɛbhɛ gɛ babuia ɔkɔ ebui kpa bhɛbhɛtɛ, kɛli nu butsí, pɔ Owusoso Akaa yɛdɔ̃ kɔkɔ kɛli nu ɛkpã tihɔɔ nɛ Kristo Yesu bɔlɔ Apaleteɛ mɛ.

Romanɛ 6:23 Referans Kwoze

Romanɛ 5:12

Kliso asɛ gana anɔ tenikpo abha pɛ kibui kpa ku kanɔ nɔ̀ nyɔ̃ɔ mɛ, kɛlɛ gana kibui kpa bhɛbhɛtɛ mɛ butsí ba banɔ nyɔ̃ɔ abha, ɔmɔsɛ balɛ nyɔ̃ɔ abhɛtɛ ibui kpa-

Yakobo 1:15

Kɛlɛ onupɛ wɔ tɛpɛpɛ nɔ munɔ ɛya bekeɛ, kɛmɔ kibui kpa, kɛlɛ onupɛ kibui kpa shè piapii nɔ, kɛmɔ butsí.

Romanɛ 5:21

Asɛ kɛŋã gɛ kibui kpa ŋã bukusi nɛ bekpu mɛɛ, kidzo ɛlɛ nabha tibhui bhuibu tsyɛ baŋã bukusi ɔgana kɛgbangbã mɛ, sɛ tɛ banɔ amɔ ɛkpã tihɔɔ ɔgana Yesu Kristo bɔlɔ Apalete nabha.

Romanɛ 2:7

Bagɛ gana balɛ emi kpɛkpɛ mɛ pɛ baabhɛtɛ ebui gbangbã, pɛ bazapɛɛ inye gbangbã nɛ̀ bobo akɔ Owusoso Akaa, pɛ bazapɛ asɛ tɛ bazã nɛ̀ ɛkpã ɖaa nɔ, abakɔ alɛ ɛkpã tihɔɔ.

Kibui Bubú Kasɛ 21:8

Pɔ kifusisíelete, bagɛ agɛyɛkɛ aŋã, atsɔ̃bui abhɛbhɛtɛelete, bagɛ beyì anɔ, aglɔŋaŋãelete, behuinɛ, ibudielete nɛ̀ asɛnɛ sɛsɛelete peteɛ xɔ̃nɔɔ-balɛ ɔzãkɔ obodzi kifu gɛtã nɛ̀ aklagbuifu ɔɖɛklɛmɛ nɔ mɛ. Kɛlinu butsi bhalàa.”

Tito 1:2

tɛyɛyɛkɛŋã nɛ̀ kibuititiɛ gɛipo ɛkpã tihɔɔ gɛ buɖi kidzo mɛ, gɛ Owusoso Akaa, anɔ gɛ atɛ sɛ asɛnɛ, atɔɖɔ elu akɔ ɔlɔ flogo pɛ kanɔ nɔ̀ abakpɛ esi,

Romanɛ 5:17

Onupɛ gana anɔ tenikpo alɛ esi tatá mɛ butsí ŋã bukusi ɔgana yɛtakpuɔ, kɛlɛ́ kɛbazã ɔkɔ bagɛ ayɛkɛ Owusoso Akaa tibhui bhuibu gelee nɔ nɛ̀ ɛlɛ ɔdɔ̃ kɔkɔ ginu ishu dadalɛ ɛkpã ukusi ŋaŋã ɔgana anɔ tenikpo alɛ gɛenu Yesu Kristoɔ abha dza?

Romanɛ 6:16

Notinyi ɔsɛ nɔlɔkɔ batɔ̃ lulũ ɔkɔ anɔ teli asɛ banɔ dzidzi anaa, nonu banɔ dzidzi ɔkɔ anunɔ gɛ nolũ atɔ̃ ɔkɔɔ, nonu banɔ dzidzi ɔkɔ kibui kpa gɛ gbanà anɔ ɔvɛnɔ butsí mɛ, alo ɔkɔ batɔ̃ lulũ gɛ gbanà anɔ ɔkpɛ kibui gbangbã bhɛbhɛtɛ mɛɛ dza?

Yohanes 1 2:25

Kɛlɛ kɛgɛ atɔɖɔ elú akɔ bɔlɔ kɛlɛinu, ɛkpã gɛlɛ tihɔɔ nɔ.

Galatianɛ 3:10

Bagɛ elu awɔ̃ nɛ ɔsha nabha tɛbhɛbhɛtɛ xɔnɔ, baɖɔ kibui akpɛ alɛ, ɔmɔsɛ bafɔnɔ elu asɛ, “Baɖɔ kibui akpɛ anɔ ka nyia ka gɛ agɛ zã ɛlɛ abha abhɛtɛ atɔɖɔ kɛka nyia ka gɛ bafɔnɔ akpɛ ɔsha keplukpa mɛ.”

Romanɛ 1:32

Gɛ benyi piapii ɔsɛ Owusoso Akaa ɔsha gɛ akɔ ɔɖɔ ɔsɛ bagɛ bazã nɛ ɛkpã ɛlɛ nɛidiɛ, babapɔ̃ balɛ atɔ̃ nɛ̀ butsí tsyɛ elo, bavɛ ɛlɛ abha azã nɛ̀ ɛkpã kpa ɛlɛ, kɛlɛ bakɔ asɛ tɛ banɔ bhlatɔ tsyɛ azã nɛ̀ ɛkpã ɛlɛ.

Romanɛ 6:21

Kiɖe nɔmɔ odenɔ kibe ɛlɛ ebui bhɛbhɛtɛ gɛ lenu awuĩ ebui ɔkɔ ɔnɔ otsiɛ nɔ mɛɛ dza? Ebui alɛ agbana anɔ avɛnɔ butsí mɛ.

Romanɛ 8:6

Kɛgɛinu ebui kpaelete yɛtɛtɔtɔɖɔɔ, kɛmana butsí, pɔ ekpeɖekpeɖeɛ gɛ Ɔfɔfuĩa nɔ lɔgbana xɔnɔ lonu ɛkpã nɛ̀ ishu yɔyɔ,

Romanɛ 8:13

Onupɛ nɔzã nɛ̀ ɛkpã nɛ kanɔ alɛ ɛkpã kpa ulũɔ, nobotsí, pɔ onupɛ nɔlɔkɔ Ɔfɔfuĩa nɔ oyí kanɔ mɛ ebui kpa gɛ nɔdɛmɛ nɔ nɔ̀ɔ, nɔbɔzã nɛ ɛkpã,

Romanɛ 8:38

Ɔmɔsɛ ɛyɛkɛŋã ɔsɛ, onu butsí tsyɛo alo ɛkpã, akaa axɔ̃ɛdɛ alo ɛfɔfuĩa zizĩ, kibe ɛlɛ alo kɛgɛ babaa, alo ihumi,

Romanɛ 8:39

ɔɖaɖama ɔkɔ alo odzudzukɔ alo kɛka nyia ka idi nɛ kanɔ alɛ pete mɛɛ, tɛ balà ebhui ulɔ ɔtɛ nɛ Owusoso Akaa tɛdɛdɛ mɛ nɔ gɛ akɔ bɔmɔ odenɔ bɔlɔ Apalete Kristo Yesu mɛ shu.