Romanɛ 6:21 - Nyangbo New Testament

²¹ Kiɖe nɔmɔ odenɔ kibe ɛlɛ ebui bhɛbhɛtɛ gɛ lenu awuĩ ebui ɔkɔ ɔnɔ otsiɛ nɔ mɛɛ dza? Ebui alɛ agbana anɔ avɛnɔ butsí mɛ.

Romanɛ 6:21 Referans Kwoze

Romanɛ 1:32

Gɛ benyi piapii ɔsɛ Owusoso Akaa ɔsha gɛ akɔ ɔɖɔ ɔsɛ bagɛ bazã nɛ ɛkpã ɛlɛ nɛidiɛ, babapɔ̃ balɛ atɔ̃ nɛ̀ butsí tsyɛ elo, bavɛ ɛlɛ abha azã nɛ̀ ɛkpã kpa ɛlɛ, kɛlɛ bakɔ asɛ tɛ banɔ bhlatɔ tsyɛ azã nɛ̀ ɛkpã ɛlɛ.

Romanɛ 7:5

Nɛ kibe ɛlɛ gɛ kanɔ mɛ ebuiɛ azagbana ɔlɔɔ, ebui nɔnɔ gɛ agbanà anɔ akpɛ ebui kpa mɛ nɛ ɔsha nulũɔ azã ɔlɔ mɛ, kɛlɛ agɛ bɔbhɛtɛ pete agbana ɔlɔ ɔkpɛ butsí mɛ.

Romanɛ 6:23

Ɔmɔsɛ kɛbhɛ gɛ babuia ɔkɔ ebui kpa bhɛbhɛtɛ, kɛli nu butsí, pɔ Owusoso Akaa yɛdɔ̃ kɔkɔ kɛli nu ɛkpã tihɔɔ nɛ Kristo Yesu bɔlɔ Apaleteɛ mɛ.

Yohanes 1 2:28

Mɛeyi alɛ gɛ ɛdɛmɛ nɔ, otsiɛ nɔ, nɔzã yɛmɛ, sɛ tɛ̀ onupɛ ebekoeyìɛ, bɔbàmɔ awɔ̃ lulu kɛlɛ kiwũi tɛbàyì bɔlɔ nɛ yɛamɛ nɛ kibeɛ gɛ ebekuɔ.

Hebrianɛ 6:8

Kesiakpa nɔnɔ́ pɔ gɛ kanyi nɛ̀ egbegbe ete alɛ adɔ nɛ alɛ abhaa, kagɛpɛ akɔ kɛdɔ̃ nanà, pɔ kedzi esiakpa gɛ Owusoso Akaa aɖɔ ibui akpɛ. Kɛlɛ gɔgɔɛ nɔɔ, bebètsu alɛ ifu.

Romanɛ 8:13

Onupɛ nɔzã nɛ̀ ɛkpã nɛ kanɔ alɛ ɛkpã kpa ulũɔ, nobotsí, pɔ onupɛ nɔlɔkɔ Ɔfɔfuĩa nɔ oyí kanɔ mɛ ebui kpa gɛ nɔdɛmɛ nɔ nɔ̀ɔ, nɔbɔzã nɛ ɛkpã,

Romanɛ 8:6

Kɛgɛinu ebui kpaelete yɛtɛtɔtɔɖɔɔ, kɛmana butsí, pɔ ekpeɖekpeɖeɛ gɛ Ɔfɔfuĩa nɔ lɔgbana xɔnɔ lonu ɛkpã nɛ̀ ishu yɔyɔ,

Kibui Bubú Kasɛ 20:14

Kɛlɛ balɔkɔ butsí nɛ̀ bekpuɔ ɔzãkɔ atɛ́ akpɛ kifu ɔɖɛklɛmɛ nɔ mɛ. Kifu ɔɖɛklɛmɛ nɔ ɔlɛ nu butsí bhalà.

Kibui Bubú Kasɛ 16:6

ɔmɔsɛ balɛ eyí wɔanɔ dadalɛ nɛ̀ ebuiɖɔluanɛ, kɛlɛ wɔkɔ alɛ dzyosu ɔsɛ tɛ bawɔ̃ɛ asɛ gɛ kɛshɔ̃ nɔ kɔ alɛ.”

Petro 1 4:17

Ɔmɔsɛ kibeɛ na ɔkɔ kebhu kukulu, kɛlɛ kɛbà kpɛ esi edenɔ Owusoso Akaa bɔpã mɛ, kɛlɛ onupɛ kakpɛ esi nɛ̀ bɔlɔɔ pɔ, kɛlɛ kɛbà zã ɔkɔ bagɛ agɛ abhɛtɛ tɔɖɔ Owusoso Akaa yɛibui gbangbã nabhaa dza?

Yakobo 5:20

nɔbaka ɔsɛ, anunɔ gɛ etsyina ebui kpa bhɛbhɛtɛelete nɛ yɛesitatá edzo nabhaa, ebui nɛ utsí ahɔɛ mɛ, kɛlɛ balɔkɔ yɛebui kpa bhɛbhɛtɛ gelee nɔ etsyee.

Yakobo 1:15

Kɛlɛ onupɛ wɔ tɛpɛpɛ nɔ munɔ ɛya bekeɛ, kɛmɔ kibui kpa, kɛlɛ onupɛ kibui kpa shè piapii nɔ, kɛmɔ butsí.

Hebrianɛ 10:29

Kɛlɛɛ batɔ̃ pɔpɔ̃ gagalĩ ɖuwoe lu gɛ bɔyɛkɛŋã sɛ babàkɔ anunɔ gɛ akpata Owusoso Akaa Yɛeyiɛ, pɛ agɛ lɔkɔɛ nanà nɛ dzyosu olugbũ nyanyã gɛ alɔkɔ adalɛ yɛishu nɔ mɛ, pɛ ebu olugbũ mɛ nɛ Ɔfɔfuĩa nɔ gɛ lobhui banɔ obuɔ shu oɖiɛ mɔɔ dza?

Korintoanɛ 2 7:11

Noɖi kɛgɛ ɔwɔ̃nyɔnɔ nɛ Owusoso Akaa mɛ ɔbhɛtɛ nɛ wɔnɔ ɛkpã mɛ, akɔ asɛ nɔkpɛ kemi nɛ kibui shu ɔdɛ, akɔ asɛ nɔpɛ ɔsɛ tɛ wɔnɔ shu dalɛ, akɔ asɛ nɔkpɛ ɔmɔpɔɛ nɛ kɛgɛ gɛpɛ̃ɛ shu, akɔ asɛ notisi kifù, akɔ asɛ noɖi kidzo mɛ ɔkɔ ebui teli, akɔ asɛ nɔlɔkɔ tili nɛebui mɛ, akɔ asɛ nɔpɛ ɔsɛ tɛ bapɔ̃ batɔ̃ akɔ anɔ gɛ atɛa bhɛtɛ kibui gbangbã. Nɛ ebuiɛ alɛ petee mɛɛ, nɔkasɛ ɔsɛ wɔnɔ shu dalɛ nɛ alɛ shu.

Filipianɛ 3:19

Kɛgɛ babà alɛ abha kɛlɛinu butsí, balɛ obudiɛ ɔlɛonu balɛ kevũɔ, same eku alɛ nɛ kibui nɔnɔ shu gɛ kɛlɛ sɛ baŋã kiwũi. Balɛ ekpeɖekpeɖeɛ mɛ etsiɖi kesiakpa abha ɔdɔ̃ abha.

Romanɛ 5:12

Kliso asɛ gana anɔ tenikpo abha pɛ kibui kpa ku kanɔ nɔ̀ nyɔ̃ɔ mɛ, kɛlɛ gana kibui kpa bhɛbhɛtɛ mɛ butsí ba banɔ nyɔ̃ɔ abha, ɔmɔsɛ balɛ nyɔ̃ɔ abhɛtɛ ibui kpa-

Romanɛ 6:16

Notinyi ɔsɛ nɔlɔkɔ batɔ̃ lulũ ɔkɔ anɔ teli asɛ banɔ dzidzi anaa, nonu banɔ dzidzi ɔkɔ anunɔ gɛ nolũ atɔ̃ ɔkɔɔ, nonu banɔ dzidzi ɔkɔ kibui kpa gɛ gbanà anɔ ɔvɛnɔ butsí mɛ, alo ɔkɔ batɔ̃ lulũ gɛ gbanà anɔ ɔkpɛ kibui gbangbã bhɛbhɛtɛ mɛɛ dza?

Korintoanɛ 2 4:2

Pɔ, bɔtɛ badɛmɛ tɔɖɔ ebui kpukpũ nanà tɛɖɔɖɔ nɛ̀ awũi edzo abha, bɔgɛ lɔkɔ tɛwɔɛwɔɛ ebui, alo pɛ butsyina Owusoso Akaa yɛibuiɛ tũ. Pɔ nɛ kidzo ɛlɛ nabha, bɔlɔkɔ kibui gɛlɛ ɛlɛ ɔzãkɔ bɔlɔkɔ ɖɔ kitú mɛ kibui, nɛ Owusoso Akaa namɛ.