Romanɛ 6:13 - Nyangbo New Testament

¹³ Nɔtɛ shɛnɛ ahɔɛ nɛ wɔnɔ ishupiɛ shu ɔkɔ nanà ɔkɔ kibui kpa, asɛ kɛxɔ̃ɛwadɔ̃ ɔkɔ kɛtakpu mɛ gagalĩ ebui bhɛbhɛtɛ, pɔ nɔshɛnɛ ahɔɛ nɛ wɔnɔshu ɔkɔ Owusoso Akaa ɔmɔ asɛ banɔ gɛ bebu edenɔ butsí mɛ ɔmana ɛkpã mɛ ana, tɛ nɔshɛnɛ ahɔɛ nɛ wɔnɔ ishupiɛ shu ɔkɔ nyia ɔkɔ ɔkɔɛ, asɛ bɔxɔ̃ɛwɔadɔ̃ ɔkɔ kibui gbangbã tɛbhɛbhɛtɛ.

Romanɛ 6:13 Referans Kwoze

Romanɛ 12:1

Mɛelɛ alɛ mɔ, nɛ Owusoso Akaa yɛashagabui nɛidi gɛeɖi ɔlɔ nɔ soɔ, ɛkpalà ɔnɔ ɔsɛ tɛ nɔlɔkɔ ishu ɔbhɛtɛ asɛ bɔdɔ̃ pɔpɔɛ gɛlɛ nɛkpã ana, gɛ ɛlɛishu dalɛ pɛ Owusoso Akaa adɛmɛ nɔɔ, kɛlɛinu wɔnɔ ɔfɔfuĩa mɛ ɛtakpu esi kpɛkpɛ.

Romanɛ 6:16

Notinyi ɔsɛ nɔlɔkɔ batɔ̃ lulũ ɔkɔ anɔ teli asɛ banɔ dzidzi anaa, nonu banɔ dzidzi ɔkɔ anunɔ gɛ nolũ atɔ̃ ɔkɔɔ, nonu banɔ dzidzi ɔkɔ kibui kpa gɛ gbanà anɔ ɔvɛnɔ butsí mɛ, alo ɔkɔ batɔ̃ lulũ gɛ gbanà anɔ ɔkpɛ kibui gbangbã bhɛbhɛtɛ mɛɛ dza?

Petro 1 2:24

Yɛalɔkɔ bɔlɔ ebui kpa akpɛ yɛishuɔ mɛ̀ nɛ busiɛ shu, sɛ tɛ butsì ɔkɔ kibui kpa bhɛbhɛtɛ tɛ̀ bɔzã nɛkpã ɔkɔ kibui gbangbã tɛbhɛbhɛtɛ, ganà yɛapɔ̃ mɛ bebu banyã akɔ wɔnɔ.

Koloseanɛ 3:5

Klisoɔ nɔŋã kanɔ alɛ mɛ kɛka nyia ka idi gɛ kpasɛ ɔnɔ mɛ nabha. Gɛinu asɛ ɔmamɛdɛdɛ, atsɔ̃bui, ishumɛ tɛlɔlɔ nɛ adzɛ shu, ebui zizĩ tɛtɔtɔɖɔ, nɛ̀ mɛ ete tɛpɛpɛ̃ gɛinu ibudi ebui.

Romanɛ 7:5

Nɛ kibe ɛlɛ gɛ kanɔ mɛ ebuiɛ azagbana ɔlɔɔ, ebui nɔnɔ gɛ agbanà anɔ akpɛ ebui kpa mɛ nɛ ɔsha nulũɔ azã ɔlɔ mɛ, kɛlɛ agɛ bɔbhɛtɛ pete agbana ɔlɔ ɔkpɛ butsí mɛ.

Petro 1 4:2

Nɛ kibui ɛlɛ shu soɔ, agazã yɛ ɛkpã gɔgɔɛnɔ nɛ esiakpa abha nɛ anɔdzyrame yɛebui kpa tɛpɛpɛɛ ulũ, pɔ azã nɛkpã akɔ kɛgɛ Owusoso Akaa apɛ nɔ.

Koloseanɛ 2:13

Kibeɛ gɛ nɔotsí nɛ wɔnɔ ebui kpa bhɛbhɛtɛ mɛ, gɛ beke bhui kɛhɔ̃a akɔ ɔnɔ pɛ nɔzã ebui kpa bhɛbhɛtɛ mɛ tyɛ elo, Owusoso Akaa akɔ nɔzã nɛkpã nɛ̀ Kristo. Alɔkɔ ebui kpa etsye ɔlɔ petee,

Korintoanɛ 1 6:20

budzi bedzi wɔnɔ nɛ kedzi tieli. Klisoɔ, nɔkpɛ Owusoso Akaa nɛinye nɛ kititi nɛ wɔnɔ ishupiɛ.

Yohanes 1 1:9

Onupɛ bɔɖɔ ebui kpa gɛ bɔbhɛtɛ, enu anɔ gɛ aɖɔ kibui gbã ɔsɛ, abalɔkɔ bɔlɔ ebui kpa bhɛbhɛtɛ etsye bɔlɔ tɛ̀ eplu ɔlɔ odenɔ ebui kpa bhɛbhɛtɛ mɛ.

Korintoanɛ 1 6:15

Nɔotinyi ɔsɛ wɔnɔ shudzyaa nu Kristoɔ ɔyɛ dza? Pɔ kɛpɛ̃ sɛ ɛlɔkɔ mɛ ishudzyaa gɛinu Kristoɔ ɔyɛ bhɛtɛ tenikpo nɛ kedulũ azazã eleteɛ dza? Kɛma ɛlɛ mɛ ana!

Efesoanɛ 2:5

akɔ bɔmɔ ɛkpã ɔplɛnɔ Kristo nɛ kibeɛ gɛ butsí nɛ bɔlɔ esi tata mɛ, ashagabui ɖiɖi so pɛ bebu ɔlɔ.

Filipianɛ 1:20

Iɖi idzo mɛ gagalĩi pɛ ilu awɔ̃ sɛ ɛtɛ bà ŋã kiwũi nɛidzo nanà abha, pɔ ɛba mɔ̃ kemì kpɛkpɛ gelee, sɛ tɛ otsiɛ nɔ gɛ babà zakpɛ̀ Kristo inyeɛ nɛitití nɛ mɛ mɛ̀, kɛbà gã ɛkpã mɛ alo butsì mɛ tsyɛo.

Korintoanɛ 1 6:9

Nɔotinyi ɔsɛ atakpu mɛ gagalĩ eleteɛ atɛba vɛ Owusoso Akaa bukusi ɔŋãkɔɔ dza? Nɔtɛkɔ bawɔɛ wɔnɔ, bagɛ baŋã kɛgɔlɔ tsyɛ, ibudi eleteɛ, bagɛ badɛ ɔmamɛ, banyɛ gɛ bawɔsɔ̃ nɛ̀ balɛ banyɛ ɔhagbo alɛ,

Romanɛ 6:19

Ɛɖɔ kɛlɛ nɛ anɔdzyrame yɛekpeɖekpeɖe ulũ, ɔmɔsɛ nobotsò nɛ wɔnɔ tɛzazã mɛ. Asɛ kɛlɔkɔ gɛ nɔzɔlɔkɔ ɔnɔ ishuɔ ɛkɔ toli ɔkɔ asɛ banɔ dzidzi ɔkɔ atsɔ̃ ebui bhɛbhɛtɛ, nɛ̀ ɛtakpu mɛ gagalĩ ebui tɛ lekpè atɔɖɔɔ, kliso otsi alɛ nɔlɔkɔ ishu ɔkɔ asɛ banɔ dzidzi ɔkɔ kibui gbangbã gɛ gbanà anɔ ɔvɛnɔ tɛdadalɛ mɛ.

Korintoanɛ 2 10:4

Keyuta ɔdɔ̃ gɛ bɔɔtà keyuɔ nɔɔ butinu kanɔ mɛ keyuta ɔdɔ̃. Nɛ kidzo bhlatɔ abhaa, ɔfɔfuĩa mɛ ohumi ɔlɛ balɛ ahɔɛ ɔsɛ tɛ balɔkɔ ayɛɛ ɔfɔfuĩa mɛ ebui gagalĩ nɔ.

Romanɛ 6:11

Kidzo ɛlɛ nabha lũɔ nɔlɔkɔ wɔnɔshu ɔmɔ asɛ banɔ tsitsí ɔkɔ ebui kpa, pɔ nonu anɔ gɛ ɔlɛ nɛ ɛkpã ɔkɔ Owusoso Akaa nɛ Kristo Yesu mɛ.

Efesoanɛ 5:14

ɔmɔsɛ kiwuiɛ kɛlɛ ɔkɔ ɔsɛ bamɔ̃ kɛka nyia ka. Kliso pɛ baɖɔ asɛ, “Nyɛmɛ, O wɔ agɛ ɔɔdɔ̀ taɖaa, lɔ odenɔ bekpuɔ mɛ, kɛlɛ Kristoɔ aba tsé kifu atɔɖɔ wɔabha.”

Korintoanɛ 2 8:5

Kɛlɛ bagɛ bhɛtɛ asɛ gɛ bɔpɛ nɔ, pɔ beputɔ alɔkɔ balɛishu akɔ Apaleteɛ nɛ bɔlɔ nɛ Owusoso Akaa tɛpɛpɛ ulũ.

Korintoanɛ 2 5:15

Kɛlɛ etsí akɔ bɔlɔ petee, sɛ tɛ bagɛ alɛ nɛkpã atakazã nɛkpã akɔ balɛishu pɔ tɛ̀ bàzã nɛkpã akɔ agɛ yɛetsí nɛ balɛ kɛtakpuɔ pɛ beze feke yɛ edenɔ bekpuɔ mɛ.

Romanɛ 7:23

pɔ iwlui mɔ ɔsha bhlatɔ gɛ lɔwɔa axɔ̃ɛ nɛ mɛishu udzyaa mɛ, gɛ lɔlɔkɔ keyu nɛ mɛekpeɖekpeɖe mɛ bhɛbhɛtɛ shu, kɛlɛ lɔkpɛ mɛ ɔɖavũ anɔ ɔkɔ ɔsha kpa gɛ ɔwɔa axɔ̃ɛ nɛ mɛishu udzya mɛ.

Yakobo 4:1

Kiɖe gɛ mana ekpli tatá nɛ̀ ebala nɛ wɔnɔɛishi? Pɛnɔsɛ anɛ ebuiɛ gɛ lakpasɛ ɔnɔ mɛ pɛ latɛ eyu nɛ ɔnɔ mɛɛ ledeɛ dza?

Romanɛ 1:29

Banunɔ mɛ eyuku nɛ̀ atakpu mɛ gagalĩ, ebui zizĩ, mɛete ɛyɛ tɛpɛpɛ̃ nɛ̀ banɔ tidzyidzyini ɔkpɛ, alɛ ayɛkɛ alɛ mɛ. Ebui kpa bhlatɔ enu awuhũ dzadzã nɛ banɔ shu, banɔ yiyí, ebla pɛpɛ, banɔ wɔɛwɔ̀ɛ nɛ̀ ɔhagbo shu tizizĩ. Benu olugbũedzi agagã anɔ,

Tesalonikanɛ 2 2:12

sɛ tɛ bebù bagɛ agɛ yɛkɛ kibui gbã nabha ŋã nɛpɔ, pɛ kɛtakpu mɛ gagalĩ ebui bhɛbhɛtɛ eku alɛ same.

Korintoanɛ 2 5:14

Ɔmɔsɛ Kristoɔ tɛdɛdɛmɛ nɔ tĩi bɔlɔ, ɔmɔsɛ kɛlɛ mɛ dalɛ kɔ bɔlɔ sɛ anɔ tenikpo etsí kɔ bɔlɔ petee, klisoɔ bɔlɔ petee tsí.

Timoteo 2 2:15

Bhɛtɛ piapii tɛ̀ ɔlɔkɔ wɔ shu ɔkɔ Owusoso Akaa, asɛ anɔ gɛ batɔɖɔ ahɔɛ nɛ yɛabha ana, axɔ̃ɛwɔa gɛ kɛma sɛ tɛ kiwũi yii pɛ enu axɔ̃ɛwɔa gɛ anyanã kibui gbã mɛ ovunɔ piapi.