Romanɛ 5:8 - Nyangbo New Testament

⁸ Pɔ Owusoso Akaa ebu kɛdɛmɛ gɛ adɛmɛ nɛ̀ ɔlɔ akasɛ nɛidzo ɛlɛ nabha asɛ, gɛ buwlui zã ɔlɔ ebui kpa bhɛbhɛtɛ abhaa, Kristo etsí nɛ ɔlɔ ɛtakpu.

Romanɛ 5:8 Referans Kwoze

Romanɛ 5:6

Nɛ kibe gbangbã mɛ gɛ kibui bhɛbhɛtɛ nanà gazã bɔlɔ ahɔɛɛ, Kristo ebetsí nɛ bagɛ betinyi Owusoso Akaa nɛ̀ ɛtakpu.

Petro 1 3:18

Ɔmɔsɛ Kristo etsí butsì tunikpo akɔ ɔlɔ ebui kpa, anɔ gbangbã ebetsí akɔ ebui kpa bhɛbhɛtɛ eleteɛ sɛ tɛ̀ agbanà wɔnɔ amana Owusoso Akaa ɔkɔ. Beyíi nɛ ishudzya mɛ, pɔ ɔfɔfuĩa nɔ ɔkɔ yɛazã nɛ ɛkpã,

Yohanes 1 3:16

Kidzo ɛlɛ abha bɔgã pɛ butì kɛgɛ inu tɛdɛdɛmɛ nɔ, Yesu Kristo alɔkɔ yɛkpã elú akɔ ɔlɔ. Bɔlɔ tsyɛ kɛlɛ sɛ bɔlɔkɔ ɔlɔ ɛkpã lu ɔkɔ ɔlɔ adzya alɛ.

Efesoanɛ 2:7

sɛ tɛ nɛ agɔɔ gɛ lababaa mɛɛ, aba kasɛ yɛ ehoeyi ɔdɔ̃ gɛ batɛ balà alɔkɔ shɔnɔ bɔnanà ɔgana tibhui bhuibu mɛ, gɛ akasɛ nɛ yɛ ɛyamɛ gbangbã bhɛbhɛtɛ ɔkɔ ɔlɔ nɛ Kristo Yesu mɛ.

Romanɛ 4:25

Balɔkɔɛ akpɛ ahɔɛ akɔ butsi nɛ bɔlɔ ebui kpa ɛtakpu, pɔ Kitití ayɛ akɔ yɛalɔ nɛ bekpuɔ mɛ, sɛ tɛ balɔkɔ bɔlɔ asɛ bunu banɔ gbangbã.

Timoteo 1 1:16

Pɔ nɛ kibui ɛlɛ shu so pɛ beɖi mɛ ashagabui, sɛ tɛ nɛ mɛtakpuɔ, anɔ gɛezĩ adɛ nɛ ebui kpa bhɛbhɛtɛ elete nɛishi, tɛ̀ Kristo Yesu ebu yɛitu esi luluɔ gɛ ɛlɛ ɔtɔ̃kɔ ma akasɛ. Sɛ tɛ̀ bagɛ aba yɛkɛ yɛabha aŋã amɔ ɛkpã tihɔɔ.

Romanɛ 5:20

Bakɔ ɔsha aplɛnɔ, gɛ kɛkɔ ɔsɛ ɔshaa esi tatá tsyɛ iziwu abha. Pɔ ɛkɛlɛ gɛ ebui kpa bhɛbhɛtɛ ekpè atɔɖɔɔ, tibhui bhuibuɔ tsyɛ ikpè tɔɖɔ gelee ɔdɛ.

Romanɛ 3:5

Onupɛ bɔlɔ ebui abha mabhɛtɛ mabhɛtɛ lakɔ asɛ Owusoso Akaa ebui abha tɛbhɛbhɛtɛ xɔnɔ awɔ̃ɛ piapii nɔ, kiɖuwoe bɔbaɖɔo? Bɔbaɖɔ ɔsɛ Owusoso Akaa agɛna bhɛtɛ onupɛ akpɛ ɔmɔpɔɛ nɛ ɔlɔ shuɔ dza? (Ɛpɔ̃ɛ ebui mɛ asɛ anɔdzyrame ana.)

Romanɛ 5:7

Abagagalĩ ɔsɛ tɛ anɔ teli etsí nɛ anɔ gbangbã ɛtakpu, pɔ nɛ eyamɛ gbangbãelete teli itakpu xɔnɔɔ, anɔ teli abadɛmɛ asɛ tɛ etsí.

Romanɛ 8:32

Owusoso Akaa alɛ gɛ agɛkɔ ɛtakpu asɛ atɛ ashɛnɛ ahɔɛ nɛ Yɛeyiɛ shu, pɔ ashɛnɛ ahɔɛ nɛ yɛishu akɔ ɔlɔ petee nɔ, kiɖeso pɛ atɛ alɔkɔ bɔdɔ̃ pete tsyɛ aplɛnɔ akɔ ɔlɔ nɛ̀ sameɛ dza?

Romanɛ 8:39

ɔɖaɖama ɔkɔ alo odzudzukɔ alo kɛka nyia ka idi nɛ kanɔ alɛ pete mɛɛ, tɛ balà ebhui ulɔ ɔtɛ nɛ Owusoso Akaa tɛdɛdɛ mɛ nɔ gɛ akɔ bɔmɔ odenɔ bɔlɔ Apalete Kristo Yesu mɛ shu.

Galatianɛ 2:20

Bakpalà mɛ ɔplɛnɔ Kristo nɛ butsi osiɛ shu kɛlɛ gɛnɛ mɛ kalɛ nɛkpã, pɔ Kristoɔ yɛakpasɛ mɛ mɛ̀. Ɛkpã gɛ ɛlɛ mɛidzinɔ nɛ ishudzya mɛɛ, idzi nɛ ɛlɛ nɛ tɛyɛyɛkɛŋã nɛ Owusoso Akaa Yɛeyianyɛ mɛ, anɔ gɛ adɛmɛ mɛibui pɛ alɔkɔ yɛishu akɔ nɛ mɛtakpu.

Efesoanɛ 5:2

tɛ nɔzã nɛ ɛkpã nɛ tɛdɛdɛmɛ nɔ mɛ, asɛ kana gɛ Kristo adɛmɛ ɔlɔ ɛbui pɛ alɔkɔ yɛishu akɔ asɛ bɔdɔ̃ kɔkɔ gɛɛlɔ̃ huhuhu nɛ̀ bɔdɔ̃ pɔpɔɛ ɔkɔ Owusoso Akaa.

Hebrianɛ 8:3

Bezèdzu banɔlũazazã gbagbla ka nyia ka sɛ tɛ azalɔkɔ bɔdɔ̃ kɔkɔ akɔ, tɛ azapɔɛ bɔdɔ̃ tsyɛ, kliso kinu awuhũ dzadzã ibui sɛ tɛ kɛdɔ̃ tili zã yɛtsyɛ ahɔɛ tɛ azakɔ.