Romanɛ 6:1 - Nyangbo New Testament

¹ Kɛlɛ bɔbaɖɔ otsiɛ? Bɔbaavɛ ɛlɛ abha zɛbhɛtɛ ebui kpaa ko, tɛ kɛkɔ ɔsɛ ɔlɔ tibhui bhuibuɔ zikpè tɔɖɔ koɔ dza?

Romanɛ 6:1 Referans Kwoze

Petro 1 2:16

Nɔzanà ɛkpã asɛ banɔ gɛ balɛishu ahɔɛ mɛ ana, pɔ nɔtɛ̀ lɔkɔ wɔnɔ ishu ahɔɛ mɛ zazã ɔlɔkɔ ɔdã wɔnɔ ebui kpa bhɛbhɛtɛ nulũ, pɔ nɔzã nɛkpã asɛ Owusoso Akaa axɔ̃ɛdɛ ana.

Galatianɛ 5:13

Mɛadzya alɛ mɔ, bekulu ɔnɔ asɛ nɔzã ishu ahɔɛ mɛ. Pɔ nɔtɛ lɔkɔ ɔnɔ ishu ahɔɛ mɛ zazãa lɔkɔ ɔgana kibui kpa bhɛbhɛtɛ mɛ, pɔ nɔplɛnɔ agɔlɔ nɛ tɛdɛdɛmɛ nɔ mɛ.

Romanɛ 6:15

Kiɖuwoe lu otsiɛ mɔ? Bɔbaa bhɛtɛ ibui kpa ɔmɔsɛ bɔma ɔsha niesi, pɔ tibhui bhuibu esi bɔlɛ soɔ dza? Kɛma ɛlɛ mɛ ana!

Romanɛ 2:4

Pɛnɔsɛ mabomabo nɔlɔkɔ ɔkɔɛ nɛ yɛyamɛ gbangbã tɛbhɛbhɛtɛ, yɛemi kpɛkpɛ nɛ̀ yɛtɛdɔdɔ fɔ̃ɔ ɔkɔ ɔnɔɔ shu, pɔ nɔtɛ ɔmɔsɛ yɛyamɛ gbangbã gɛ abhɛtɛɛ kɛkɔ ɔsɛ notsyina etú mɛɛ dza?

Yuda 1:4

Ɔmɔsɛ banɔ teli gɛ batɛ fɔnɔ balɛ ɛpɔ bubuɔ elù kibè tili gɛ bafalaa, banɔ alɛ abafala eku wɔnɔɛshi nɛ tikpukpũ mɛ. Benu banɔ gɛ betinyi Owusoso Akaa, gɛ balɔkɔ Owusoso Akaa tibhui bhuibuɔ asɛ kidzo kɔkɔ anɔ ɔkɔ kɛgɔlɔ ŋaŋã kɛlɛ bagɛ yɛkɛ Yesu Kristoɔ gɛenu bɔlɔ Apalete nɛ̀ Ekusi Gbagbla tenikpo nɔ.

Romanɛ 3:31

Kliso otsi alɛɛ, nɛ tɛyɛyɛkɛŋã lɛ nulũ soɔ bɔba shɛnɛ ahɔɛ nɛ ɔsha shu dza? Ao, kɛma ɛlɛ mɛ ana kura! Pɔ, kɛlɛ sɛ tɛ bɔnyana ɔlɛ mɛ vunɔ gagalĩi.