Romanɛ 6:11 - Nyangbo New Testament

¹¹ Kidzo ɛlɛ nabha lũɔ nɔlɔkɔ wɔnɔshu ɔmɔ asɛ banɔ tsitsí ɔkɔ ebui kpa, pɔ nonu anɔ gɛ ɔlɛ nɛ ɛkpã ɔkɔ Owusoso Akaa nɛ Kristo Yesu mɛ.

Romanɛ 6:11 Referans Kwoze

Korintoanɛ 1 6:20

budzi bedzi wɔnɔ nɛ kedzi tieli. Klisoɔ, nɔkpɛ Owusoso Akaa nɛinye nɛ kititi nɛ wɔnɔ ishupiɛ.

Romanɛ 6:2

Kɛma ɛlɛ mɛ ana! Gɛ butitsí kɔ kibui kpaa, kiɖeso pɛ bɔbazã kɛlɛ tɛbhɛbhɛtɛ abha vɛnɔ otugbà?

Romanɛ 6:13

Nɔtɛ shɛnɛ ahɔɛ nɛ wɔnɔ ishupiɛ shu ɔkɔ nanà ɔkɔ kibui kpa, asɛ kɛxɔ̃ɛwadɔ̃ ɔkɔ kɛtakpu mɛ gagalĩ ebui bhɛbhɛtɛ, pɔ nɔshɛnɛ ahɔɛ nɛ wɔnɔshu ɔkɔ Owusoso Akaa ɔmɔ asɛ banɔ gɛ bebu edenɔ butsí mɛ ɔmana ɛkpã mɛ ana, tɛ nɔshɛnɛ ahɔɛ nɛ wɔnɔ ishupiɛ shu ɔkɔ nyia ɔkɔ ɔkɔɛ, asɛ bɔxɔ̃ɛwɔadɔ̃ ɔkɔ kibui gbangbã tɛbhɛbhɛtɛ.

Koloseanɛ 3:17

Kɛlɛ kɛka nyia ka gɛ nɔbhɛtɛɛ tsyɛɛ, onupɛ kibui ɖɔɖɔ alo ebui bhɛbhɛtɛ mɛ tsyɛ elo, nɔbhɛtɛ alɛ petee nɛ Apalete Yesu inyèɛ mɛ, tɛ nɔlɔkɔ ahɔɛ huhu ɔkɔ Owusoso Akaa ɔganà yɛabha.

Romanɛ 8:18

Nɛ mɛɔdɔ̃ mɔmɔ lũɔ, kibe ɛlɛ ɔtɔ tinu kɛdɔ̃ gɛ babalà alɔkɔ ashɔnɔ ishu dadalɛ gɛ bebebu akasɛ nɛ ɔlɔ mɛɛ.

Petro 1 2:5

wɔnɔ tsyɛ, asɛ aklagbu gɛalɛ nɛkpã ana, balɔkɔ ɔnɔ abhɔ ɔfɔfuĩa mɛ buvũ tɛ̀ budzi bukusi ɔŋãkɔ gɛ dalɛ, gɛ bɔkɔ ɔfɔfuĩa mɛ̀ bɔdɔ̃ pɔpɔɛ gɛ Owusoso Akaa adɛmɛ tɔɖɔ bɔlɛ abha ɔganà Yesu Kristo abha.

Efesoanɛ 2:7

sɛ tɛ nɛ agɔɔ gɛ lababaa mɛɛ, aba kasɛ yɛ ehoeyi ɔdɔ̃ gɛ batɛ balà alɔkɔ shɔnɔ bɔnanà ɔgana tibhui bhuibu mɛ, gɛ akasɛ nɛ yɛ ɛyamɛ gbangbã bhɛbhɛtɛ ɔkɔ ɔlɔ nɛ Kristo Yesu mɛ.

Petro 1 4:11

Onupɛ anɔ teli aɖɔaɖɔɔ, abhɛtɛ ɛlɛ asɛ anɔ gɛ aɖɔ Owusoso Akaa nɛibui ana. Onupɛ anɔ teli adɛ axɔ̃ɛ, abhɛtɛ ɛlɛ nɛ̀ ohumiɛ gɛ Owusoso Akaa akɔɛ nɔ mɛ, sɛ tɛ̀ nɛ ebui petee mɛɛ, babà kpɛ Owusoso Akaa nɛinye nɛitití ɔganà Yesu Kristo abha. Ishu dadalɛ nɛ̀ ohumi ɔlɛ onu yɛ ɔyɛ odenɔ otsiɛ vɛnɔ tihɔɔ. Amen.

Filipianɛ 1:11

Nɔkɔ kibui gbangbã bhɛbhɛtɛ busi eyuyuɔ gɛ agã Yesu Kristo abha eyuku ɔnɔ mɛ, tɛ kidzi ishu dadalɛ nɛ̀ kinye kpɛkpɛ nɛitití ɔkɔ Owusoso Akaa.

Romanɛ 5:1

Kliso gɛ balɔkɔ ɔlɔ asɛ bunu banɔ gbangbã ɔgana tɛyɛyɛkɛŋã mɛɛ, ishu yɔyɔ lɛ ɔlɔ nɛ̀ Owusoso Akaa nɛishi, ɔgana bɔlɔ Apalete Yesu Kristo abha,

Romanɛ 6:23

Ɔmɔsɛ kɛbhɛ gɛ babuia ɔkɔ ebui kpa bhɛbhɛtɛ, kɛli nu butsí, pɔ Owusoso Akaa yɛdɔ̃ kɔkɔ kɛli nu ɛkpã tihɔɔ nɛ Kristo Yesu bɔlɔ Apaleteɛ mɛ.

Filipianɛ 4:7

Kɛlɛ Owusoso Akaa ishu yɔyɔɔ gɛidɛ ebui esi lulũ ka nyia ka ɛdiɛ mɛɛ, aba gbanà ɔnɔ etúɔ nɛ̀ ekpeɖekpeɖeɛ nɛ Kristo Yesu mɛ.

Romanɛ 16:27

sɛ tɛ bɔkpɛ Owusoso Akaa gɛenu ebuitinɛ tenikpo nɔ nɛitití tihɔɔ nɛ Yesu Kristo yɛinye mɛ! Amen.

Romanɛ 6:10

Butsíɛ gɛ etsíɛ, ebui kpa yɛetsí bɔlɛ akɔ, nɛ kibe nyiɛ be ulũ, pɔ ɛkpã gɛ edzinɔɔ, alɛ ɛlɛ akɔ Owusoso Akaa.

Romanɛ 7:4

Kliso mɛelɛ alɛ mɔ, wɔnɔ tsyɛ notsí ɔkɔ ɔshaa ɔgana Kristo abha, tɛ nodzi tenikpo ɔkɔ anunɔ gɛ befeke edenɔ bekpuɔ mɛɛ, tɛ buyu busi eyuyu gbangbã ɔkɔ Owusoso Akaa.

Romanɛ 7:6

Pɔ otsi alɛ gɛ buzitsí nɛ ɔsha gɛ ɔtɛ nya ɔlɔ oɖi shu oluɔ, bebu ɔlɔ edenɔ ɔshaa mɛ, tɛ kɛkɔ ɔsɛ bɔkpɛ ɛtakpu esi nɛ idzo vɔvɔ abha gana Ɔfɔfuĩa mɛ, kɛlɛ kitinu asɛ nɛ kidzo kukuɔ gɛ bafɔnɔ eluɔ nulũ.

Koloseanɛ 2:20

Gɛ nɔotsí ɔplɛnɔ Kristoɔ nɛ kanɔ alɛ mɛ ɛkpa zazãna shuɔ, kiɖe so pɛ nɔbhɛtɛ asɛ gɛ onupɛ nɔkɔ ɔkpasɛ kanɔ nɔ̀ mɛɛ dza? Nɔkɔɔ ɔkpɛ kɛtakpu esi ɔkɔ ɔsha ɛlɛ gɛ bakpɛ asɛ,

Petro 1 2:24

Yɛalɔkɔ bɔlɔ ebui kpa akpɛ yɛishuɔ mɛ̀ nɛ busiɛ shu, sɛ tɛ butsì ɔkɔ kibui kpa bhɛbhɛtɛ tɛ̀ bɔzã nɛkpã ɔkɔ kibui gbangbã tɛbhɛbhɛtɛ, ganà yɛapɔ̃ mɛ bebu banyã akɔ wɔnɔ.