Romanɛ 6:19 - Nyangbo New Testament

¹⁹ Ɛɖɔ kɛlɛ nɛ anɔdzyrame yɛekpeɖekpeɖe ulũ, ɔmɔsɛ nobotsò nɛ wɔnɔ tɛzazã mɛ. Asɛ kɛlɔkɔ gɛ nɔzɔlɔkɔ ɔnɔ ishuɔ ɛkɔ toli ɔkɔ asɛ banɔ dzidzi ɔkɔ atsɔ̃ ebui bhɛbhɛtɛ, nɛ̀ ɛtakpu mɛ gagalĩ ebui tɛ lekpè atɔɖɔɔ, kliso otsi alɛ nɔlɔkɔ ishu ɔkɔ asɛ banɔ dzidzi ɔkɔ kibui gbangbã gɛ gbanà anɔ ɔvɛnɔ tɛdadalɛ mɛ.

Romanɛ 6:19 Referans Kwoze

Romanɛ 6:13

Nɔtɛ shɛnɛ ahɔɛ nɛ wɔnɔ ishupiɛ shu ɔkɔ nanà ɔkɔ kibui kpa, asɛ kɛxɔ̃ɛwadɔ̃ ɔkɔ kɛtakpu mɛ gagalĩ ebui bhɛbhɛtɛ, pɔ nɔshɛnɛ ahɔɛ nɛ wɔnɔshu ɔkɔ Owusoso Akaa ɔmɔ asɛ banɔ gɛ bebu edenɔ butsí mɛ ɔmana ɛkpã mɛ ana, tɛ nɔshɛnɛ ahɔɛ nɛ wɔnɔ ishupiɛ shu ɔkɔ nyia ɔkɔ ɔkɔɛ, asɛ bɔxɔ̃ɛwɔadɔ̃ ɔkɔ kibui gbangbã tɛbhɛbhɛtɛ.

Romanɛ 3:5

Onupɛ bɔlɔ ebui abha mabhɛtɛ mabhɛtɛ lakɔ asɛ Owusoso Akaa ebui abha tɛbhɛbhɛtɛ xɔnɔ awɔ̃ɛ piapii nɔ, kiɖuwoe bɔbaɖɔo? Bɔbaɖɔ ɔsɛ Owusoso Akaa agɛna bhɛtɛ onupɛ akpɛ ɔmɔpɔɛ nɛ ɔlɔ shuɔ dza? (Ɛpɔ̃ɛ ebui mɛ asɛ anɔdzyrame ana.)

Korintoanɛ 1 6:11

Ebui alɛ wɔnɔ mɛ banɔ teli aza abhɛtɛ. Pɔ beplu wɔnɔ ishu, badalɛ wɔnɔ shu, kɛlɛ bebhui bɔtyɔa akɔ wɔnɔ nɛ Apalete Yesu Kristoɔ nɛ Owusoso Akaa Ɔfɔfuĩa nɛinyeɛ mɛ.

Galatianɛ 3:15

Mɛadzya alɛ mɔ, nɔkɔ mɛɖɔ kibui ɛlɛ lɔkɔ shɔnɔ kiwui nyia wui ɛkpã zazãna shu. Asɛ kana gɛ ananà atɛ balà ebu, alo pɛ abalà lɔkɔ kɛdɔ̃ nanà aplɛnɔ anɔdzyrame olugbũ nyanyã nɔnɔ gɛ batɔɖɔ eluɔ akɔɛ nɔ, kana ibe kɛlɛ nɛ kibui ɛlɛ tsyɛ mɛ.

Hebrianɛ 12:15

Nɔnyana ishu piapii sɛ tɛ noti tsodzi nɛ Owusoso Akaa tibhui bhuibuɔ shu. Nɛ kidzo ɛlɛ nabhaa anɔ nanà atɛzã asɛ tɛwɔa kɛtɛtɛ́ gɛ tishè pɛ tɛlɔkɔ ɛlɛ abɔɛ zĩ udɔ̃ gelee nɔ ana.

Hebrianɛ 4:15

Ɔmɔsɛ anɛ banɔlũazazã gɛ atɛ balà elũ bɔtɔ gɛlɛ ɔlɔ shuɔ, yɛalɛ ɔlɔ ahɔɛ, pɔ enu anɔ gɛ befekeɖi nɛ kɛka nyia ka mɛ ɔmɔ asɛ bɔlɔ ana-pɔ yɛxɔnɔ kibui kpa nanà gɛzã yɛishu.

Korintoanɛ 1 9:8

Ɛɖɔ ebui alɛ ete nɛ anɔdzyrame yɛɔdɔ mɔmɔ ulũ dza? Gɛnɛ alɛ nɛidi ɔshaa tsyɛ ɖɔ dza?

Korintoanɛ 1 5:6

Wɔnɔ ishuɔ gɛ nofekeɛ gɛ pɛ. Nɔoti nyi ɔsɛ amɔwɔ tsɔtsɔ̃mɔ bhlui teli yɛakɔ avɔvɔ gɛ ekpéɛ tsyɛ atsɔmɔ̃ɔ dza?

Romanɛ 15:1

Bɔlɔ agɛ kpɛ ogù nɛ tɛyɛyɛkɛŋã mɛɛ, kɛlɛ sɛ tɛ bɔyɛkɛ ɔkɔ bagɛ lɔma alɛ ahɔɛ, kɛlɛ kɛma sɛ tɛ bɔɔ bhɛtɛ kɛgɛ iku ɔlɔ awɔ̃ɔ.

Romanɛ 8:26

Kidzo ɛlɛ nabha ke Ɔfɔfuĩa nɔ ɔplɛnɔ ɔlɔ nɛ ɔlɔ tibobotsò mɛ. Butinyi kɛgɛ bɔbaɖɔ nɛ Owusoso Akaa tikukulu mɛ, pɔ Ɔfɔfuĩa nɔ ɔyɛkɛ ebuiɛ nɛ ɔlɔ lu nɛ tininimi gele gɛ olugbũ ɔtɛ bɔlà ɔɖɔɔ mɛ.

Romanɛ 7:23

pɔ iwlui mɔ ɔsha bhlatɔ gɛ lɔwɔa axɔ̃ɛ nɛ mɛishu udzyaa mɛ, gɛ lɔlɔkɔ keyu nɛ mɛekpeɖekpeɖe mɛ bhɛbhɛtɛ shu, kɛlɛ lɔkpɛ mɛ ɔɖavũ anɔ ɔkɔ ɔsha kpa gɛ ɔwɔa axɔ̃ɛ nɛ mɛishu udzya mɛ.