Romanɛ 6:16 - Nyangbo New Testament

¹⁶ Notinyi ɔsɛ nɔlɔkɔ batɔ̃ lulũ ɔkɔ anɔ teli asɛ banɔ dzidzi anaa, nonu banɔ dzidzi ɔkɔ anunɔ gɛ nolũ atɔ̃ ɔkɔɔ, nonu banɔ dzidzi ɔkɔ kibui kpa gɛ gbanà anɔ ɔvɛnɔ butsí mɛ, alo ɔkɔ batɔ̃ lulũ gɛ gbanà anɔ ɔkpɛ kibui gbangbã bhɛbhɛtɛ mɛɛ dza?

Romanɛ 6:16 Referans Kwoze

Petro 2 2:19

Asɛnɛ ɔdɔ̃ kakasɛ alɛ atɔɖɔ ishu ahɔɛmɛ zazã elu kɔ anɔ, gɛ balɛ pɔ enu banɔ dzidzi ɔkɔ kɛtakpu mɛ gagalĩ ebui, ɔmɔsɛ̀ anɔdzyrame edzì anɔ dzidzì akɔ kibui nɔnɔ gɛ kɛŋã yɛabha.

Romanɛ 6:17

Pɔ nohu Owusoso Akaa yɛahɔɛ ɔsɛ, wɔnɔ gɛ nodzi banɔ dzidzi ɔkɔ ebui kpa flogo nɔɔ, nɔbɔlɔkɔ wɔnɔ etúɔ nyɔ̃ɔ nɛ̀ batɔ̃ lulũ ɔyɛkɛ bɔdɔ̃ kakasɛ ɛlɛ, gɛ balɔkɔ akpɛ ahɔɛ akɔ wɔnɔ.

Romanɛ 11:2

Owusoso Akaa agɛ shɛnɛ ahɔɛ nɛ yɛmadi Israel shu, banunɔ gɛenyi akpɛ otugbà kukukuɔ. Pɛnɔsɛ notinyi kɛgɛ yɛibuiɛ ɖɔ nɛ Eliya shu-nɛ kibisi gɛ ebisi denɔ Owusoso Akaa ɔkɔ nɛ̀ Israel ɛtakpuɔ shu dza? Aɖɔ asɛ,

Romanɛ 12:1

Mɛelɛ alɛ mɔ, nɛ Owusoso Akaa yɛashagabui nɛidi gɛeɖi ɔlɔ nɔ soɔ, ɛkpalà ɔnɔ ɔsɛ tɛ nɔlɔkɔ ishu ɔbhɛtɛ asɛ bɔdɔ̃ pɔpɔɛ gɛlɛ nɛkpã ana, gɛ ɛlɛishu dalɛ pɛ Owusoso Akaa adɛmɛ nɔɔ, kɛlɛinu wɔnɔ ɔfɔfuĩa mɛ ɛtakpu esi kpɛkpɛ.

Korintoanɛ 1 3:16

Nɔotinyi ɔsɛ Owusoso Akaavũɔ nɔonu pɛ Owusoso Akaa Ɔfɔfuĩa nɔ kpasɛ wɔnɔ mɛ dza?

Korintoanɛ 1 5:6

Wɔnɔ ishuɔ gɛ nofekeɛ gɛ pɛ. Nɔoti nyi ɔsɛ amɔwɔ tsɔtsɔ̃mɔ bhlui teli yɛakɔ avɔvɔ gɛ ekpéɛ tsyɛ atsɔmɔ̃ɔ dza?

Korintoanɛ 1 6:2

Nɔotinyi ɔsɛ bagɛ enu bayɛyɛkɛŋã balɛ ebekulu kebhu nɛ kanɔ mɛ banɔ nɔɔ dza? Kɛlɛ onupɛ wɔnɔ obokulu kebhu nɛ̀ kanɔ nɔ̀ mɛ, nɔgɛ ná sɛ tɛ nokulu bubhu bhlui bhlui lɛ nɛidiɛ dza?

Korintoanɛ 1 6:3

Nɔotinyi ɔsɛ bɔlɔ ba kulu kebhu nɛ̀ Akaa axɔ̃ɛdɛ dza? Kɛlɛ so pɛ kanɔ mɛ ebui alɛ bɔtalà okulu kebhu nɔ dza?

Korintoanɛ 1 6:9

Nɔotinyi ɔsɛ atakpu mɛ gagalĩ eleteɛ atɛba vɛ Owusoso Akaa bukusi ɔŋãkɔɔ dza? Nɔtɛkɔ bawɔɛ wɔnɔ, bagɛ baŋã kɛgɔlɔ tsyɛ, ibudi eleteɛ, bagɛ badɛ ɔmamɛ, banyɛ gɛ bawɔsɔ̃ nɛ̀ balɛ banyɛ ɔhagbo alɛ,

Korintoanɛ 1 9:13

Nɔotinyi ɔsɛ bagɛ awɔa axɔ̃ɛ nɛ Owusoso Akaavũɔ mɛ bamɔ bɔŋaŋã edenɔ ɛkɛlɛ dza, kɛlɛ osubha gɛ ɔlɛ abha banɔ nɔ apɔɛ bɔdɔ̃, gɛnɛ ɛkɛlɛ baŋã bɔdɔ̃ edenɔɔ dza?

Korintoanɛ 1 9:24

Nɔ otinyi ɔsɛ nɛ tɛtsɛɖɛmɛ tibubu mɛɛ, banɔ nɔ nyɔ̃ɔ ebu tɛtsɛɖɛmɛ, pɔ anɔ tenikpo ko yɛaŋã kabha dza? Nɔobu tɛtsɛɖɛmɛ nɛ kidzoɔ gɛ kɛlɛ abha nɔbɔmɔ kabha ŋaŋã.